💕أنت قلبي٢💕

الحلقة ١٢٦

#أنت_قلبي٢
#بوسي_مصطفى
____________

الحلقة ١٢٦

في شقة سيف.
مليكة بتظبط السفرة و منتظرة سيف يرجع من الشغل وقفت في البلكونة و عينها من العربيات اللي رايحه و اللي جايه و و بعدها عينها توقع على الساعة.
مليكة : يا ترى ايه اللي اخرك كده يا سيف؟
مش عارفه كده الموبايل باظ و لا ايه؟
بتفُك الكفر بتاع الموبايل و بتحاول تشغله مرة تانية.
مليكة : لا شكله كده باظ خلاص
ايه ده؟
تنظر لتحت تلمح مي داخله العمارة.
مليكة : مي!
يا ترى جايه زيارة عادية و لا في حاجه تانية؟
جرس الباب يرن تجري تفتح الباب و ببتسامة :
حبييتي اتفضلي.
مي : ايه دا انتي عارفه إني جايه و لا ايه؟
مليكة : لأ شوفتك من تحت ادخلي يا مي.
مي تدخل ببتسامة و تلمح السفرة : دا أنا حماتي بتحبني
قوي ههههههههههه
مليكة : لازم تحبك طبعًا تتغدي معايا بقى.
مي : لأ هشرب حاجه ساقعة أصل عطشانه قوي.
مليكة : حاضر.
و دخلت المطبخ و جات.
مي : هو انتي عامله الغدا دا لجوزك؟
مليكة : اه بس سيف اتأخر.
مي : معلش تلاقي الطريق زحمه و لا حاجه اتصلي اطمني عليه.
مليكة : المشكلة إني الصبح و أنا في المطبخ كنت بعمل نسكافيه
شغلت المياة علشان اغسل حاجه و في أيدي الفون قومت غسلته تحت الحنفيه بالغلط.
مني : يا خبر!
ههههههههههههه
فداكي يا ملوكه.
مليكة : من وقتها بحاول اشغله لكن شكله كده باظ خلاص.
مي : فداكي يا حبيبتي.
مليكة : اقعدي بقى اتغدي معايا.
مي : لا معلش أنا هشرب ده و انزل على طول قبل ما جوزك يرجع.
مليكة : ايه دا انتي لحقتي تقعدي اصلا!
مي : معلش مش عايزة اضايقكم.
مليكة : ليه هتضايقنا مش فاهمه!
بالعكس احنا بنحب اللمه قوي
ثواني سيف الظاهر جه.
تجري مليكة تفتح باب الشقة.
سيف ببتسامة : معقوله بتفتحي الباب بنفسك!
مليكة : شوفت بقى
ههههههههههههه
أدخل يا حبيبي.
سيف بيدخل و لسه بيقرب يُقبل مليكة : وحشتيني.
مليكة بخجل و همس : حبيبي عندنا ضيوف.
سيف بدهشه : ضيوف و لابسه كده؟!
مليكة : لأ محدش غريب دي مي صاحبتي.
سيف و بيحاول يداري ضيقه : صاحبتك! طيب.
مليكة : ايه مالك؟
سيف : مفيش.
مليكة : طيب تعالى غير هدومك علشان نتغدا مع بعض.
دخل سيف و في طريقة لغرفة النوم مر على مي اللي كانت قاعدة في الليفنج : سلام عليكم.
مي : و عليكم السلام.
مليكة : مي ثواني و جايه.
مي : اتفضلي يا حبيبتي.

في غرفة سيف و مليكة.
مليكة : يعني ايه مش هتخرج تاكل؟!
سيف : مليش نفس أنا هنام.
مليكة : هتنام دلوقت؟!
سيف : راجع تعبان و محتاج استريح.
مليكة : طب تاكل الأول و بعدين نام براحتك.
سيف : هنام ساعة و أقوم أكل.
مليكة : ما هو الأكل جاهز على السفرة يا سيف يلا بقى أنا بقالي ساعة قاعدة مستنياك.
سيف : مش قادر يا مليكة.
و يقرب من السرير علشان ينام.
مليكة بغضب : بقى كده!
اوك يا سيف خليك براحتك.
و خرجت مليكة من الغرفة و حاولت متبينش إنها زعلانه :
يلا يا مي ناكل لوحدنا بقى.
مي : معلش مش هينفع أنا نازله.
مليكة : لأ تنزلي ايه هو محدش عايز ياكل معايا و لا ايه؟!
مي : علشان اسيبكم براحتكم.
مليكة : تسبينا براحتنا ايه بس
سيف نام أصله راجع من الشغل تعبان اقعدي بقى افتحي نفسي على الأكل.
مي : صعبتي عليه حاضر هقعد أكل معاكي.
__________