ဤနေ့မှာ နေလုံးကြီးက ပုန်းကွယ်နေသယောင်...
အလင်းတန်းတို့က မှေးမှိန်လျှက်....။
လင်းရောင်ခလဲလျောင်းနေသည့် လူနာတင် ကုတင်ဘေးတွင်...ဦးသူရိန်ခ ဝမ်းနည်းစွာ ထိုင်နေသည်...။
ဖြူဖျော့ဖျော့ဖြင့် သားငယ်ကိုကြည့်ကာ မျက်ရည်ဝဲစွာဖြင့်......
"သားရယ်...ဘာလို့ ဖေဖေ့တို့ကို ဥက္ခာပြုရက်တာလဲ...ဖေဖေ့ဘဝက သားငယ်လေးမရှိရင် ပြည့်စုံမှာမဟုတ်ဘူးလေကွာ...အခုကြည့်..ပြည့်စုံနေတဲ့ဘဝကြီးကို စွန့်ပြီး ဘာမဟုတ်တဲ့ကောင်ကြောင့် ဒုက္ခတွေခံနေရတယ်မလား...သားမေမေသာရှိရင် ဘယ်လောက်တောင် ရင်နာလိုက်မလဲ...
တော်ပြီ..သားကို ထပ်ပြီးတော့ လက်မလွှတ်နိုင်တော့ဘူး...ထွက်သွားခွင့်မပေးတော့ဘူး...သားလိုချင်တာအကုန်ဖြစ်အောင်လုပ်ပေးမယ်..အဲ့ဒီကောင်ကိုတောင် မေ့သွားတဲ့အထိ...ဖေဖေတို့ သားကို ပျော်အောင်ထားမယ်...."
လင်းရောင်ခ၏နဖူးလေးကို နမ်းလိုက်ပြီး...ဦးသူရိန်ခ ပြုံးကြည့်နေသည်....။
ထိုမြင်ကွင်းကို အခန်းအပြင်မှ ကြည့်နေသည့် ဟန်ဇင်ခက ကျေနပ်စွာပြုံးရင်း....
"စိတ်ချပါဖေဖေ...ကျွန်တော်တို့မိသားစုထဲကရော ဖေဖေ့ရင်ခွင်ထဲကနေရော..ဘယ်သူမှထွက်မသွားတော့ပါဘူး..."
××××××××××××××××××××××××××
ဆေးရုံထဲတွင် လိုအပ်သည့် ဆေးပစ္စည်းတွေ ပြေးပြေးဝယ်နေရသည်က ကောင်းခန့်နိုင်နှင့်ကျော်သူရ...။
ကျော်သူရလည်း သူ့ဂျူတီချိန်မဟုတ်သည့်အတွက်...ဘေးကနေသာ ဂရုစိုက်ပေးရသည်...။
"အစ်ကို...အစ်ကို...အစ်ကို..."
ဘေးကနေ မနားတမ်းခေါ်နေသည့် ကောင်းခန့်နိုင်ကြောင့် ကျော်သူရ လမ်းလျှောက်နေတာကို ရပ်လိုက်ပြီး...
"ဘာလဲ ကောင်းရယ်...မင်းကလည်း လူတစ်ယောက်လုံးရှေ့မှာရှိနေတာတောင် ဘာလို့ခေါ်နေတာလဲ... "
"ဟာ...မတူဘူးဗျ...ဘယ်အချိန်မှာ ဘာဖြစ်မလဲဆိုတာ ပြောမရဘူး...အခုပဲကြည့် ကစ်နဲ့ထက်ကောင်းယံနဲ့ဝေးပြီ..အစ်ကိုဟန်ဇင်ခနဲ့မသော်တာ..အဲ..ဟုတ်ပါဘူး..ကိုဘုန်းနေသော်...ပြီးတော့ အစ်ကိုလတ်နဲ့မမခြယ်ကရော ဘယ်လိုလာဦးမလဲမသိ..."
VOCÊ ESTÁ LENDO
⚠BECAUSE...⁉ {U+Z} (Completed)
Romanceဘာကြောင့်ချစ်မိသွားသလဲ..... ဘာကြောင့်စွဲလမ်းမိသွားသလဲ..... မာနတွေ..အမုန်းတွေကရော..ဘယ်ကိုရောက်သွားသလဲ... အဘယ်ကြောင့်ဆိုသော်.............
