في ضريح العشق حمامـــــه......💙🕊

البارت السابع عشر

#في ضريح العشق حمامة،،

وئام الشيخلي،،
البارت السابع عشر،،

مساء المحبة على عيون الاحبه ❤️

،،،،،،،

الحياة دمعتان : دمعة لقاء ودمعة وداع ، والأصعب من ذلك دمعة لقاءٍ بعد الفراق

،،،،،،،،،،،،

المره وصلت باب بيتنا وتدك بقوه باثنين ايديها وتبجي بصوت يكطع الكلب
وتصيح على بختك عمة محمد...

اني حسيت الدنيا افترت بيه يشهد الله احس روحي بحلم اريد اركز اني وين وشنو اليصير...

كل بالي يم محمد شبي وليش تنعى المره باسمه..

ومنو هاي المره بحياتي ماشايفتها...

صارت بنيه كبالي ويانا بالخط تداوم تربيه رياضيه..

لمت المحاضرات تكلي انتي زينه تكدرين تمشين...
سحبت ايدي تمشيني احس نار صارت بقدمي من ادوس عليها..

حاولت اسيطر لان توازني اختل..
وانوسه نزلت تكلي ماما انتي زينه..

بالي مو يمهم اباوع الباب أنفتح والمره دخلت هي والرجال..
ادعي بداخلي ربي لاتفجعني وإتمتم وي نفسي بادعيه..

نزلت ابنيه ثانيه وياها وابو الخط كال وصولها اخاف قدمها انكسرت لاتدوس عليها..

يسألوني منو ذولي الدخلو بيتكم واني من الدموع صرت حتى طريقي مااشوفة..

طبعا شبه شالني البنات على اكتافهن لان احس بقدمي انشلت كلش..

اسمع الصوت قوي وبجي والمره تعاتب خالتي وصوت محمد وياهم متأكده..أي هذا صوت محمد...

والبنات خطيه وصلني الهول..
اتشكرت منهن..
وحده نزلت على ركبتها بوست مسك نايمه.. والثانيه تكولها خطيه لاتكعد..

طلعن كالن مابيج الاالعافيه..

اسمع يحجن يكولن أن شالله سلامتكم
خطيه من شافت المره تبجي تخربطت والتوت قدمها..

ومحمد يتشكر منهن..

دخل محمد مستعجل بملابسة العسكرية..

اريد استوعب شنو اليصير..
اتفاجا من شافني ابجي..
نزل لمستواي يجر حسرات..
وعيونه دم...

محمد... شبيج متاذيه..

مها.. شصاير.. منو هاي المره...
رد بحزن عمتي ام كرار...

ابوي ضاربته جلطه دماغيه.. صار يومين وفاقد...

صدك انقهرت وبجيت شلون قهر...
شكله مايروح من بالي شلون مهضوم ومكسور من شفته قبل أشهر..

من بين دموعي كلت الله يشفي ويعافي..
يكوم بالسلامه ان شاء الله..

رجع سألني كال متاذيه قدمج شبيها..
رديت مابيها شي..