عشق من رحم الجحيم

الفصل الثالث

الفصل الثالث

فى المساء في منزل هاله ....

جاء اسد من عمله فى وقت متأخر فوجد هاله مستيقظه

اسد : غريبه اى اللى مصحيكى

هاله : مستنياك ياروحى

اسد بإستغراب : انا ليه

هاله : علشان اعملك الاكل طبعا

اسد: دة اى الرضا دة كله

هاله : والله دة على اساس ان امك هى اللى بتطفحك كل يوم مش انا

اسد بضحك : ههههههههه والله العظيم عيب اللى بتعمليه دة يابت دة انا اكبر منك

هاله بضحك هى الأخرى  : هههههههه مهو انت الصراحه غريب م انا اللى كل يوم بعملك الاكل ورايح تقولى اى الرضا دة كله

اسد : اصلى انا اللى بيطلع عينى على م بتوافقى

هاله : ياسيدى مرة من نفسك اهو وانا اللى هقوم اعمل يلا بقا من هنا خد شاور على م اخلص

اسد : طيب بقولك صحيح فين البت نيرمين واكيد ماما وبابا ناموا

هاله : نيرمين قاعدة على الفون بتاعها جوا وايوة ماما وبابا نايمين يلا بقا روح استحمى ريحتك طلعت على الجيران لما اشتكوا

اسد : لا والله

هاله : اه والله غور بقا ( قم دفعته بإتجاه غرفته وذهبت لتجهز له الطعام )

جاسم : كح ... كح .... كح ... ياهاله

هاله : أيوة يابابا مالك بتكح ليه الدوا بتاعك فين

جاسم : لقيته خلص

هاله : طب ليه مقولتليش كنت جبته بس يلا ملحوقه هنزل اجيبه

جاسم : لا ياحبيبتى الوقت متأخر

نيرمين : دة على اساس ان بيهمها متأخر ولا نيله

هاله بضحك : هههههه للدرجادى سمعتى وحشه على العموم اديك سمعت ياابو الجسور يلا بقا سلام

( ثم ذهبت )

جاسم : ياهاله خدى هنا

هاله : سلاااااام انا مش سامعه حاجاااااااااااه ونيرمين خلى بالك من الاكل على ما اجى

نيرمين بضحك : ماشى ياتوينزى

اسد : فى اى ياجماعه اى الصوت دة

جاسم: اختك هو فى غيرها

اسد : هاله ؟! عملتك اى المصيبه دى

جاسم : نزلت

اسد : دلوقتى ؟! طيب ليه

جاسم : نزلت تجيب ليا الدوا علشان خلص

اسد : طيب مقولتليش ليه كنت جبته انا

جاسم : حصل خير انا مفتكرتش اصلا