💕أنت قلبي٢💕

الحلقة ١٢٧

#أنت_قلبي٢
#بوسي_مصطفى
______________
الحلقة ١٢٧

في فيلا كريم.
فريدة : بعد كل اللي قولته دا مروحتش تبلغ عنه ليه؟
كريم : هتعرفي بعدين.
فريدة : أنت عايز تجنني معاك دليل ادانته و برضو مش عايز تبلغ قولي السبب متسبنيش كده؟
كريم : هقولك بعدين.
فريدة : كريم!
كريم : مش وقته يا فريدة.
فريدة : خلاص قولتلي ليه؟
كريم : علشان اطمنك.
فريدة : تطمني على ايه؟
قولي و ريحني بقى.
كريم : خلاص اقعدي و أنا هقولك.
فريدة بتبكي : أنا جوايا نار و أنت مش حاسس بيه.
مسك ايدها و قعدها و بيمسح دموعها : هقولك بس حاولي تهدي.
فريدة : حاضر اديني هديت اهوه.
كريم : الست اللي جاتلنا بالاوراق و الفيديوهات و التسجيلات اللي قولتلك عليها وراها حاجه تانية.
فريدة : ايه هي فهمني؟
كريم : أول حاجه غلطت فيها إنها قالت إن الحاجات دي عندها بقالها فترة و لا مرة فكرت إنها تكلمني أو تبلغ هي بنفسها و مصممه إن مصطفى ميعرفش شخصيتها تمام
ممكن خايفه على نفسها بس برضو دي حاجه تخلينا نشك فيها تاني حاجه في تسجيلات لرحمة
بتدين نفسها بحاجات يعني زي هتنتقم مننا و كلام من ده فرحمة مش هتبعتلها حاجات من دي إلا إذا كان الطرف التاني هو اللي اخد الحاجات دي يبتز بيها اختك
حاجه كمان و غلطت فيها لما قالت تليفونها بيسجل المكالمات لوحده في تسجيل صوتي ما هو مش مهم يعني بس بيوضح إن صاحبة اختك كانت بتسجلها
حاجه اخيرة قالت إن في فيديوهات مش كويسه يعني دا على كلامها لجوز اختك مع إن مفيش ست هتحتفظ بالحاجات دي عندها و تستنى تنتقم
خلينا نفكر لو أنا مكانه انتي هتعملي ايه؟
فريدة : هقتلك أكيد.
كريم : حلو قوي.
فريدة : هو ايه اللي حلو مش فاهمه؟!
كريم : إن الواقع بيقول إن الست مستحيل تسكت على حاجه زي دي و رحمة من كلام صاحبتها قالت إنها كانت بتعاني من اضطرابات نفسيه و كل دا و جوزها كان عارف كمان مفيش تسجيل صوتي ليه بيتكلم مع دكتور و بيشرحله ازاي يتخلص منها في أقرب وقت مع إنها لما كلمتني قالت إن في دكتور يعرفه و هو اللي مخطط معاه كل دا
عرفت منين؟!
فريدة : معرفش و مبقتش فاهمه حاجه.
كريم : يا حبيبتي فكري.
فريدة : تقصد إنها شريكته و هو اللي قالها الكلام ده معقوله؟
كريم : مفيش حاجه بعيده.
فريدة : ايوه يا كريم بس أنت قولت إن في عربية كانت بتطاردهم لمدة ساعتين و قدروا يهربوا منهم ازاي هي معاهم بقى؟!
كريم : يمكن يكون تمويه علشان رحمة متشكش فيها و ممكن يكون الكلام دا محصلش اصلا.
فريدة : حبيبي لما هي شريكتهم ازاي تحتفظ بحاجات زي دي بتدين مصطفى و اللي اسمه شاكر ده.
كريم : الاحتمال الأكبر إنها كانت بتلعب على كل الحبال.
فريدة : حاسه إني في فيلم عربي قديم و حضرتك المخرج كريم أنا مش مقتنعه بصراحه.
كريم : مش هخسر حاجه كده و لا كده الحاجه معايا  و لو  كانت صادقة في كلامها هيروح في داهيه هو و دكتور شاكر كانت شريكتهم هيبان و هتشرف معاهم.
فريدة : ايوه بس هما كده ممكن يموتوها.
كريم : ما هو لو متأذتش يبقى هي معاهم لإنهم أكيد مراقبنها على حسب كلامها لكن لو سايبنها يبقى هي معاهم و هما مبيشكوش فيها.
فريدة : ايوه بس ايه اللي يخليها تقلب عليهم لو هي معاهم؟!
كريم : معرفش بس يمكن كان في اتفاق ما بينهم و متنفذش فحبت تستخدم الكارت اللي معاها و تنتقم منهم.
فريدة : هو أنت رئيس مباحت؟
كريم : ليه بتقولي كده؟
فريدة : علشان حساك كده اسلوبك و طريقة كلامك غريبه قوي عليا.
كريم : على فكرة دا مش كلامي لوحدي أنا و دكتور هشام قعدنا مع بعض و فكرنا في الكلام اللي تقال كويس و اللي نبهنا ليه الاستاذ مجدي لإن هشام حب ياخد رأيه.
فريدة : طيب و هتستنى قد ايه كده لحد ما تعرفوا إن كانت معاهم و لا لأ و ايه اللي هنستفيده اصلا المهم الحاجات اللي معاك حقيقية و هو دا هدفنا اصلا مصطفى و اللي معاه يدخلوا السجن و خلاص.
كريم : و اللي خانت اختك دا لو اتاكدنا يعني من ده ايه متاخدش جزاءها هي كمان؟!
فريدة : صح هي لو عارفه بحوار الدكتور شريكهم في اللعبه القذره دي يبقى هي كمان شريكه معاهم بسكوتها و إن رحمة توصل للمرحلة دي و متحاولش تنفذها أو حتى تقولنا و كنا نحميها منه و ندخلها أي مستشفى تتعالج
بس فاتن دا اسم أول مرة في حياتي اسمعه رحمة ملهاش صاحبه اسمها فاتن اصلا.
كريم : ممكن تكون عرفتها من فترة قريبة لأ استني هي قالت إنها صاحبتها من زمان قوي.
فريدة : عمر ما رحمة قالتلي إن ليها صاحبة بـ الاسم ده.
كريم : هي فكرت إن لهفتنا على المستندات اللي معاها مش هتخلينا نركز في كلامها.
فريدة : أنا بدأت أشك فيها فعلا وراها حاجه مش مريحه الست دي.
كريم : هيبان كل حاجه.
فريدة : هتعمل ايه؟
كريم : في خطه في دماغي لو نفذتها هقدر اواجهم ببعض بس محتاج ترتيب شويه.
فريدة : بس بسرعه يا كريم لإنه لو شم خبر ان الحاجات دي معاك ممكن يفكر يأذيك.
كريم : في أقرب وقت متقلقيش.
فريدة سكتت بتنهيده و هي قلقانه.
____________