الدكتورة أسيرة الزعيم 🔫👩‍⚕️

الحلقة 8

جازو يومين على هاد الحالة ماكس من الخدمة الدار و جوري ماشافتو مهدرت معاه جوري قدرت تهدر مع يماها بتليفون تاع جميلة بدون علم ماكس و بعد تحلال كبير من جوري هدرت مع يماها و قالتها انو راهي عندها خدمة كبيرة و متقدرش تعيطلها لانو راهي مشغولة.
نهار بارد و الشتا طيح ناضت دوشت دوشت و خرجت التاقة طل و تشم في الهواء النقي و تستمتع بصوت الشتا حتى حست رعشة سرات في جسمها دخلت و غلقت التاقة و قعدت فوق الفراش:  اووووه كنت حابة نتخطف يعني كانت شغول أمنية مي ماشي غير بناشف هكدا يعني الواحد يتمنى يكون كاين هكدا اكشن و منا مي ياحسراااااه انا ويين و الاكشن ويين يعني راني بين يدين زعيم ماافيا و مادلرلي والو بيزار.....لالا ماشي بيزار اووووه ايه الخطف الملوش طعم ده يا ناااااس كرهت و راني فشلانة .تكسلت و هي تشوف في السقف حتى داتها عينها ...

ماكس: طاطا ديتولها الماكلة!
جميلة: دوك راح نديلها ماكس وليدي
ماكس:  اوكي و قوليلها تاكل سينون و الله غير العقاب تاعها راح يكون كبير و منرحمهاش
جميلة: راني ندل معاها و الله غير تشرب الماء برك و كي نقوللها تقولي ناكل
ماكس:  اوكي هاد المرة متاكولش عقابها عندي و راح...
طلعت جميلة للغرفة تاعها فتحت الباب لقاتها راقدة و مكمشة في الفراش حطت البلا فوق لاطابل لي كانت تما و راحت وقفت قدامها لقاتها تسيل بالعرق راحت تشوفها لقاتها تغلي بالحمى:  يا يما الطفلة راح تموت. خرجت تجري  تحوس على ماكس لقاتو ماكاش رفدت التليفون تاعها  و عيطتلو: الو ماكس..
ماكس: وي خالتي محبتش تاكل و لا!
جميلة:  لالا رحت ديتلها الماكلة لقيتها راقدة كي رحت نوضها لقيتها تسيل بالعرق.....اسر وليدي الطفلة راهي تغلي بالحمى
ماكس:  ديريلها كمادات و دوك تحبسلها و كوبا
ماكس:  هه دايرة في بالها راح تسلك مني نشوفو يا حضرة الدكتورة و كمل خدمتو.
طلعت جميلة و دارتلها مي الحمى محبتش تحبط بقات غير ديرلها مي والو راحت تعيطلو مي ترددت و خرجت و خلاتها

ماكس:لازم نجيبوهم و نخلوهم في المستودع لي في *****
سام: ايه هاد السمانة يلحقو راهم واجدين
ماكس: ايا اوكي و بالاك منسحقو حتى غلطة لانو ببساطة غلطة وحدة نروحو فيها
سام:  ماتخافش ماشي حنا لي نغلطو و نروحو فيها bro ..ايا اومبعد

ناضت حست السخانة قاع فيها و تسيل بالعرق نحات التريكو لي كانت لابساتو و قعدت ببوستي و رأسها لي راح يطرطق عرفت انها مريضة راحت الدوش غسلت وجهها وولات ترقد .

لحق الليل جا ماكس راح للكوزينة لقا جميلة و الخدم تما: خالتي واش راهي حبطتلها الحمى!
جميلة بخوف: لالا الحمى راهي عالية بزاف درتلها كمادات و بقيت نعاود مي محبطتش مع الاسف...
ماكس:  اوكي دار و طلع بكل برود جبد المفتاح و دخل عندها لقاها راقدة و الغطا رمياتو بعيد راح وقف عند راسها مسها لقاها تغلي بالحمى جبد التليفون من جيبو و عيط: 10 دقايق تكون عندي 10دقايق و كوبا.
بعد مدة جا الطبيب جا يدخل البيت حبسو ماكس حبط عند جميلة:  شوفي كاش خدامة تطلع تلبسلها حوايجها راه جا الطبيب.
جميلة:  دوك انا نلبسلها و طلعت قبلو كملت و طلع الطبيب و ماكس فحصها و خرج ماكس:  واش بيها
الطبيب: خدات برد و راهي هاملة صحتها بزاف لازملها الراحة و على حساب الشوفة ماراهيش تاكل لازملها تاكل و تفرد صحتها و هادي الأدوية لي لازم تشربهم بالشفاء و راح.
ماكس دخل عندها شافها راقدة:  طلعتي صح مريضة مي نتفاهمو عليها على الماكلة مزال الايام بيناتنا..
حبط عند جميلة و قاللها طيبلها حاجة سخونة و راح شرالها الدوا و رجع طلعلها الماكلة لقاها ناضت .
ماكس:  مرضتي باش تسلكي مني ولا!
شافت فيه جوري و دورت رأسها راح حط السنيوة فوق حجرها و حطلها الدوا قدامها و قاللها:  كولي
جوري: منيش جيعانة
ماكس:كولي قتلك
جوري : منكولش بسيف
ماكس:  اوكي نتي حبيتي
قعد قدامها و رفد البلا و حطو عندو و بدا يوكل فيها دورت رأسها:  نعرف ناكل وحدي صحا و نحاتلو المغرفة من يدو و بدات تاكل
ناض و قاللها:  متنسايش دواك و جا خارج..........لحق عند الباب و هدر بلا ميدور:  تقدري تخرجي من البيت و يااا ويلك تسيي تهربي .و غلق الباب
جوري: تقدري تخرجي من البيت و يااا ويلك تسيي تهربي ...متكبر
جبدت الدوا تاعها و شرباتو و حبطت البلا للتحت تاهت حتى  لقات روحها في وسط القصر معرفتش منين تروح حست بدوخة مي تمتم فطنت حتى شافت سام دخل شافها رافدة السنيوة و واقفة في الوسط
سام: علا حساب الشوفة تبحرتي و تبسم
جوري في نفسها: اويلي ديك الضحكة كي دايرة...
فطنت مع روحها حست روحها  دايخة خلاص  و قالت: وين الكو......و جيبها في الارض مع لي طاحتلها السنيوة جا ماكس و جميلة و الخدم خرجو من الكوزينة رفدها سام و هدر: خالتي جميلة وين بيتها
جميلة: ارواح مع..
قاطعهم ماكس كي حبط و رفدها من يدو و طلع بيها للبيت:  تقدرو تولو للخدمة و نتا استناني في المكتب راني جاي
فتح الباب و حطها فوق الفراش شاف فيها و هدر:  النهار الأول تي حتى الساعة الأولى لي خليتك تخرجي بديتي اوووه الصبر يا ربي غطاها و خرج راح للبيرو
سام: واشبيها!!
ماكس:  واش يهمك فيها!
سام: كي شفتها طاحت خلعتني المهم على 15 يوم التسليم في غابة ***** على الساعة 3تاع الليل...
ماكس و هو يشوف فالفراغ: اييه مليح مازال الوقت و هاد الشي لصالحنا
سام: ايه و دوك متقوليش واش بيها!
ماكس و هو يشوف فيه شوفة كحلة:  تسكت ولا نسكتك دوك انا بطريقتي!!
سام : معليش راني نطلع نشوفها و نطل عليها و لا خلي غدوة خير تكون عيانة دوك منزيدش عليها..
ماكس: اخرج
سام: تي واشبيك ياك راهي أسيرة عندك لي يسمع يقول حبيبتك
ناض ماكس و قال: ايه صاحبي يااه رما يدو و طبطبلو في كتفو و قالو:  واش راك حاب طل عليها ياك!
سام:ايه
ماكس: اوكي... نحا يدو و ضربو بوكس لكرشو حتى سعل و قالو: باش المرة الجاية تتعلم تسمع الهدرة و دوك Good night brlو راح.
اما سام لي كي خرج ماكس تبسم و هدر : يامات برك و نثبتلك تخمامي يا صاحبي يامات برك.............
طلع دخل دوش و هو يسيي يكالمي روحو من الهدرة لي هدرهالو صاحبو و يتحكم في روحو باش ميديرلو والو بعدما شافو رفدها غلق الما و خرج لبس حوايجو و رما روحو في الفراش و هو يخمم فلي جاي حتى رقد......