#نسمة_الحب

✳ الجزء 1 ✳ ♥نـــــــــــــسمة غظنـــــــــــــــفر♥

                 ✳ الجزء 1 ✳

   ♥نـــــــــــــسمة غظنـــــــــــــــفر♥

           ♣ نسمة الحب ♣

             ✏ الفصل الاخير ✏

             ⚕ حب صادق⚕

🌸فاطمة الزهراء مبارك🌸

راجعة من قرايتها و هازة في يديها كتوباتها هذا اخر عام عندها في الماستر بقا ليها 15 اليوم على السوتنوس ديالها تنهدات و وقفات في راس الشارع كتشوف هنا و هنا و تشوف في ساعتها بنت طبيعية عادية كيف كل بنات قلبها بيض و صفى من الحليب وجها عادي حجبان مقادين و شفار كبار عيون كبار خدود مطبزين و حميمرين شفايف منفوخين ورضيين شعر طويل على قدها فورمتها تحمق قصيرة على قد اليد كيف كي قول ليها باها

تنهدات حتى وقفات عليها لوطو طلات و شافت

***:نسمة
نسمة(صوت عدب):هندة
هندة؛طلعي
نسمة:شنو
هندة:طلعي يالله نمشيو لشي كافي
نسمة؛لا غير سيري انا عنمشي لدار
هندة:طلعي ا صحبتي الله يهديك
نسمة(تنهدات):واخا

حلات لوطو و طلعات و كسيرات نسمة جامعة عندها كتوباتها هندة دارت عندها و بتاسمات

هندة:عنمشيو نتلاقاو فيزة
نسمة(حركات راسها):لا لا ا هندة مبغيتيش
هندة:يهديك الله غير قهوة
نسمة:فايت خويا موصيني نبعد منها
هندة:البنت غير كتزهى و تلعب عادي هذه خوك معرفتو منين خارج
نسمة(خنزرات):هندة خليني مزيانة
هندة(ضحكات):صافي واخا غير ضاحنا ها حنا وصلنا

نزلات كتقاد صاكها في كتفها طلات على البلاصة و بتاسمات

نسمة:فين هي هذه المتعوسة
هندة:زيدي يالله راها الداخل

ضحكات و دخلات معاها شادة في كتافها يهضرو علاقتها بيها مزيانة و اول وحدة تعرفات عليها في حدا البيڤيت ولكن مشكل انها تعرفات هذه هندة  على فايزة و بنت خارجة طريق داكشي علاش هو نسمة كي وصيها تخرجش معاها سرحو عينيهم حتى كي شوفوها جالسة ولكن مشي بوحدها معاها واحد