💕أنت قلبي٢💕

الحلقة ١٢٨

#أنت_قلبي٢
#بوسي_مصطفى
______________
الحلقة ١٢٨

عند بوابة الجامعة
آدم : قولي عملت ايه؟
ياسين : هههههههههههه
المشكلة اتحلت و اخدت فلوسي.
آدم : طب كويس بس عمك سابك كده من غير...
أكيد فاهمني.
ياسين : شوف يا اخويا الفلوس دي كانت شبه مفقودة فلما ارجعهم و ادي عمك جزء منهم يبقى أنا اللي كسبان برضو.
آدم : يا خيبتك عارف لو بتساعد واحد محتاج مكونتش هقولك حاجه بس عمك بصحته و هو بيجي ياخد مننا بدون وجه حق و شايف كأنه ابونا مثلا و مفروض نصرف عليه و احنا اصلا عيشنا عمرنا كله منعرفوش و لا عمره سأل علينا حتى بالتليفون.
ياسين : بقولك ايه تحب تتغدا فين النهاردة؟
آدم : دا بمناسبة الفلوس اللي رجعت يعني ايه ناوي تخلص عليهم كلهم النهاردة سيب شوية لبكره.
ياسين : هههههههههههه
ليه هو أنت مفكرني هعزمك على غدوه بخمستاشر ألف جنيه ليه هوديك تتغدا في جزر المالديف!
آدم : هههههههههههه ثواني و جايلك.
ياسين : اتفضل يا عم و لا يهمك.

قسمت : استني يا رقية آدم جاي علينا.
آدم ببتسامة : ازيك يا قسمت ازيك يا رقية.
رقية : تمام.
قسمت : بخير و انت اخبارك ايه؟
آدم : كويس انتوا مروحين و لا ايه؟
قسمت : اه خلصنا و مروحين أنت خلصت؟
آدم : ايوه.
قسمت : طب كويس.
آدم نظر لـ ياسين..
قسمت : هو الاستاذ ياسين معاك؟
خلاص بقى روحله و احنا هنروح.
آدم : لوحدكم؟
رقية : لأ مروان جه اهو أصله كان في الدرس و ماما قالتله يعدي علينا فاخد تاكسي و جه.
ينزل مروان يسلم على آدم و ياخد اخواته و يركبوا التاكسي ويمشوا.
ياسين يقرب من آدم : ايه هتفضل واقف هنا؟
آدم : كان نفسي اعزمها على الغدا.
ياسين : اه علشان باباها يعرف و تحصل مشكلة.
آدم : مكونتش اصلا هعمل كده مش خوف من باباها و بس لانه اصلا مينفعش علشان كده كنت عايز اكتب الكتاب اهو نقدر نخرج لوحدنا.
ياسين : اخوها  كان معاها ممكن كنت تقولها و كانت هتوافق لو اخدت اذن باباها.
آدم : مجاش في دماغي و بعدين اصلا اخوها كان مستعجل و مش هيقعد أنا عارف يلا اهو نصبر شويه.
ياسين : ايوه صبر نفسك شويه
ههههههههههههه
يلا بينا علشان واقع من الجوع.
_________

في البلد...
سعيد : خرج نفسك من الموضوع ده يا محمود يا ابن عمي.
محمود (ابن عمهم و زوج صباح و اخو شوق) : يعني تقولي اخرج من الموضوع و بعدين تقول يا ابن عمي تيجي ازاي كده يا سعيد؟
سعيد : زي الناس هو علشان انت ابن عمي هتدخل في كل كبيرة و صغيرة في حياتنا؟!
محمود : ابن اختي و جاي و عشمان في خاله يجيبله حقه.
سعيد : لما اكون ظالمه يبقى يجيلك لكن اني مظلمتوش دا هو اللي واقف قصادي و موقفلي بيع المحصول هما العيال هيمشوا كلامهم علينا!
محمود : العيال اللي تقصدهم دول متجوزين و فاتحين بيوت يا ابن عمي.
سعيد : معلش برضو ميخصكش الحوار ده و أنا و أبن اخويا أحرار مع بعض.
محمود : خلاص اني غلطان.
سعيد : ايوه كده تعجبني لما تقول كلمة الحق.
محمود بضيق : اني قايم ماشي.
سعيد : اتفضل.
_____________
في الطريق..
حذيفة : استني يا تيته لحظة.
مها : رايح فين؟
حذيفة : ثواني بس و جاي.