اسكريبتات بقلم اسراء محمد ❤️

اسكربت 16

_مات ؟!
_لا بعيد الشر عليه ، الحمد لله نجي منها وقام بالسلامه بس بعد كده ماتسبهوش لوحدو
_ ليه هو عيل صغير علشان نقعد معاه
_ هو حضرتك تقربيلو ايه
_ أنا أم المحروس الي جوه ده
_ امو ؟!!! ، يعني الي جوه ده ابنك
_ اه ابني
_ طب ولما هو ابنك بتتكلمي كده ليه مش خايفه عليه ولا ايه
_ واخاف عليه ليه هو الي عمل كده في نفسو محدش عملو حاجه
_ يا فندم ابنك نجي بصعوبه من الموت ، انتي ازاي كده
_ وانا اعملو ايه ، هو مش صغير علشان اخد بالي منو ومن تصرفاتو
_ ايه ؟!!! ، د..ده احنا نجدنا من ايد عزرائيل بالعافيه ده كان هيموت ، ا..انتي مش خايفه عليه ، وبعدين اسالي حتي علي حالتو ده انا اول ما خرجت قولتي مات ولا لا
_ اه كنت عاوزه اعرف مات ولا لا علشان اروح بيتي ياختي انا مش قادره اقف يلا يا منال ياختي نروح
_ استني بس حضرتك ، ابنك حاول الانتحار وقطع شرايين ايدو بأله حاده بس ربنا نجاه وقدرنا نسيطر علي الموقف وعالجنا ايدو ، بس هو حالتو النفسيه مش تمام خالص ولازم حد يكون جمبو ماينفعش يكون لوحدو
_ وهو أنا الي هكون جمبو يا ست الدكتوره
_ امال مين ، انتي امو يعني هو أغلي حد عندك يعني هتكوني جمب مين لو مش جمبو
_ والنبي يا انسه أنا مش ناقصه وجع دماغ ، هو الي عمل في نفسو كده يبقي هو الي يتحمل المسؤليه يلا يا منال
_ يا مدام استني بس ، ط..طب استني انتي معاه حضرتك مش انتي خالتو ، تقفي انتي جمبو والله حالتو مش كويسه ونفسيتو مدمره وهيقعد في المستشفي فتره كبيره علي ما يبقي كويس
_ وانا مالي ياختي ما يقعد سنه ، ده حيالله ابن اختي يلا يا كريمه
_ ط..طب هو متجوز أو خاطب ، مراتو ولا خطبتو تبقي جمبو صدقوني ماينفعش تسبوه كده وتمشو
_ لا يا انسه ولا خاطب ولا متجوز ، سبينا نمشي بقي

كنت واقفه مصدومه منهم ، ازاي دي امو ازاي بالقسوه دي ، أنا ملاك عندي 27 سنه دكتوره جراحه شغاله في مستشفي خاصه والنهارده جيه شاب في الثلاثينات تقريبا وعرفت أن اسمو مصطفي ، حاول الانتحار وكان جاي فاقد دم كتير جدا بس بفضل ربنا انقذناه ، ولما خرجت اطمن اهلو لقيت خالتو ومامتو ورد فعلهم صدمني ازاي مش خايفين عليه ، بقي عندي فضول رهيب اعرف ليه حاول الانتحار وليه اهلو قاسيين كده ، واهلو سبب في محاولة انتحارو ولا لا ، كنت مذهوله من رد فعلهم وحزينه في نفس الوقت ، ووعدت نفسي أن لازم اساعدو واقف أنا جمبو علشان شكلو وحيد ، ووسط صدمتي سمعت صوت الممرضه .

الممرضه : دكتوره ملاك ، المريض فاق
ملاك بابتسامه : تمام ، هدخلو اهو

فرحت انو فاق معني كده انو اتحسن ودخلتلو .

ملاك بابتسامه : حمدل علي السلامه يا استاذ مصطفي
مصطفي بتعب : الله يسلمك
ملاك وهي بتحط الحقنه في المحلول : علفكره مفيش حاجه في الدنيا تستاهل انك تخسر حياتك علشانها
مصطفي بتعب وتقطع : ه...هو ايه الي حصل
ملاك وهي بتقعد قدامو : حضرتك عملت الي عملتو في نفسك وبعد كده مامتك جابتك المستشفي هي وخالتك واحنا الحمد لله قدرنا نوقف النزيف وبقيت كويس
مصطفي بوجع : ا..أيدي وجعاني اوي
ملاك : ايدك متخيطه هتوجعك فتره ، حاسس انك احسن
مصطفي وهو بيهز راسو : الحمد لله
ملاك : طيب ممكن تقولي ليه عملت كده في نفسك
مصطفي : ...........
ملاك : ممكن تعتبرني صاحبتك أو اختك وتحكيلي ، الي عرفتو من الدكتور النفسي أن حالتك النفسيه مدمره ومحتاج حد جمبك احم و..وبصراحه محدش من أهلك هنا ف..ف أنت ممكن تعتربني صاحبتك أو اختك وتحكيلي
مصطفي بتعب وهو بيبصلها : ........
ملاك : طب لو مش عاوز تتكلم معايا ، انا ممكن اجبلك الدكتور النفسي يتكلم معاك
مصطفي بتعب : مش عاوز اتكلم مع حد ممكن تقوليلي هخرج امته
ملاك : مش دلوقت خالص ، انت هتقعد هنا مش اقل من شهرين علي ما تتحسن ونفسيتك تتظبط
مصطفي بزهق : شهرين ، لا انا عاوز امشي النهارده
ملاك وهي مركزه النظر في عينو : لو شايف أن حالتك تسمح بكده هخرجك ، بص يا مصطفي الدكتور النفسي قالي أنو لازم يدخل يتكلم معاك علشان يشوف حالتك بس انا رفضت وقولتلوا أن أنا هتكلم معاك واني هساعدك علشان نفسيتك تتحسن وقولت للدكتور انو مايدخلكش يمكن ترتاح معايا ، وطلما انت مش مرتاح هدخلك الدكتور يتكلم هو معاك يمكن ترتاح
مصطفي بضعف : ممكن ماتدخليش حد والله ما قادر اتكلم
ملاك بحزن وحنيه : حاضر هسيبك ترتاح وهجيلك تاني بالليل
هز راسو بماشي من غير ما يتكلم .