المغامرة المجنونة🔥(مكتملة)

البارت الأول

عامر :يخرب عقلك يا بنتي اي اللي بتعمليه ده

..بعمل ايه يعني عادي  يعني

عامر: بتعملي ايه ماشيه علي سور السطح بالعجله وعادي حرام عليكي اللي انتي بتعمليه ده ..

..انت عارف يا عامر اني بحب المغامرة والجنون .

عامر: انزلي بس كده الاول يا هنا

..نزلت اهو يا عامر ها بقا ايه اللي مضايقك كده .

عامر : مضايقني كل حاجه بتعمليها انت اتخطيتي الجنون بجد دي حركات حد يعملها ...

مشي وهوا متعصب ....

نزلت قدام البيت علي البحر ...

قعدت قصاده وافتكرت رجعت بالذاكرة لورا

من 10 سنين لما بابا وماما اتوفوا في حادثه سير وسابوني لوحدي ماكنش ليا حد وماكانش ليا هدف لقيتني   لوحدي بواجه العالم بنت عندها 10 سنين بس مختلفه شويه عن اي بنت ام عامر اللي اهتمت بيا كنا جيران كانت بتيجي تصحيني وتمشيني للمدرسه وتعملي ساندوتشات انا اللي ماكنتش عايزة اسيب بيتنا وهيا احترمت ده وعمرها ما سبتني ...

انا دلوقتي عندي 21 سنه بابا كان مأمنلي مستقبلي بوديعه أخدها لما اتم السن ...

بس انا عمري ما كان اللي بيبسطني الفلوس أو المظاهر انا حاسه اني مختلفه بحب الخطر مش عارفه ازاي مش بحب الروتين اليومي ولا الملل وعامر بيتضايق من كده طب اعمل ايه يعني.

عامر اجي قعد جمبي..

عامر: انا خايف عليكي يا هنا

..من ايه يا عامر

عامر: من نفسك

..هههه من نفسي دي اللي خلتني اعيش لحد دلوقتي .

عامر : يا بنتي البنات اللي في سنك بتحب المكياج اللبس كده مش انت بتلعبي مصارعه وتمشي علي سور السطح في بنت تعمل كده .

..لا المكياج واللبس ده ماليش فيه وبعدين انا عاجبني نفسي يا عم ماتخافش..

عامر: جنانك ده هيموتك .

..عمر الشقي بقي هههه

عامر: مهما اتكلمت معاكي مفيش فايده اللي في دماغك في دماغك ..

..سيبك بس شايف الميه حلوة ازاي .

عامر: احنا في ديسمبر يا ماما الدنيا تلج

..ههههههه ماده الحلو بقا ..

عامر : لا ماتقوليش انك هتنزلي البحر

طششششششششش نزلت البحر ..

..الميه جميله انزل تعالي

عامر : واللهي  مجنونه 😂

..اتجنننننننننن هوا فيه احلي من الجنان يا عم  وشديته....

عامر : انتي هتجبيلي اخر واللهي 😂

..مش عاجبك طلقني ..

عامر : مش لما اتجوزك الاول بعد عمر طويل ..

عامر ابن الجيران بيحبني وانا ..بحبه. من واحنا اطفال هوا صاحبي وكل حاجه ليا واكتر حد برتاح ليه .
...............

الباب بيخبط ....

عامر : افتحي يا هنا بعصبية ..

فتحت ....

عامر : انتي سبتي الشغل يا هنا ..

..ايوه .

عامر : ليه يا هنا دي عاشر وظيفه

..ممله ومافيهاش إثارة وانا مش بحب الملل يا عامر

عامر : إثارة إثارة إثارة انتي مجنونه انتي مش طبيعيه يا هنا .

..بتزعق ليه يا عامر وبعدين ايه اللي خلاني مش طبيعيه عشان عايزه اعيش سعيدة .

عامر : انا زهقت دي مش تصرفات بنت

..بنت بنت بنت يعني اموت نفسي عشان بنت ايه يعني لما اعيش حياتي بالطريقه اللي تعجبني

عامر : ده انت كده لو اتجوزنا ممكن تسيبيني لو ضايقتك شويه أو حسيتي اني ممل انت انسانه عمرك ما هتتحملي مسؤوليه احنا أن اتجوزنا انا مأمنش علي ولادي معاكي .

..انت شايفني كده

عامر : ايوه يا هنا كانك طفله عمرك ما تشيلي مسؤوليه .

.. انا ماكنتش اعرف اني في نظرك كده ومضيقاك للدرجادي ولو الدبله اللي في أيدي دي اللي مكتفاك اعتبر كل حاجه خلصت مابينا ..

عامر : كل حاجه خلصت 😳

..سلام يا عامر ..

دخلت وقفلت الباب وانا عيني مدمعه افتكرت ...

عامر : انا بحبك يا هنا

..بجد ....بفرحه

عامر : بحبك ومش شايف غيرك ينفع يشاركني حياتي وتبقي حبيبتي ومراتي وام عيالي

..وانا بحبك من زمان اوي يا عامر بس هتفضل معايا

عامر: عمري ما هتخلي عنك

..هتستحمل جناني

عامر : هحاول هههههههه

انت ما حفظتش علي الوعد يا عامر انا صحيح قويه بس مش هستحمل بعدك عني ...دخلت اوضتي لميت هدومي في شنطتي وهابعد انا بحبه بس هوا شايف انه انا ما نفعوش اني مجنونه وانا شايفه اني عايزة ابقي سعيدة

نزلت وقفلت الشقه هاروح فين ماعرفش لحته ماعرفهاش المهم ابعد نزلت وركبت ميكروباص وفضل ماشي انا قررت اني اروح اسكندريه بس العربيه في الصحراء

بدأت اخاف يا تري مين دول العربيه فيها اتنين السواق وواحد جمبه بس العربيه وقفت ...

نزلوا منها وفتحوا الباب ليا ووقفوا عليه ..

السواق: وصلنا يا عروسه ..

..وصلنا فين انا عايزة اروح اسكندريه

الشخص اللي معاه : بقي يبقي معانا القمر ده ونسيبه يمشي .

اول مره احس أن جمالي ممكن يبقي سبب تعاستي انا جمالي طبيعي بيضاء بعيون عسلي وشعر اسود طويل وطويله بجسم ممشوق..

الخوف بدأ يدخل قلبي وبدأت اصرخ : الحقونييييي

السواق: احنا هنا في صحراء يا حلوة يعني ما حدش هيسمعك فتعالي من سكات بدل ما اشوهلك وشك ......يتبع ..

ولسه اللي جاي تقيل مع كاتبه الجيل 😎
ها اكمل ولا لأ رأيكم بقا....