"انا عرفت أن اللي احنا بنعمله دا حرام وأننا بنغضب ربنا ف احنا لو كملنا فيه واتجوزنا حياتنا هتبقى وحشة وكلها مشاكل لأننا بدأناها غلط وما بني ع باطل فهو باطل
وانت عارف اني بحبك بس بحب ربنا اكتر
انا لو عصيت ربنا فيك انت ممكن متكملش معايا
"قلب من تُحب ف يد من تعصي"
كدا أو كدا الطريقة غلط والباقي غلط
انا هتركك لله عشان بحبك وان كنت خير ردك الله لي ف الحلال
وان لم تكن من نصيبي نزع الله حُبك من قلبي ورزقني خيرا منك..
وانت اعمل زي لو فعلا بتحبني مش بتتسلى
استودعك الله الذي لا تضيع ودائعه"
-بعتلوا الماسج دي وأنا قلبي واجعني وبعيط مكنتش اتخيل في يوم اننا هنسيب بعض بعد كل ده، بس انا واثقه فيك يا رب عوضك كبير يا رب انا بحبه بس بحبك انت اكتر ومش هغضبك بحبي ليه..
بدأت أفكر ف حياتي الجايه وبعد ساعتين صحيت لقيتنى نمت عالارض سمعت صوت اذان الفجر اول مره اقشعر لما اسمع الاذان كدا بدأت ف العياط من الصوت والخشوع قومت اتوضيت ودموعي نازله وقلبي واجعني لسه مش عارفه انساه ياا رب، الاذان خلص فتحت الشباك ودخل هوا هادي وريحته حلوه اول مره اجرب الشعور ده وفرشت المصليه وبدأت اصلي، بصلي وانا بعيط ومش عارفه اوقف بصلى بخشوع وبدموع اول مره اطول ف السجود كده واقشعر من لذه الصلاه بدأت ادعي بالخير ليا وانى انساه واللى فيه الخير يبقالى بدأت ادعي بكل اللى بقلبي قعدت ربع ساعه ساجده لما قومت حسيت بحاجه غريبه في حاجه اتغيرت انا مش فاكره اي حاجه حتي مش فاكره انا كنت بعيط لي بعدين صليت السنن وفضلت قاعدة على المصليه قولت اذكار بعد الصلاه واذكار الصباح وفضلت صاحيه استغفر واقرأ قرآن لحد م الشمس طلعت وصليت الضحي وبعدين نمت..
~خديجه اصحي يلا الظهر باقي عليه نص ساعه
خديجه بنعاس: حاضر يا أُمي قايمه اهو
الام: طب يلا متنعسيش تاني
-حاضر يا قمر
"قامت خديجه روقت اوضتها و راحت تتوضي علشان تبقي جاهزه للصلاه فتحت موبايلها على م الظهر يأذن"
خديجه وهي تحدث نفسها: ايه داااا كل دي رسايل مين مات
"فتحت الفيس لقيت بنوته دخلتني جروب ديني نفس البنوته اللي قرأت عندها بوست عن الحب الحرام وهي من الاسباب اني اتشجع كدا، فتحت الجروب لقيتهم بيتكلمو في الدين وعن الصحبه الصالحه و الزي الشرعي و بيهزروا شويه ويتكلموا جد شويه بدأت اندمج ف الكلام وبشاهد في صمت لحد م لقيت البنوته بعتت ب اسمي: ديجو مش بتتكلمي معانا لي
ردت عليها خديجه: احم انا مش عارفه اقول ايه ومش عارفه حد هنا
البنت من الجهه الاخري: طيب يا قمر الظهر بيأذن اهو هنصلي وبعدين لو فاضيه تفتحي ونتعرف كلنا تمام
خديجه: تمام السلام عليكم
-وعليكم السلام ورحمة الله وبركاته
أنت تقرأ
اسكريبت "تركته لله‟
Short Storyأستودعتُ حُبِّي فـ عوضَني به الله🤎، .. لو كان لك نصيب في شئ ما حتي لو كانت جميع الطرق لـه مستحيله، الله بـ لُطفه سَيـرتب لك كل الأسباب حتي يُصبح بين يديك.. فَـ آطمئِن🤎✨"
