💕أنت قلبي٢💕

الحلقة ١٣٠

#أنت_قلبي٢
#بوسي_مصطفى
___________
الحلقة ١٣٠

في فيلا آسر.
سهر بتقوم من جنب آسر يمسك ايدها.
آسر : رايحه فين؟
سهر تلتفت لـ آسر : فكرتك لسه نايم.
آسر : رايحه فين و سيباني لوحدي؟!
سهر : حبيبي أنا كنت نازله اشوف الولاد نزلوا الجامعة
و لا لأ و اشوف لو حد محتاج حاجه.
آسر : لأ خليكي جنبي.
سهر : حاضر يا حبيبي بس مش هتفطر؟
آسر : كلمي ريهام في التليفون شوفي عايزة تفطري ايه
و اطلبي منه تعمله .
سهر : حاضر.
يضع رأسه على كتفها و يغمض عينيه تركت سهر الهاتف
و ظلت تمسد على رأسه.
سهر : اه لو تعرف بحبك قد ايه.
آسر ببتسامة : سمعتك على فكرة.
سهر بخجل : أنت منمتش؟
آسر : بس مش قد حبي ليكي أكيد.
سهر : تعرف كنت مفكره إني اقدر اخاصمك بس مش عارفه ليه مبعرفش أول ما بشوفك ببقى عايزة أكلمك.
آسر : حقك عليه يا سهر.
سهر : حقك عليا أنا.
آسر : بعد كل اللي حصل دا حقي عندك انتي؟
لا يا حبيبتي بالعكس أنا اللي وجعتك كتير.
سهر : فاكر لما كنت بتستحملني لما بتجنن و قعد أكسر
في البيت
كنت بتمتص كل دا مع إنك كان ممكن وقتها تسيبني عادي.
آسر : اوقات بحس إني كنت أناني لما كنت عايز كل حاجه متفهمتش اهتمامك بمليكة و شوفت إن اهتمامك مفروض يبقى ليه و بس يمكن علشان تربيت على كده ماما كانت عايشه ليه و بس رفضت تتجوز و تعمل بيت و أسرة اكتفيت بيه و مهماش حاجه غيري.
سهر : و أنا علشان اتحرمت من أمي حبيت ادي بنتي كل الاهتمام
و اهملتك لدرجة إننا لما كنا بنقعد
مع بعض كنت بحس بتأنيب ضمير و ازاي سايبه بنتي نايمه لوحدها و قاعدة معاك أنت.
آسر : واضح إن العقد النفسيه اللي اتربطت ب الطفولة كان ليها أثر عليا و عليكي.
سهر : بس للاسف مكتشفناش دا غير بعد فوات الأوان.
آسر : عايز انسى.
سهر : حاضر يا حبيبي أنا آسفه.
______________
في فيلا كريم..
كريم : صباح الخير يا حبيبتي.
تلتفت فريدة اللي كانت قاعدة بتعمل ساندوتش لبنتها : صباح النور يا حبيبي.
يحمل كريم جميلة و ياخدها في حضنه :
حبيبة بابي بتعملي ايه؟
جميلة : بلعب تيجي تلعب معايا؟
كريم : ياريت ارجع صغير و اقعد ألعب زي زمان.
فريدة : قول للزمان ارجع يا زمان
ههههههههههههه
كريم : طب بمناسبة الروقان ممكن...
فريدة تقاطعه : من غير ما تقول أنا قايمه أعمل القهوة اصلا.
يقعد كريم ببتسامة و جميلة على رجله : وريني بقى بتلعبي بـ ايه؟
يا خبر دي عربية زين!
جميلة : هلعب بيها شويه.
فريدة من المطبخ : لو جه و لقاها معاكي هيعملنا مشكلة.
كريم : خليها تلعب بيها و أنا هشتري لزين غيرها.
جميلة : خلاص سيبها لزين.
كريم : اشمعنه؟
فريدة : هههههههههههه
أصل أنت مش عارف لما قولت هتشتري لزين حبيت ترجعله حاجتك و الجديد دا يبقى بتاعها.
كريم : هههههههههههه
طلعت انصح مني.
فريدة : هههههههههههه
امال أنت فاكر ايه اعملك ساندوتش بقى عقبال ما اخلص القهوة.
كريم : هاخد قطمه من جميلة.
جميلة تمد ايدها و تقرب الساندوتش من بؤ كريم.
كريم ببتسامة : حبيبة بابي كُلي انتي أنا هعمل لنفسي.
فريدة : خد منها متكسفهاش يا كريم.
كريم : متأكدة يعني أكل معاكي و مش هتزعلي؟
هزت جميلة رأسها.
كريم بياخد قطمه و هو مبتسم لجميلة.
جميلة : واحدة كمان.
كريم : لأ كفاية علشان الساندوتش هيخلص
ههههههههههههه
جميلة : فيه تاني.
فريدة جايه بالقهوة : طب مفيش لمامي قطمه هي كمان؟
جميلة تهز رأسها و تشاور على الأكل.
كريم : هههههههههههه
فريدة : شايف مش عايزة تأكلني معاها ازاي؟!
كريم : هههههههههههه
فريدة : يعني بتحبي بابي أكتر مني؟
تهز جميلة رأسها.
فريدة : شايف بتحبك أكتر مني.
كريم : يا حبييتي دا بس علشان قاعد معاها.
فريدة : لا صدقني البنت دي بتحبك أكتر مني بقى أنا أحمل
و أخلف و اربي في الأخر تحبي ابوكي اكتر مني!
كريم : هههههههههههه
يا حبييتي اهدي دي عيله
و بعدين فيها ايه لما تحبني اكتر منك؟
فريدة : لا يا حبيبي فيها كتير مفروض تحبنا زي بعض.
كريم : ما هو دي الحقيقة فعلا بس علشان مبقعدش معاها كتير فبتبقى ملهوفه عليه اكتر.
فريدة : ممكن برضو رايح فين؟
كريم : هروح فين غير المستشفى.
فريدة : خلاص اشرب قهوتك و اتفضل علشان ألحق أنا اروح لندى و ارجع قبل الولاد ما يرجعوا من المدرسة.
كريم : محمد عامل ايه في المذاكرة؟
فريدة : كويس بس مش عايزة اشد عليه اليومين دول.
كريم : ليه؟
فريدة : عمال يشتكي من عينه و بيقولي دايما عندي صداع.
كريم : مقاليش ليه؟
فريدة : بيقولي بنسى و بابي بيرجع متأخر.
كريم بتنهيده : طيب هشوفه الليلة.
بيشرب القهوة و بعدها : سلام أنا بقى محتاجين مني حاجه؟
فريدة : سلامتك يا حبيبي.
كريم : سلام.
__________