💕أنت قلبي٢💕

الحلقة ١٣٢

#انت_قلبي٢
#بوسي_مصطفى
_______________
الحلقة ١٣٢

في فيلا كريم..
كريم جاي من بره : يا مساء الورد.
فريدة : يا مساء الروقان يا دكتور.
كريم : هههههههههههه
مش عوايدي صح؟
فريدة : طبعاً يا حبيبي.
كريم : قولت اغير الليلة كل يوم ارجعلك بالصداع و التعب و خلاص بكون هلكان و عايز انام بس الليلة رغم إني تعبان قولت ادخل بشوية فرفشه.
فريدة : ماجبتش معاك شوية تسالي؟
كريم : هههههههههههه
ابقى انزلي هاتي اللي انتي عايزاه.
فريدة : يعني كنا نأزأز كده و نسلي نفسنا
ههههههههههههه
زمان كنت اسهر أنا و ندى على نص كيلو لب و سوداني نخلصهم
و ننزل نشتري غيرهم.
كريم بدهشه : نص كيلو ليه؟!
فريدة : هههههههههههه
كنا بنتسلى يا حبيبي
اظن أنت وقتها كنت بتتسلى في الكتب اللي وجعت عينك و لبستك نضاره يا حبيبي.
كريم : هههههههههههه
بالمناسبة بقى أنا اخدت ميعاد بكره عند دكتور العيون هاخد محمد و نروحله دكتور ممتااااز.
فريدة : صحاب صح؟
كريم : هههههههههههه لأ زمايل بس ليه بتسألي؟
فريدة : خايفه تكون واخد ابنك علشان تنفع صاحبك.
كريم : هههههههههههه
لا مش للدرجادي لو دكتور مش كويس مش هاخد ابني عنده لو حتى كان اخويا.
فريدة : تمام هقوم اجهز العشا بقى.
كريم : انتي أكلتي؟
فريدة : شكلك أكلت بره و بتطمن.
كريم : الصراحه اه.
فريدة : خلاص مفيش مشكلة اقعد بقى.
كريم : طب معلش قبل ما تقعدي.
فريدة : عارفه عارفه فنجان قهوة طبعاً.
كريم : حبيبتي يا فراولة تسلم ايدك.
فريدة : طب مش لما اعملها الأول!
كريم : ما أنا بحمسك.
فريدة تغمزله : اه منك أنت.
كريم : هههههههههههه
ليه الغمز دا بقلق على فكرة.
فريدة بتضحك في المطبخ.
فريدة : اطلع غير هدومك.
كريم : مكسل.
فريدة : معلش غير هدومك علشان تقعد مستريح.
كريم : حاضر... جميلة نامت امتى؟
فريدة : قعدت مستنياك تقولي بابي قالي جاي في العربية
اقولها يا بنتي نامي أنا عارفه مش هيجي دلوقت لحد ما النوم غلبها.
كريم بتأثر : حبيبتي
بس أنا فعلا كنت نازل اشغل العربية و جاي قبل ما
يطلبوني جوه.
فريدة : حالة ولادة طبعاً.
كريم : تلاته بنتين و ولد.
فريدة : دا من أم واحدة؟
كريم : عقبالك يا حبيبتي.
فريدة : كريم اطلع غير هدومك.
كريم : هههههههههههه
ايه مالك؟
فريدة : بقولك اطلع غير هدومك
الظاهر الشغل مأثر عليك.
كريم : فنجان كبير بقى.
فريدة : مقولتش ليه قبل ما اعمل.
كريم : خلاص هشرب دا و اعملي واحد تاني.
فريدة : لأ و ليه الغلبه دي اشرب أنا دا و اعملك غيره.
كريم : دا احنا بقينا أصحاب مزاج بقى.
فريدة : من بعض ما عندكم يا دكتور.
كريم : هههههههههههه
طيب هاتيهولي فوق علشان مش هقدر انزل.
فريدة : على طول كسلان كده!
كريم : بتقولي حاجه يا حبيبتي.
فريدة : بقول حاضر يا حبيبي.
كريم : على فكرة سمعتك
اطلعي بالقهوة بقى قبل ما أنام.
فريدة : هههههههههههه
لا دا على طول اهو اوعى تنام.
_____________