في ضريح العشق حمامـــــه......💙🕊

البارت التاسع عشر

#في ضريح العشق حمامة....

البارت التاسع عشر....

وئام الشيخلي....

اسعد الله أوقاتكم حبايب قلبي....♥♥

مَا أَصْعَبُ الْحَيَاة عِنْدَمَا تَكُون قَسْوَتِهَا مِنْ انَّاسِ قريبون إِلَيْكَ . . مُؤْلِمَة حَدّ الْمَوْت عِنْدَما يَكونُ الطَّعْنِ فِي الظُّهْرِ . . قَاسِيَة عِنْدَمَا تَكُون الْجَرَّاح مِنْ يَدِ اخ يَمْلِكُ الدَّوَاء . ......

،،،،،،،،،، ________،،،،،،،، _____،،،،،،،

توضيح ـــــ

حبايب قلبي من ڪلت البارت ؏ـلى لسان محمد حتى نزيل الغموض بالاربع بارتات ـ

اقصد غموض البارتات الي نزلتهن من يوم الي بات بالنجف وڪال صديقي مات ـ
استجواب مها بالجامعه وهواي امور غامضه تتوضح اليوم ـ

هواي راسلوني ويڪولون القصة باقيـ الها اربع بارتات ـ

لاااا القصه بعدها ابديتها ـ

وبارت اليوم عباره بارتين تقريبا عشره الآف ڪلمه ـ

راووني تفاعلڪم ودعمڪم للقصه...

ـ قراءه ممتعه ـ

ــــــــــ

مها.... ابوي استغرب طلبي..... توقف عن الكلام ويباوع بوجهي...

بعدها اشرلي على عينه وكال ابطن عيني.... وطلع....

حاولت ألم شتاتي وانفذ كل كلمه كالها ابوي........ عفت كلشي من أيدي....

وأخذت ملابسي ودخلت للحمام صرت جوه الماي احس نار تطلع من كلبي وتحرك جسمي كله....

غلقت الماي الحار وفتحت بس البارد عسى ولعل... تطفي النار بيه..

صابتني رجفه قويه بس ارتاحيت ..

اتوضيت بماي بارد....

باقيه أبالي من أبويه يكول لاخواني من تغضب وتضوج اتوضأ بماي بارد لو بعز البرد..... حتى يبعد عنك الغضب ووساوس الشيطان...

كملت وانتبهت. الوقت مغرب بس بعده مامأذن...

لبست ازار الصلاه وفرشت سجادتي وصليت ركعتين صلاه الحاجه...

دعيت الله يطمن قلبي ويزيل عني الهم والقهر الاني بي.... وطولت بالسجود..

ضليت استغفر بداخلي وحسرات صدري..
أخذت شهيق وزفير عسا تطلع حسراتي ومايبين عليه كدام الموجودين...

رجعت للمطبخ احضر.. ليلى اجت تساعدني وعمات محمد حسن بيه عرفت كلشي... وڪل شوي تصير الرسائل ڪدام عيني وڪلبي يوجعني

صبينا الاكل كله وخليت بصواني و دزيت السفره بيد إلياس قبل لايرجع هنه وصلن الاكل لباب الاستقبال ومحمد وكرار وعادل اخذو منهن ماردت محمد يوصل واشوفه...