💕أنت قلبي٢💕

الحلقة ١٣٦

#أنت_قلبي٢
#بوسي_مصطفى
_____________
الحلقة ١٣٦

في فيلا آسر.
سهر : علشان خاطري يا مليكة بطلي عياط يا بنتي متوجعيش قلبي و قوليلي مالك؟
مليكة : كنت فاهمه إني مش ههون عليه و لما يرجع من بره
و ميلقنيش هيجي جري على هنا يدور عليه.
سهر : طب و ليه سيبتي بيتك يا بنتي؟
مليكة : مامي أنا هقولك بس فهميني ايه اللي مفروض كنت اعمله لما اسمع الكلام دا و خصوصا إنه سابني و نام عادي و لا كأن فيه أي حاجه.
سهر : قوليلي و أنا هقولك اللي يرضي ضميري إذا غلطانه
و لا لأ.
مليكة : حاضر هقولك.
_________

فوزية داخله الشقة بهدوء
و عايز تكشف ناصر و هايدي لو فعلا كان بينهم حاجه.
دخلت و قفلت الباب ماشيه على أطراف أصابع رجلها.
بتفتح باب الغرفة لاقيت ناصر نايم قربت منه علشان تتأكد
و بعدها خرجت بتدور على هايدي.
فوزية : غريبه راحت فين دي
يمكن نفذت اللي في دماغها و سابت البيت؟
ايوه يا فوزية ما انتي برضو طردتيها...بس أنا طردتها بعد ما قالت على بيتي زريبه بقى دي اخرتها؟
بس هتروح فين بس دي ملهاش حد و مش ممكن تروح لـولادها و بيت اختها يستحيل تهوب منه.
________

هايدي واقفه قصاد فيلا آسر
و عينها على بلكونة غرفة نوم ملك يجي آسر بالعربية
تستخبى خلف الشجرة.
البواب يفتح البوابة و يدخل آسر بالعربية جوه و تتقفل البوابه.
هايدي تفكر تتصل بـ ملك
بس مش عارفه هتكلمها تقولها ايه و برضو تكمل مشي في الشوارع مش عارفه تروح فين
تتعب و دماغها تصدع و تفكر في ناصر تكلمه و تعتذرله عن الكلام اللي قالته الصبح التليفون يرن
ناصر ينظر للشاشة ميعرفش يرد فوزية قاعدة جنبه يقفل التليفون و يكمل أكل.
فوزية : مردتش ليه؟
ناصر : دا حد مش مهم.
فوزية : اه طيب.
ناصر : عايزة تقولي حاجه يا فوزية؟
فوزية : انت اللي عايز تسأل عن حاجه؟
ناصر : لأ هسأل عن ايه يعني؟!
فوزية : أصل هايدي نزلت من الصبح و مرجعتش لحد دلوقت.
ناصر : طب و أنا مالي ؟
فوزية : لا فكرتك هتسأل يعني أصلها بقالها فترة عايشه معانا.
ناصر : يا ستي تروح مكان ما هي عايزة أنا مالي بيها؟
فوزية : طيب.
________

في التليفون 📞
سيف : يا طنط أنا مقولتلهاش تمشي هي خرجت من غير حتى ما تقولي.
سهر : معلش يا سيف أنا غلطتها في دي و عادي أنت حُر
في بيتك لو مش عايز أصحابها براحتك.
سيف : هي قالت لحضرتك ايه؟
سهر : قالت إنك رفضت تعزم أصحابها عندك و طلبت منها تعزمهم بره هو في حاجه تانية؟
سيف : طالما قالت لحضرتك كده أنا مقدرش ازود على كلامها.
سهر : طيب متزعلش نفسك و تزعلها علشان خاطري دي جات الصبح في حالة صعبه قوي.
سيف : حاضر يا طنط مش هزعلها و بكره بعد ما اجي من الشغل هعدي عليها.
سهر : طيب يا حبيبي تصبح على خير.
سيف : و حضرتك من أهل الخير.

آسر يدخل علشان ينام.
آسر : سهر... سهر بتعملي ايه عندك؟
تدخل سهر و تقفل باب البلكونة.
سهر : عاوز حاجه يا حبيبي؟
آسر : مش هتنامي و لا ايه؟
سهر : هاجي حاضر.
بتففل النور و بتقرب علشان تنام.
آسر : هي مليكة جوزها مجاش؟
سهر : لأ هتبات هنا الليلة.
آسر : ليه؟
قصدي يعني جوزها عارف؟
سهر : اه طبعا عارف إنها هنا.
آسر : طيب تصبحي على خير.
سهر : آسر أنت كويس؟
آسر : اه ليه في حاجه؟
سهر : لا ابدا شايفاك يعني داخل تنام على طول كده.
آسر : معلش يا سهر الشغل كان كتير قوي النهاردة و رجعت مصدع.
سهر : حبيبي سلامتك ما قولنا متتعبش نفسك في الشغل بقى.
آسر : ازاي بس و مين اللي يتابع الشغل لو أنا ريحت نفسي
و اهو الولاد حتى كنت بقول حد منهم هينفعني في الشغل
و لا واحد حابب مجال شغلنا.
سهر : هههههههههههه
محسسني إنهم يعني اختاروا مجال يعني مش كويس.
آسر : حبيبتي افهميني أنا عارف طبعاً إنهم دخلوا كلية كويسه بس أنا محتاج حد معايا في الشركة و طبعاً مش هأمن لحد غير ولادي حتى سيف مجال شغله غيرنا خالص كان ممكن برضو يساعدني.
سهر : طب ايه رأيك بقى نقسم الشغل ما بينا؟
آسر : ازاي يعني؟
سهر : يعني اراجع انا الشغل و يوصل لحد عندك على الامضا بس و مراجعه كده بسيطه أنت نسيت إني كنت شغاله معاك قبل كده؟
آسر : لا مش ناسي بس دي حاجه و دي حاجه يا حبيبتي.
سهر : معلش هتعلم و لو منفعتش ابقى ارفدني.
آسر يقرب منها : هو أنا أقدر ارفدك برضو دا انتي اللي ترفديني.
و احتضتنها : وحشتيني.
سهر : هههههههههههه
مش كنت عايز تنام دلوقت؟
آسر : يعني مفيش مانع الواحد يسهر شوية أصل لما
شوفتك نسيت اني عايز انام
ههههههههههههه
صحيح ليه اتسميتي سهر؟
سهر : ياااه أنت لسه جاي تسأل السؤال ده بعد العمر دا كله؟
ههههههههههههه
آسر : عمر ايه احنا لسه شباب.
سهر : طبعا يا حبيبي و هتفضل شباب طول العمر.
___________