Love Bites ||kth:pjm|| (Hiatus)

Episode - 17

(Unicode Version)

ပြတင်းပေါက်ပါသည့်အခန်းကို အိပ်ခန်းလုပ်ထားသောကြောင့် မနက်မိုးစင်စင်လင်းတော့ နေရောင်ခြည်ခပ်နုနုက ဂျီမင်း၏ နှာဖျားထက် သက်ဆင်းလာလေသည်။
ညက နှစ်ဦးသားပွဲကြမ်းခဲ့သည်မှာ ဘယ်နှကြိမ်မှန်းပင် မမှတ်မိတော့..။ အောက်ပိုင်းတစ်ခုလုံး နာကျင်ကိုက်ခဲသည့်စိတ်တစ်ခုသာ ရှိသည်။ နံဘေးက လူကတော့ ညတုန်းက ကြမ်းရမ်းထားသည့်လူသားမဟုတ်သည့်အတိုင်း အသက်ရှူသံမျှင်းမျှင်းဖြင့် အိပ်မောကျနေလေသည်။
မနက်စာပြင်ဆင်ရန်အတွက် အိပ်ရာမှကုန်းရုန်းထလိုက်တော့ ခါးအောက်ပိုင်းက မျက်ခနဲဖြစ်သွားသည်မို့ ပုံခနဲပြန်လဲကျသွားမှုကြောင့် နံဘေးကလူက လှုပ်လှုပ်ရှားရှားဖြစ်လာသည်။

" ဂျီမင်း.. နိုးပြီလား..."

ပြန်မဖြေသေးဘဲ မျက်နှာရှုံမဲ့ရင်း ညည်းညူနေသူကြောင့် ထိန့်တလန့်ဖြင့် ထယ်ယောင်းပြာသွားကာ..

" ဂျီမင်း.. ဘာဖြစ်လို့လဲ..
နေမကောင်းလို့လား.."

မျက်မှောင်ကြုံကာ စူးစူးစိုက်စိုက်ကြည့်လိုက်တော့ ထယ်ယောင်း ရယ်သည်။

" ခွေးကောင်.. အဲ့တာမင်းကြောင့်
ငါအခုမတ်တပ်တောင်
ရပ်လို့မရတော့လောက်ဘူး"

ထယ်ယောင်းက ရယ်ကျဲကျဲလုပ်ပြီး ဆံပင်တွေကို ဆွဲဖွရင်း နား,နားသို့ကပ်လာကာ..

" မင်းညက အရမ်းကြည့်ကောင်းတယ်"

ရဲခနဲဖြစ်သွားတဲ့နားရွက်ဖျားများကြောင့် ထယ်ယောင်းသဘောတကျရှိနေပေမယ့် ဂျီမင်းက မျက်နှာကို တစ်ဖက်သို့လွှဲလိုက်လေသည်။

" ကိုးနာရီ ထိုးနေပြီ..
မနက်စာက ဝယ်ထားပြီးပြီ..
အဆင်သင့်လည်း ပြင်ထားပြီးပြီ..
မျက်နှာသစ်ပြီးရင် စားရုံပဲ.."

" အင်း... "

ဂျီမင်းအား ရင်ခွင်ထဲဆွဲထည့်ရင်း နားထင်ကို ခပ်ဖွဖွနမ်းရင်း ပြောနေပုံမှာ မည်မျှအသည်းတယားရှိလှကြောင်း ပေါ်လွင်နေသည်။ ၃နာရီလောက်မှ အိပ်ရပေမယ့်လည်း မနက်၆နာရီတည်းက စောစောထ၍ ဈေးသို့ မနက်စာသွားဝယ်ကာ ထယ်ယောင်းပြင်ဆင်ထားပြီး လွန်ခဲ့တဲ့ နာရီဝက်လောက်ကမှ ဂျီမင်းနံဘေးတွင် ပြန်ဝင်ခွေနေတာဖြစ်သည်။ ပထမဆုံးအကြိမ် မို့လို့လားတော့ မသိ..။ အမှန်တိုင်း ပြောရရင် တကိုယ်လုံး မလှုပ်ချင်လောက်အောင်ကိုပင်။ သူကိုယ်တိုင်တောင် ထိုမျှပင်ပန်းနေလျှင် ဂျီမင်းသာဆိုရင် တွေးတောင်မတွေးဝံ့ပြီ။