ارضعيه بحنانك صغيرتي
الجزء الاول
متابعه ممتعه
#مريم السعدي
22/5-2013
جان اصعب ايام حياتي سمعت خبر وفاته واني جنت انتضره يوم يوم ينزل حته اكوله اني حامل
جابوه للبيت وودعنا واخذو للنجف جان عمري بذاك الوكت 15و7اشهر تزوجت وعمري 15يعني 7اشهر بس وكضيت منها 6اشهر ويا بس حبيته حيل وللاسف فقدته جان مثال للحب والحنان صح نوبات ميفهمني ويعاند بدون ميعرف الاسباب حجايته وحده متتثنه مستحيل بس اني حبيته عانيت من اهله هواي اليوم ولادتي واتمنيته يكون ويايه عمتي جبرتني الا طبيعي مع العلم اني مااكدر مالي حمل جيبوبه لان تعبانه وهي الا تجيبين طبيعي جنت حيل فرحانه بحملي فد شي من ريحته لحازم يصير بحضني واباوع عليه انتضرت يوم يوم ولادتي واني يتيمه الام ووالدي متزوج ومره ابويه مطايقتني ولا يوم تستقبلني ببيتها كضيتها من عمري 12سنه ببيت جدي وي ببيتي وخالتي جانت تشتريلي نوبات شغلات بس من تزوجت التهت عني تزوجت عمرها 35سنه على كبر واخذت كومه مقويات حته تحبل وهسه هي ويايه حامل وداخله بشهرها سالت عليها كالو بالمستشفى اني هم متوجهه للجده اجيب لان عدي وجع اخذتني عمتي وودتني ضليت ساعه اطلك تدمرت كمت مابيه حتى احجي وتالي اشتدت عليه الطلوكه خربت وطلعو الطفل ميت مختنك ببطني ضليت ابجي من صحيت ورجعوني لبيت ببيتي لانه ماكو شي يربطني ببيت زوجي بعد لاطفله ولا زوج رجعت لبيت جدي طبعا هنا احسنلي لان رغم الحاله الموزينه بس بيبيتي حنينه عليه اشتغل براحتي صح كل يوم جايين بيت خالي يوصخون ويطلعون بس محد يعغثني براحتي اشتغل اولا#مريم السعدي
رجعت اول ايام منهاره ابجي وصدري يدر حليب
ويوجعني
ببيتي تصبر بيه سالت عن خالتي كالو جابت ولد وحالتها بالعنايه صعبه لان من اول هي مريضه بالقلب والحمل موزين عليها بس هي اصرت عالحمل زوجها دكتور نسائي جراح نمت بغرفتي القديمه على غفله سمعت صياح بيبيتي وبجيها ركضت شبيج بيبي خالتي ماتت خطيه ضليتزابجي عليها هواي جانت حنينه عليه انقهرت وضليت ابجي صار العزا ببيتنا وجوي اهل زوجها وامه شايلين ابنها اخذته بيدي باوعت عليه بيبيتي كلتلي بيبي رضعيدخطيه هذا يتيم وانتي محرومه واخالتك جانت حنينه عليه خليته على صدري بمساعده ام زوج خالتي شوي شوي وكام يرضع ارتاحيت من رضعته كانما ابني وحسيت بهذا الاحساس كمت ابجي واحس صدري راح الورم جان مورم من تكتل الحليب رضعته طول العزا 3ساعات على صدري فرغت صدري ارتاحيت كلش
ثاني يوم اجوي اهل زوج خالتي للعزا وهم طوني الطفل بقيت ارضعه طول العزا اباوع بوجهه شون حلو منصدكه عبالك ممات طفلي
وصالث يوم كذلك من يرضع كام يرضع بلهفه
قبل ليخلص العزا جتي ام زوج خالتي
يمه شنو رايج تجين بيت خالت تداري واخته تبقى يمج خطيه البارحه الليل كله يبجي وننطي الممه ميقبل وهو ولد يرادله قوه بس كم شهر ورجعي وشتريدين حاضرين
اني قبلت كيفت من طلبو مني هيج لان حبقه ويا واداري اتمنى ببيتي قبلت بس اشترطت انه اخته لزوج خالتي تبقى ويايه بالبيت واخته قبلت
لميت هدومي ورحت بيت خالتي الله يرحمها البيت جان هوسه ومبين عليه مابي مره
------#قصص رومانسيه عراقيه
صعبه من تسمع حبيبتك عافتك وغادرت هالدنيا تحس المن عايش بعد عمري محبيت ومصدكت حبيت وحده مثقفه وواعيه وتفهمني
مجنت قابل تحبل لان موزين على كلبها بس جانت مصره واصلا اول شهرين مكلتلي بس اني حسيت بيها
مو انتي دكتوره وتفتهمين ليش تخلين نفسج بهالموقف
حبيبي الاعمار بيد الله الكاتبه الله يصير لتحرمني من نعمه الامومه
جانت طايره من تحرك اول حركه وكل مايتحرك تدمع عيونها سامان ديتحرك وتخليدايدي على بطنها ضليت خايف من ولادتها وهسه راحت وصار الجنت خايف منه هسه وين اروح كملت الفاتحه واني لحد هسه مرايح لبيتي ابات بالعياده وابني لحد هسه مشايفه ولا اعرف شسميه رزان جانت ناويه تسميه اثير
واذا بنيه ايثار تاي بقيتيني وحدي انيداللي بحياتي مباجي مكابل صورتج وابجي مثل النسوان كل ماابقى ببحدي وره الفاتحه رحت للنجف بقيت اربع ايام كابلت كبرها وكعدت
