لا احمد الله يخليك اني اختك هيج تسوي بيه
احمد : انجبي واكلي نعل لعد ضل اصرف عليج هو روحي ماشايلهه مو انوب اشيلج وره الأربعين ازوجج
غزل بصدمه وبكاء تتوسل باخوها وتبوس بأيديه وتبجي
ابوس ايدك خويه والله كلشي ماريد بس خليني يمك حتى مدرسه اتركها بس لاتكسرني هيج عليك بداعه ابوي
احمد : نتر ايديها اهوو شون شغله هاي بابا ماكدر على مسؤوليتج اني وبعدين شبيه ابو حسن صح مزوج بس هو وعدني يدير باله عليج وهسه يله لاتبجين يمي مثل البومه وسويلي عشه
غزل باوعتله بحقد ومشت للمطبخ وهيه تذكر ابوها شون جان مدللهه صح احوالنهم مو كلش بس عايشين
اوف يابه وين عفتني مو كلت ماعوفج شون كلبك انطاك ومتت وعفتني يم اللي مايخاف من الله ( طبعا ابوي توفه صارله شهر بحادث سياره لان هو يشتغل سائق تاكسي واندعم ومات وهسه اخوي يريد يزوجني جيرانه واحد حجي وولده اكبر مني ومزوجين اموت منه عيونه زايغه عالنسوان ودائما يضل يبصيص عالبنات من يروحن للمدرسه اني وصديقاتي نسميه عجوز النار كون يموت واخلص منه كل عقله يريد يزوجني والله حلم بليس بالجنه اكتل روحي ومازوجه ابو عيون حوله يبووو لازم اشوفلي حل واخلص منه ياربي ساعدتني ماعندي غيرك
.كملت العشه وراحت صاحتله حتى يتسمم وراحت الغرفته وهي تحس هموم الدنيا فوك راسها )
مشهد الثاني
قبل شهر
هلا ابو احمد شلونك والله زارتنه البركه اخبارك امورك
ابو احمد :هلا بيك أو قتيبه والله نحمده ونشكره انت شخبارك
ابو قتيبه : بخير ونعمه شكو ماكو صارلك فتره ماتمر عليه خوماكو شي
ابو احمد : اخذ حسره وكال والله شكلك خويه العيشه صعبه وهذا ابني متعبني ماينعدل وكلما يكبر ينحرف عن الطريق ومايساعدني بالشغل يطلع هو وأصحابه من الصبح ونص الليل يله يرجع كلشي حاولت سويت وياه مافاد
ابو قتيبه : وهو ضايج على حاله صديقه وبنفس الوقت عصب من احمد هو يدري بيه واحد سرىسري ودائما يدخل للسجن ويطلع يطلعه لخاطر أبوه والله هسه يتمنى لو كدامه حتى يشرب من دمه
باوع على ابو احمد وكاله كول يالله خويه تنحل أن شاء الله
ابو احمد : لا مااظن والله اني الغلط مني دللته وكلت يشيلني بكبرتي طلع الدلال ماغزر بيه
كمش راسه بألم اخذ حسره سرمد (ابو قتيبه ) كام انطاه كلاس ماي لان شاف حالته مو كلش
رحم الله والديك
ووالديك خويه ورجع لكرسيه وكله أمرني شنو اكدر أسويه واني ماقصر أن شاء الله
ابو احمد مابيك قصور اعرفك قابل اجربك بس اني ماكاسر ضهري غير بنتي اذا صار بيه شي وين تروح وهذا اخوها مايتأمن بيه
يله ابو قتيبه اروح اني تأخر الوقت سلمنه على البنات والحجيه
الله يسلمك ويخليك ولاتضوج نفسك كلشي وآله خل والله ومايعوفك أن شاء الله
آمين وكام تسالموا وطلع من مكتب الضابط ورجع للبيت
أما عند سرمد اخذ حسره وكام اخذ سويج سيارته وصاح للجندي. عااامر عامر
عامر : نعم سيدي أمرني
سرمد : راح اطلع اني هذا السجين الجديد شوف شغلك وياه بأجر الصبح اريد اعترافاته عالطاوله مفهوم
عامر : مفهوم سيدي
سرمد :رفع أيده وهو يمشي يله في امان الله
عامر : الله وياك سيدي
.
.
...
.
.
.
.
.
.
.
.
.
.
...
السلام عليكم
اتمنى تعجبكم الروايه
طبعا هاي اول روايه الي واذا عجبتكم اتمنى تنطون تعليق حتى استمر لان اني ماعرف اذا السرد مال القصه حلو لا. اتمنى تنطوني رأيكم
ولا تنسون تضغطون على النجمه اني بس اشوف تفاعل اكيد اكملها
ملاحظه الروايه بيها بعض المشاهد الجرئيه 🔞🔞 لذلك اللي ماتحب الجريئه لاتعلق تعليق سلبي ببساطه اتكدرين ماتقريها راح تصير هواي احداث اني كتبت بعض المشاهد من الروايه البارت الثاني اعرفكم عالشخصيات ان شاء الله
وبالاخير اتمنى تشاركوهه ويه صديقاتكم حتى يقروها
شكرا لكم
للكاتبه زيتونه
