طلع النهار على أبطالنا نهار جديد و أحداث جديدة... ناضت الدكتورة تاعنا صباح تحس روحها أحسن ملبارح مي مالازت شوية عيانة ناضت غسلت وجهها: اوووه حتى الحوايج كي الناس معنديش........نحبط للتحت عند الخدم بلاك عندهم حاجة نديباني بيها . فتحت الباب و حبطت التحت و دخلت للكوزينة شافت الخدم مع جميلة كل واحدة واش دير: صباح الخير 🤗 دارت جميلة: صباح النور بنتي كيفاش راكي تحسي روحك لاباس! جوري : ايه طاطا الحمد لله بخير جميلة: تحبي تشربي حاجة نجيبوهالك للغرفة! جوري: متعييش روحك نشربها هنا برك قهوتي عندي بزاف مشربتهاش توحشتها 😊 جميلة: لوكان قولتيلي كنا نعملهالك.......كيفاش تحبيها! جميلة :اه لالا متعييش روحك انا نديرها جميلة: مي.. جوري : اليوم برك 😄 ز بدات ديرها و قعدت تشرب حتى هدرت جوري: بالمناسبة انا جوري جميلة: و انا جميلة 😊 جوري: طاطا معليش نطلب منك حاجة جميلة: انعم بنتي راني نسمع فيك جوري: يعني منهار جيت و انا بهاد الحوايج و حبيت ندوش مي معنديش حوايج ادا وحدة من الخدم تقدر تسلفلي حاجة نلبسها بيدمان ندبر. جميلة: ايه كملي قهوتك و دوك نجيبلك نحطهوملك في البيت جوري: يعطيك الصحة.
دوش و حبط شافها مع جميلة و الخدامات قاعدة عرفها بلي برات و راهي احسن ملبارح كان خارج حتى يشوف سام حابط سام : اوهوهه صباح الخير. ماكس: علاه لي يشوفك يشوف الخير . سام : هكداااا.. اووودكتورة راهي هنا عدل الشوميز تاعو و جا داخل عندها حتى حكمو ماكس:كاين خدمة بزاف اليوم امشي سام: تشرب قهوتي ماكس: تشربها في الشركة. و خرجت جوري جات طالعة شافت فيهم و جازت سام: صباح الخير جوري جوري: صباح النور سام: ريحتي شوية!! جوري: وي مرسيو طلعت. سام دار شاف في ماكس لقاه يتبع فيها بعينيه و قالو: هيا ياك خدمة بزاف اليوم امشي... ماكس: ماشي كنت حاب تشرب قهوتك!! سام: اه نن خلاص و خرج يضحك على صاحبو اما جوري لي د طلعت دوشت و لبست سروال مقطن و تريكو خشين لانو البرد لي مدتهملها جميلة و حبطت للتحت تعرفت على الخدم و عجبوها و زادت خرجت للجنينة شافت راجل يكون في 50سنة هكاك شافتو يسقي في الورد راحت قعدت في كرسي كان تما و تشوف في الورد الراجل(مايكل): هل اعجبتك الحديقة! جوري: نعم انها رائعة تبدو كجنة ... مايكل: انها كذلك........انا مايكل و انت! جوري: جوي...سررت بمعرفتك يا عم. و قعدو يقصرو حتى استاذنت و طلعت للبيت شعلت التيلي و بقات تشوف حتى غفات ... اما ماكس و سام لي رآهم يخدمو باش كل شيء يكون كيما يلزم و مايكون حتى خطأ سام: راهو يقول ينضم احتفال مور اليوم الموعود ماكس: احتفال!! سام :ايه باش حتى حاجة ميشكو فيها و قرر يديرو في فندق. ماكس: نن ادا دار الحفل راح نديروه في القصر باش كلش يكون تحت عيني سام: وي هكاك خير .. لحقت العشية رجع ماكس للقصر مالقاهاش دور في القصر طلع للبيرو تاعو و قعد يخدم اما هي ناضت مع العشية تقلقت : ايييييه و دوك انا نقعد بين 4حيطان دوك لازم نولي لخدمتي ستناتو حتى جا شافتو طلع خرجت من الببت و طلعت للبيرو تاعو و طبطبت ماكس: ادخل دخلت شافها: اوهووه راني نشوف انك بريتي .. جوري: شوفت عينك ماكس: ايه واش تسحقي جوري: علابالي بلي شفت حاجات خاطييني و مالازمش نشوفهم و على هاديك راني هنا محبوسة عندك ماكس: المفيد.... جوري: دوك انت علابالك بمعلوماتي لي راهم مخبيين على الناس قاع و حتى في السجل تاعي ماكاش و انا نقدرو نقولو علابالي بحقيقة خدمتك على هديك قررت انو نجيك و نجيب عرض معايا سكتت و كملت: تتلقني من الهنا و كونك هاني انو سرك في بير و انت راح تصون سري و نعمل روحي معرفتك و لا حتى تعاملت معاك..... شاف فيها و هدر في نفسو:طلعت تخمم مي امبوسيبل نخليها تروح دوك.. ماكس: يعني راكي تقولي احفظ سري نحفظ سرك و بشرط انك تخرجي من هنا ! جوري: بالضبط ماكس: أوكي مي ماشي دوك جوري: مفهمتش ماكس: هاد 10ايام متقدريش تخرجي فيهم . جوري: السبب ماكس:السبب خاطيك جوري: و لوكان نخرج ماكس: تسيي حتى تخممي انك تخرجي راح تشوفي واش يصرا فيك... دارت و جات خارجة: لازم نروح الدار عندي حوايج خاصين ماكس: روحي عند الشوفور اعطيلو للعنوان و هو يجيب........ خرجت راحت عند الشوفور مدتلو العنوان و قاتلو واش يجيب بعد ساعة رجع جبدت حوايجها و لبست.
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
شعلت pc و بقات تشوف ..... اما ماكس لي بقا خارق في تخمامو لوكان تخرج و يعرفو انو خرجت من عندو ماراحش يتلقوها و لا يخلوها عايشة راح يهددوه بيها اما الشيء لي مفهموش انو علاش راهو يحامي عليها و هي اسيرة برك عندو اسيرة برك خاف تتعذب علاجالو و هي لي باين عليها طفلة حساسة بزاف تتظاهر بالقوة قدامو مي الداخل كاين طفلة صغيرة تخاف من كلش من الصغيرة قبل الكبيرة شاف الخوف تاعها نهار قاللها على الخدمة تاعو شاف لمعة الخوف و الضعف لي غطات عينيها هداك النهار عرف انو هي طفلة بريئة تتخبى مور هاد الشجاعة..... خمم و خمم وخمم مي ملقاش حل تشوشت الافكار في راسو واش راح يدير باش يضمن بقائها عايشة ! واش راح يقدر يدير باش متشوف حتى نوع من العذاب!معندو حتى فكرة ..... جوري لي كي عرفت انو بعد 15يوم راح تخرج منا راح تولي لحياتها لخدمتما لروتينها اما الفضول قتلهاو حبت تعرف السبب لي مخلاهاش تروح دوك يعني عاجلا او آجلا راح تخرج من هاد الحبس رقدت و هي طايرة بالفرحةو هو رقد مقنوط اما سام لي كان قاعد حتى جاتو صورة ميار في راسو ضحك على جنب وجبد التليفون و عيط بعدما دار تحري و جاب الرقم تاعها. عيط صونا مرة زوج راح يكوبي حتى رفدت ميار: الو...الووو كي مسمعتش رد كوبات اما هو قلبو خبط و النبض تاعو غير يزيد نحا الأفكار من راسو و رقد . ميار لي كي عيطتلها جوري و قتلتلها انو عندها خدمة مدخلتاهاش في راسها و بقات مقلقة على صحبتها مي تمتم تفكرت انو هي قوية و حاجة متهزها بالساهل شدت في هاد الخيط و سكتت...... Désolée pour le retard max de vote s'il vous plait 🙏❤
