عند سرمد الساعة 10 بليل
وصلت للبيت دكيت هورن فتحلي الحارس الباب سلمت عليه وطلبت جوه دكيت باب المطبخ طلعتلي امي ادري بيها تنتضرني يله تنام
دنك باس راسها_ السلام عليكم حجيه
_وعليكم السلام هله وليدي فوت فوت سوده عليه مبين تعبان
_ اه اي والله حجيه تعب
_ هاك اشرب ماي يمه روح اسبح علما أصيح زينب تسويلك عشه
_لا ماريد يمه ماكل اني اروح انام
_براحتك حبيبي
_ وين البنات وقتيبه
_ زينب كاعده عالمهجوم الموبايل عالاعنترنيت مدري شنهو ومريم وقتيبه نايميين
_ وسعد
_ اخوك اخذ مرته وراح لأهلها هناك يباتون هو وابنه
_ اها كام وكاللهه تصبحين على خير يمه
_ وانت بخير وليدي الله يخليك ويحفظك لجهالك
_ صعد الدرج صارت كدامه غرفه جهاله فتح الغرفه ومد رأسه زينب انتبهت رأسا وذبت الموبايل وكامتله هلو بابا الله يساعدك
_ويساعدج حبيبتي
_ يأبه انزل اسويلك عشه اكيد جوعان
_ لا ماريد ماكل وانتي ذبي الموبايل وانتبهي الدراستج مفهوم
_زينب خافت لان ابوها مبين عصبي وعيونه حمر من التعب جاوبته ودنكت راسهه ماشي يابه
_ باوع على ولده جانوا نايمين أتوجه على مريم عمرها 7 يالله هاي البنيه شكد نومتهه مخربطه وابتسم بتعب عدل الغطه وباسهه من رأسه
وباس راس قتيبه عمره 5 سنوات
وباوع البنته زينب يله حبيبتي نامي بأجر وراج دوام
تصبحين على خير
_ وانت بخير
راح لغرفته فتحه لكاهه نضيفه ومعطره ابتسم اكيد الحجيه نضفتها لان هو مايحب احد يلعب بغراضه
اخذ ملابسه ودخل للحمام عشر دقائق وطلع مشط واتوجه للفراش اذكر ابو احمد هذا الرجال وجهه بيه رحمه خطيه مايستاهل هيج ولد عاق
يفكر شون يحل مشكله ابنه لازم يسوي شي حتى يساعده وبعدها ذب روحه ونام
عند ابو احمد
رجع للبيت وهو كوه يشوف من وجع رأسه دك الباب طلعتله بنته باوعلها بحسره والم واتنهد
هي سلمت عليه بفرح هلاو بابا شلونك حبيبي
_ هلا بنيتي الحمد لله وفات للمطبخ وكعد عالكاع هيه ركضت جابتله ماي _ تفضل ماي بابا
_الله يرضى عليج شرب الماي وباوع عليها احمد لسه مارجع مو
_اي بابا
_اوف اوف شون بيه هذا الولد ماينعدل يعني
_ يله حبيبي لاتضوج بروحك كوم اسبح علما اسخنلك العشه
هزلها براسه ومشى
وهيه بدت تجهز بالعشه
بعد كم يوم من لقاء ابو احمد ويه سرمد اجه اتصال لسرمد من ابو احمد جاوب وبنفس الوقت جان يشتغل على ملف
: السلام عليكم
