الضابط وصغيرته

البارت الرابع

البارت الرابع
مر كم يوم وأحمد مافتح سيره ابو حسن وموضوع الزواج وغزل فرحانه بلكي نسى السالفه كلها

_احمد ديشتغل بالمصنع

وره شهر من شغله بالمصنع صارت مشكله وصاحب المصنع طرد احمد لان وصله من أحد العاملين أنه احمد يجيب وياه بطل العرك للمصنع ويشرب وكذلك يتحرش بالنسوان اللي يشتغلن بالمصنع واجته كم شكوى عليه وطرده وأحمد من سمع متعارك ويه المدير ومتضاربين والمدير اشتكى عليه عند الشرطه

سرمد من عرف أنه احمد بالسجن شاط من الغضب وكال للشرطي يجيبه لمكتبه

دخل احمد وهو منزل رأسه وأيديه مكلبشات وخايف
سرمد أشر للشرطي يطلع .
الشرطي نفذ

_سرمد ظل يباوعله بغضب صاح بصوت بعد ماتقرب منه

لك حيووان انت ماتصيرلك چاره مو انطيتك شغل مثل الاوادم وكتلك اشتغل وصير گد المسؤوليه تروح تشرب وتتحرش بالبناااات وفوكاهه تروح تعتدي عالمدير بالضرب
_ احمد من الخوف رجع ليوره وطخ بالباب وهو يرجف لان سرمد ممكن كلشي يسوي بيه وهو بهاي الحاله

_سرمد ماتحمل وهجم عليه وضربه وطلع كل غضبه بيه
وهو يصيح عليه
_خل اشوف من يطلعك من السجن لو ما اخليك تعفن ماكون الضابط سرمد

وأحمد يترجاه حتى يعوفه بس سرمد من الغضب بعد مايسمع أحد

وره ماتعب عافه وتوجه كعد عالكرسي مقابيل المكتب وهو يلهث وترك احمد مشمور بالكاع وهو يكح ويطلع من حلكه وخشمه دم بسبب الضرب الحصله.

_شويه وحجه احمد سيدي اترجاك اعتقني اختي خطيه صغيره وتخاف وحدها

_سرمد رجع عليه وصااح لك حيوان عار وتوك تذكرت عندك اخت ماتذكرتها من تتحارش بأعراض الناس ماتذكرتها وانت تشرب وتسكر ورجع يضربه حتى يشفي غليله منه. وصاح عامر يرجعه السجن لا هسه يرتكب جريمه بيه
_اجه عامر وسحله وكومه من الكاع لان مايكدر بعد يمشي من كد الضرب الاكله

سرمد حط أيده وره ضهره ويمشي يروح ويرجع بالمكتب هاي حركته المعتاده من يضوج حتى يخفف غضبه
فرك وجهه بعصبية وتوجه لمكتبه وكعد وتذكر بنت ابو احمد صح هاي شون بيها تضل وحدها
شويه وصاح عامر

_نعم سيدي أمرني

_ راح انطيك عنوان ادزلي واحد من الشرطه يوكف حراسه عالبيت واي شي يصير تخبرني ماشي

_مفهوم سيدي وأخذ الورقه المكتوب بيها العنوان من الضابط وطلع
.
.
.

عند غزل فهي منتضره اخوها كالعاده بس هالمره تأخر هواي تفرك بايديها من الخوف والتوتر وتحجي بصوت من الخوف
_اوووف ياربي وين راح هذا .شون بيه اني ياربي ساعدني .خاف صار وياه حادث ومات لا لا صح ماحبه بس هو اخويه مهما يكن . زين وين وله لهالساعه هاي

وضلت الصبح مانايمه من الخوف لان اول مره تضل وحدها بليل وخايفه على اخوها لان مااجه

الساعه ب7 الصبح تقريبا اندك الباب هيه ركضت للباب عبالها اخوها واول مره ماتسأل منو وره الباب
فتحته وهيه تحجي لك احمد انت وين جنت والله متت من الخو....بعدها مامكمله كلمتها انصدمت بالواكف كدامها
ورجعت ليوره هو دفع الباب حاولت تسد الباب بوجه بس ماكدرت وصاحت بعلو صوووت ساعدوني
.
.
.
.
.
.

عند سرمد كعد الصبح سبح ومشط شعره لبس الساعه وأخذ سويجه ونزل شاف والدته وزينب ومريم بالمطبخ صبح عليهم وكعد وياهن يتريك

صباح الخير
_ صباح الخير بابا
_صباح الخير وليدي

ضل يحجي ويه بناته عالدراسه ويوصيهن ويسألهن اذا محتاجات شي

وره شويه اجه الخط المدرسه ركضن من سمعن الهورن بوسن ابوهن وطلعن للخط

وهو كمل ريوكه وطلع للشغل

توجه لمكتبه وره شويه اجه عامر وهو جايب وياه كهوه ساده مثل مايحبها الضابط وضلوا يتناقشون بالشغل

وره شويه دك موبايل عامر شافه المتصل الشرطي ياسر اللي واكف حراسه كدام بيت ابو احمد

جاوبه الوو هاا ياسر صاير شي

_ياسر بفزع وتوتر: لك عامر الحك جيب دوريه وتعال لمكان العنوان اللي انطيتنيا

عامر بغضب لك احجي شبيك شصاير اشرله سرمد شكوو

رد ياسر يحجي لاتخاف لحكت عليه اكو شخص اعتده عالبنت بس لحكت عليه من سمعت صياحها وهسه اني معتقله بس جيب دوريه وتعال

_عامر بهلع شنوو شنو اعتده عليها وانت شنو حاطيك هناك حراسه هاا
_ والله نعست وجه الصبح واخذتلي غفوه مادري هيج راح يصير

سرمد من حجاله عامر ركض للسياره ولحكه عامر واخذ دوريه شرطه وراح لبيت ابو احمد .....

.
.
.
عند غزل

حاولت تقفل الباب بوجهه بس ماكدر ودفعها طاحت بالكاع وهو باوعلها بنضرات مكر وشهوه مقرفه

كامت تبجي وتصيح لك حيوان شعندك هنا عجوز النار تفوو عليك ياخسيس حاولت تشرد الغرفه هو كمشها من أيدها وهو يضحك وقفل الباب

_هيه باوعتله بخوف وهلع هاي شسويت ليش قفلت الباب وخررر عني وخرر ساعدوني ياناس وكامت تصيح وتبجي

اخذها الغرفه وهي ادفع بيه وهو يسحل بيها ويحجي

شبيج حبيبي غير انتي خطيبتي وبعد كم يوم زوجتي اجيت اتونس وياج مايصير يعني وبعدين اخوج اخذ نص افلوس المهر وبقن نص خل استمتع بفلوسي شويه

غزل لااا وخرر عني الله يخليك ابوس ايدك لاا وخررر
وهو دفعها عالجربايه وكام يتقرب منها هي شهكت وكامت تصيح بعلو صوتها بلكي أحد يسمعها ويساعدها