هلاو هذا بارت هديه الكم 🥰
تنزيل البارتات راح يكون بين يوم ويوم واحاول اطول بالبارت
اعذروني لان اول روايه وصعب عليه اكتب هواي وانضم أفكاري فعلما اتعود شويه شويه
اريد الروايه تصعد مشاهداتهه بس ماعرف شلون ☹️ شاركوهه يم اصدقاىكم وان شاء الله تعجبهم
وانطوني متابعه بليز واضغطوا عالنجمه والله اريدها تصعد 😭😭
.
.
.
وره يوم متعب رجع سرمد للبيت وهو حاير شلون يتصرف ويه غزل اكيد مايكدر يعوفها بيد اخوها يروح يبيعها مره ثانيه مو بعيده عليه
وانوب ابوها أمنها عده
ولا يكدر يزوجها ويضلمها وهي صغيره بكد بناته وهو اصلا رافض فكره الزواج واذا جابها يمه بدون زواج الناس ادكوم تحجي وتسولف اشلون اثنين عزابيه بنفس البيت عايشين اووف الله يحلها
رجع وهو مثقل بالهموم
اتلكته أمه من الباب سلم عليها وكعد عالميز بالمطبخ
هي تعجبت من هدوئه وصفنته كأن بغير عالم
قدمتله ماي هو صافن بالفراغ اله حركته بيدها يله انتبه
_هاا العفو يمه كلتي شي
_ شجاك يمه حاير وومهموم صاير شي بالشغل
_اتنهد وشرب كلاس الماي دفعه وحده هو متعود يأخذ رأيي أمه بكلشي صح هو جبير وعنده اطفال ويعتمد عليه بس كدام أمه مثل الطفل
_اي يمه واريد اخذ رأيج بسالفه بس اسبح وارتاح
_ان شاء الله يمه لاتگدر بنفسك حبيبي كلشي واله حل وباسته من رأسه
هو كام وباس ايديها وصعد الغرفه لان الدرج يصير بصف المطبخ
راح لغرفه جهاله لكه مريم وزينب نايمات والضوه مشتغل وقتيبه ينام يم بيبيته متعود عليها
سرمد طفى الضوه واتوجه لغرفته
اخذ ملابس من الكنتور واتوجه للحمام سبح وتعطر ونزل يم أمه لغرفتها
لكاهه كاعده على سريرها وتمشط بشعرها الطويل على الرغم من كبر عمرها بس شعرها لسه طويل وناعم وصاير احمر من الحنه
هو ابتسم وراح يمها
كالت اي وليدي سولفلي شصاير وياك
وحجالهه كلشي من الالف للياء وشنو اللي يدور بخاطره
_هي نزلت ادموعها على الصار بغزل ومسحت ادموعها بشيلتهه وكالت
مسكينه هالبنت متعوبه هي ووالدهه الله يرحمه
_الله يرحمه
_ شويه فكرت وكالت شوف يمه حتى إذا ماناوي تزوج جيبها هنا يمي انت أعقد عليها وكدام الناس هي مرتك بس بالبيت احسبها بنتك اختك بكيفك بعد. وهي كدامك يمته ماتريد أتصدق زواجكم بيها الخير والبركه ماتوالمتوا بعدين طلكهه وزوجها عادي المهم تكبر وتعتمد على نفسها وهي تختار حياتها وانت وياها وياها منا لمن يثخن عودها احسبها حسبت زنوبه بنتك بس لاتخليها وحدها كسرت خاطري هاي البنت
_سرمد يفكر بكلام امه وسكت
_ها وليدي شكلت
_والله مادري يمه شو احسها واكفه ازوجها واطلكها وتعرفين شنو ينضرون للمطلقه بمجتمعنا
_ ادري يمه بس هي ضرفها وحد مختلف هي هسه بحاجتك اذا عفتها الذيابه تاكلهه وأخوها بعد هواي يله يطلع من السجن اكيد
سرمد بغضب هاي اذا طلع
_اي هاي انت كلتها لعد وين تروح البنت منا لمن يطلع اخوها هاا؟ فكر بكلامي وليدي وتوكل على الله
_حك لحيته وكال أن شاء الله
_يمه انت وين عفتها هالمسكينه وحدها بالمستشفى جان خابرتني واني ضليت يمها
_ لا يمه خليت يمها مره اعرفها وثقه وكذلك عامر يحرس الباب ووصيت الدكتوره عليها لاتخافين
_عفيه وليدي الله يرضى عليك زين يمته أطلعه من المستشفى
_باجر
_خوش لعد أخذني وياك اشوفها وحتى ماتستغرب من تجيبها وتخاف خطيه
_ماشي يمه يله اروح انام تأخر الوقت تصبحين على خير
_اجمعين يمه الله يرضى عليك
.
.
.
ثاني يوم الصبح أتوجه هو وأمه للمستشفى وراح للدكووره اذا يكدر يشوفها ويسأل على صحتها
كالتله لا اتحسنت بس نفسيتها تعبانه اتمنى تعرضوهه على دكتور نفسي اذا اتأزمت حالتها وهسه تعال وياي نروحلهه
مشت الدكتوره للغرفه فتحت الباب ودخلت على غزل لكتها كاعده وتبجي بهدوء
_ غزل بس انتبهت عليها مسحت دموعها
_هاا امي شون صرتي
_زينه دكتوره اشكرج
_عفيه بالسباعيه اجه الضابط سرمد هو وأمه يسلمون عليج عادي يدخلون
_غزل دك كلبها من ذكرت سرمد كأن اجه الامان خاصه من عرفت أن هو من نقذها من ابو حسن عجوز النار
هزت راسها بخجل
_الدكتوره ابتسمتلها وفتحت الباب تفضل اخي اني عندي شغله شويه واجي وسمحت للضابط وأمه يدخلون
اول مادخلت أمه تفاجات بيها
_يمه بنيتي اللهم صل على محمد شنو هالجمال شنو هالبرائه حبيبتي شلونج يمه أن شاء الله بخير اني ام سرمد واجيت اسلم عليج حبيبه وباست غزل وكعدت يمه عالسرير وهي تبتسم بوجها
غزل بخجل وبصوت هادى كوه ينسمع اشكرج خاله هذا من ذوقج
_يمه سرمد شوفها جنها بلبل ويغرد فدوه اروحلج حبيبه
غزل حجلت وطبت بهدومها لان الحجيه تمدح بيها كدام الضابط
سرمد :على كيفج حجيه اكلتيها اكل مو حتى البنيه خجلت وابتسم باوع على غزل شونج عموو محتاجه شي يوجعج شي
غزل :مارفعت عيونها عليه ابد وتفرك بيديها حتى صارت حمر
غزل :الحمد عموو اشكرك محتاجه سلامتك
