البارت 7
بعد اجرآت الخروج من المستشفى
رجعوا للبيت وره الضهر بس غزل خايفه من المجهول
هسه لو عدها أهل عمام خوال اني اذكر عدي عم واحد بس عايش بالخارج وجان ابوي قليل يتواصل وياه وكرايبنه كلهم ماعرفهم اصلا وره وفاه ابوي محد سأل عنه اووف الله يسهل
ودخلت البيت وره الحجيه وسرمد بس شنو تعجبت من البيت بيت ضخم طابقين وبيه حديقهه شكبرها ومزوعه ثيله وشجر وانواع الورد تجنن واكو كراج للسياره مسقف واكو حارس واكف بالباب
هو دخل السياره وعبر الحديقه ممر يودي للبيت وكف السياره بالكراج وكال
سرمد : بعد ماباوعلهه بالمرايه وشافهه تباوع للبيت بخوف
. يالله يله انزلوا
الحجيه : انزلي بنيتي لاتخافين
غزل : هزت راسها ونزلت بهدوء لسه تحس جسمها مايعينها بسبب العبطه
دكوا جرس الباب
فتحته هناء وهي كالعاده تتماوع شافت غزل تفاجات لان غريبه عليها وماشايفتها من قبل
كالت هلا هلا تفضلوا بمياعه والعلج يطك بحلكها
همه دخلوا سرمد كال لامه يمه اخذي غزل يمج بالغرفه علما اجهز الغرفه المتروكه الها وخليها ترتاح اني طالع للمكتب عندي شغل
الحجيه : اي وليدي روح يمه بأمان الله وباوعت الغزل يله يمه غزل امشي كدامي حبيبه حتى ترتاحين
هناء تباوع بالوجوه بعدم فهم منو هاي البنيه
والشيطان كام يلعب بمخها لحكت الحجيه تريد تفتهم منها
الحجيه :هاا خيرج هناء شو لاحكتني اذا الغده جاهز صبيلنه لان جوعانين يله بسرعه
هناء :شبيج حجيه شسويت اني غير اريد اتعرف على ضيفتنه
الحجيه :بعدين تعرفين منو ماتشوفيها تعبانه ووجها اصفر يله بساع حضرينه صينيه وجيبيها للغرفه
هناء ماعجبها الوضع ومشت وهي اطك بعلجها وتفر بايدها وادكول بداخلها لا هاهيه سويتوني خدامه الكم
وره مادخلت غزل للغرفه شافت الغرفه جبيره وحلوه بس اخشابها تصميمه قديم بس يخبل وشافت صوره لرجال عالحايط محطوطه يشبه سرمد فعرفت هذا أبوه وميت الله يرحمه ضلت واكفه بتوتر وتفرك بايديها باوعتلها الحجيه
شبيج يمه اكعدي حبيبه ولاتستحين مني اعتبريني امج
هنا غزل نزلت دمعتها صايره بساع تتحسس لان صارت بلا اهل ولاسند ودمعتها رخيصه من تذكرهم
الحجيه من شافتها هيج اتنهدت وكعدتها عالجربايه وضلت تحجي وياها وتهدأها واطمنها أن احنه اهلج واني امج وسرمد مثل عمج لاتخافين والبنات اخواتج لاتحسين روحج وحيده انت بنت الغالي واحبج لمحبه ابوج الله يشهد وحضنتها
