الجزء 9
ثاني يوم كعدت غزل حست روحه احسن من البارحه بس عركانه كلش تمغنطت بالفراش شافته مريح
شويه انتبهت للغرفه فزت ضلت تباوع يمنه يسره
هاي غرفه عموو سرمد عزززه شجابني لهنا وضلت تفرك براسها وتضرب على خدها عززه بعينج غزل شجابج للغرفه وفوكاهه نايمه ومرتاحه بعدين اني مريضه شون اجيت معقوله هو جابني لهنا بس اني ماذكر اجيت لهنا بعدين فكرت ...عزززه بس لا شالني يمه اموت يبوو
وجان تطلع من الغرفه وهي تباوع تخاف يشوفها أحد طالعه من غرفته وركضت لغرفتها وقفلت الباب
دخلت الحمام سبحت وغيرت ملابسها حست بدوخه بس خفيفه مشطت شعرها ونزلت جوه
لكت الحجيه كاعده ويمها قتيبه وهناء
هناء باوعت عليها بنضره مو حلوه لان ماتحبها
غزل : صباح الخير وهي خجلانه
الحجيه : صباح النور حبيبتي شون صرتي شو تعاي خل اشوف صخونتج وحطت أيدها على كصتها
لا الحمد لله احسن تحسين بتعب بنيتي ليش كمتي من فراشج جان اني جبتلج الريوك
غزل : لا ماما صرت زينه وكعدت بصف قتيبه صبتلها جاي باوعت على هناء لكتها توخزر بيها هي بساع نزلت عيونها تدري بهناء ماطيقها بس ماتكدر تحجي بوجود سرمد والحجيه
غزل : ماما ليش ماكعدتيني للمدرسه اليوم
الحجيه: لا امي سرمد كال لحد يكعدها خل ترتاح وانتي مريضه ارتاحي اليوم وباجر داومي
هناء : شدعواه سرمد هيج خايف هالتشوفينها كلشي مابيها بس هي عياره نسوان وتعوج بحلكها وتاكل
الحجيه : هناء احترمي واذا ماعدج حجايه زينه لاتحجين احسن بعدين حرارتها جانت 40 جان ماتت وانتي حتى الحمد لله على السلامه ماكلتي
هناء : شبيج حجيه شحجيت اكلتيني بكشوري اسفين عيني وباوعت بغزل وحجت باستهزاء الحمد لله على السلامه غزوله
وكامت من مكانها وهي تنفض بايديها
غزل بهدوء : الله يسلمج شكرا
الحجيه ماعليج بيها يمه تحجي وحدها
قتيبه ضل يحجي هو وغزل ويلعب وياهه والحجيه وكفه عالطباخ تسوي غده
شويه والتفت غزل على الحجيه
صدك يمه كلتي لزينب تجيبلي التحاضير وياهه من صديقتي
الحجيه : اي لاتخافين سرمد وصاهه
غزل خجلت : ماما ....اءء البارحه اني مو جنت نايمه .. بعدها ماكملت
الحجيه : ضحكت هههه اي حبيبيتي بس سرمد اجه الفجر لكاني كاعده وياج وتعبانه وتدرين بيه من 10 انام كالي راح اخذها يمي واني خليته وانتي صخنتي بليل
غزل بخجل وحزن : اسفه تعبتكم وياي
الحجيه : يااا غير انتي بنيتنه ونخاف عليج اذا نانتعب عليج على منو نتعب حبيبتي لاتضلين تتحسسين من اي كلمه اني حاسبتج بمعزه زينب ومريم الله شاهد وضلت تباوعلها بترقب وكملت وان شاء الله جنتي بالمستقبل
