البارت 13
مرت شهرين عالعطله الصيفيه وسرمد بين فتره وفتره يطلعهن بليل يتونسن وغزل كلش مرتاحه وياهم صح تذكر ابوها وتبجي بس تحمد الله وتشكره لان مرتاحه
.
.
بعد يومين عيد ميلاد غزل صح ماجانت تسوي حفله بس ابوها جان يجيبلها كيكه بسيطه ويجيبلها هديه بسيطه اكسسوارات أو ملابس ويحتفلون بيناتهم وجانت تفرح كلش بالهشي كلش يعنيلها أنه يذكرها بشي بسيط
مره الكل كاعدين بالهول هذا اللي يباوع تلفزيون وهذا حاط موبايله أجواء عائليه ماعدا سرمد اللي بعده ماجاي من الشغل يتأخر يله يرجع
غزل وزينب كاعدات يسولفن وزينب دتقنع بغزل يسون حفله لعيد ميلادها وره ماعرفت بالهشي بس غزل رافضه نهائي ماتريد تحتفل زينب ضلت تلح عليها بس من شافتها رافضه اجت ابالها فكره
ثاني يوم
زينب دخلت لغرفه الحجيه : بيبي حبابه عندي موضوع وياج
الحجيه : هاا زنيبه شتريدين
زينب : بيبي اليوم عيد ميلاد غزل واني حابه اسويلها حفله بس هي رافضه فدوه قنعيها
الحجيه : حقها بنيتي على شنو تحتفل وأبوها ذاك اليوم مات
زينب : اوف بيبي لعد اني ليش اريد اسويلها حفله حتى شويه تفرح وتنسى الحزن العايشه بيه فدوه بيبي ساعديني ...زين بيبي شنو رأيج أسويها مفاجأه بس خاف تزعل مني
الحجيه : لا ماتزعل اكيد تفرح بس بالاول أخذي الإذن من ابوج بالموضوع
زينب بفرح : هييي شكرا بيبي حبيبتي يله حخابر بابا واكوله
.
.
.
.
سرمد جان يشتغل هو وعامر كاعدين بالمكتب
دك موبايله شافهه زينب رفضه
رجع دك شاله توه راد يرفض
عامر : رد سيدي خاف موضوع مهم واذا تحب اطلع واخذ راحتك انت
سرمد اشرله يكعد وهو يفتح الخط : الوو هاا بابا
زينب : هلاو بابا شلونك
سرمد : زين كولي يابه صاير شي بالبيت
زينب بتوتر : اءء لا بابا ماكو شي بس .. اممم
سرمد : عكد حاجبه احجي شبيج أجر الحجي جر
زينب : فدوه بابا لاترفض بس اليوم عيد ميلاد غزل واني كلش حابه اسويلها حفله بس هي رافضه نهائي وماتقبل فاني اريد اسويلها مفاجأه واعزم كم وحده من صديقاتنه
سرمد : وهسه المطلوب شنو
زينب : يعني انت تقبل اسوي لو لا ؟؟
سرمد : شنو الها داعي تدرين بيه ماحب هاي السوالف
زينب : اعرف بابا بس تدري بغزل شون نفسيتها تعبانه من وفاه ابوها لسه فكلت افرحها بشي هاا فدواا بابا وافق
