بارت 16
الليل كله غزل تون وترجف حتى ماكدرت تنام كل شويه تفز مرعوبه وتبجي وتعيط وسرمد يهدأها وترجع تنام وهو مستغرب حالتها وليش صار بيها هيج
وحرارتها ارتفعت بليل سوالها كمادات وانطاهه خافض الحراره وره اذان الفجر يله كدرت صدك تنام
الصبح ب11 كعدت فتحت عيونها بثقل لان مورمات من البجي. باوعت بتركيز شافت سرمد وجهه كدام وجها عالمخده وحاط أيده على خصرها هي ضلت تباوعله بحب وتذكرت البارحه شون اهتم بيها وماعافها ابد وكدر يهدأها وهي حست بأمان فضيع يمه وروحها تعلكت بيه
ماتعرف شتسوي حتى تجازيه شافته نايم بعمق شالت أيدها وكامت تمسح بلحيته بهدوء وتمشي اصبعها على حواجبه الثخان وعكدت الحاجب وحتى وهو نايم كانت تمشي اصبعها عالعكده تريد توخرها رجعت تريد تتلمس شواربه هو بسرعه عظ أيدها (ولج اكعدي راحه ليش تتحارشين ) وضحك
هي فزت بسرعه كامت من يمه هو سحبها من أيدها وكعت على صدره
خجلت وانطعن وجها حمار دفعته رادت تكوم ماخلاها حضنها
سرمد : وين رايحه مو البارحه تتوسلين بيه حتى احضنج وماعوفج هسه صرنه مانعجب
هي فتحت عيونها عليه هااا
سرمد : هو شنو الهااا شنو نسيتي اذا تريدين اذكرج وغمزلها
هي كامت ترجف من الخجل وكلشي ماحجت بس تريد ادكوم من يمه
هو ضحك وكال عالاقل كولي صباح الخير صباح العسل وباوع بعيوونها العسليه وكال صباح الكيمر اووف شيصير لو يوميه أصبح بهالوجه يرادلها بخت
هي ردت بخجل صباح النور
باسها بخدها وكال شون صرتي اليوم
_زينه الحمد لله
_ كام من يمها لان حس روحه زودها عليها حسها حيغمى عليها من الخجل (يله بابا اخذيلج حمام لان البارحه صخنتي وانزلي جوه للخطار بس وياج حضريلي ملابسي )
_ هاا مااعرف شتلبس
_ باوعلها منزله راسها وشعرها محاوطهه على ثخنه وطوله هز رأسه ( ماشي روحي )
هو كأنه انطاهه الفرج بسرعه ركضت من الغرفه واتوجهت الغرفتها
هو ابتسم بداخله وكال شورطني اني وحبيت طفله تلعب عليه
هي اخذت دوش سريع بس خايفه تنزل من وره زيد
كالت يله ماشوفه هذا الحيوان اكعد يم ماما سمت بأسم الله ونزلت
جان الوقت متأخر
الحجيه وحنان كاعدات على جهه
والجهال يلعبون
زينب ورقيه كاعدات بالمطبخ يساعدن هناء بالطبخ ويسولفن
الحجيه من شافت غزل :تعاي غزوله تعاي يمي تلمست كصتها كالت لا حرارتج زينه شون صرتي هسه ؟
_ لا ماما زينه الحمد لله
حنان : الحمد لله على السلامه حبيبتي
_الله يسلمج خاله
الحجيه: شجاج البارحه ليش هيج حالتج صارت
_غزل حارت شدكول وحنان كاعده ماتريد ادكول على زيد و تسوي مشاكل كالت هاااشفت بزونه سوده تخوف
وشفت خيال وخفت
