البارت 18
ثاني يوم سرمد طلع من المستشفى بعد ماوقع تعهد لان مايحب جو المستشفيات الدكتور منعه بس هو عاند بعد
طلع الضهر حطوله جربايه بالاستقبال حتى ينام عليها لان مايكدر يصعد بغرفته من العمليه
وخطار طالع طاب هو عنده هواي معارف وعمامه وخواله
غزل رادت تشوفه بس ماكدرت الكل دخل يسلم عليه اله هي ماكدرت لان غريبه عليهم وهم كلهم مجتمعين ولد عمه وخواله
زينب سلمت عليه ورجعت تساعد غزل بالجاي والماي
رجليهن تكسرت من الوكفه من الصبح لليل من غير الغده والعشى اللي يطبخن للخطار ومحد يساعدهن من البنات بس هناء واجت زينه
وغزل ماطول زينه موجوده هي مدلغمه وضايجه
الكل تعشى وخلص زينب قدمت الجاي للموجودين
وغزل وكفت على جبل المواعين
زينب :اووف تكسرت والله هسه غير يساعدن جايات يحشن ويولن
غزل: لج اسكتي عيب لايسمعج أحد
زينب :شو اسكتي العيب بالجيب هنه ذني يعرفن عيب
ديله خل اساعدج بالاماعين حتى نروح نشوف بابا
غزل عيونها برقت بحب وهزت راسها
شويه وطلع سرمد من الصاله وره ماطلعوا أصدقائه
واسعد سانده
الحجيه من شافته : يايمه ليش كمت من مكانك وجرحك ماملتحم
سرمد : لا يمه اريد اصعد الغرفه ماكدر انام هنا
الحجيه : اوف من عنادك لارضيت تضل بالمستشفى لا تضل كاعد بمكانك
سرمد : كلشي مابيه قابل هاي اول مره
وكام جان تجي زينه تريد تسنده
زينه :خليني اساعدك عيني سوده عليه منين اجتك هاي
الحجيه :لا يمه خل اصيح مرته هي تصعد وياه
زينه : لا خليها خطيه تغسل ماعين خليني اساعده اني ولازمه أيده
الحجيه بسرعه صاحت غزل بدون ماتسمع زينه
غزل سمعتها نشفت ايديها من المي وعدلت شالها وطلعت من المطبخ شافت سرمد كدامها وزينه لازمه أيده ساندته هي راسأ راحت نضراتهه لايديهم انوب باوعت باعيونه
هو بعد ايد زينه بسرعه وكال لا مايحتاج مساعده
الحجيه : تعاي غزوله ساعدي رجلج وشوفيه شيحتاج
هومشى للدرج وغزل واكفه اباب المطبخ
اسعد سانده من جهه
هو اتقدم عليها وكال تعاي وراي
صعد الدرج وهي وراه
كدام نضرات عماته وخالاته وبناتهم كلهه مجتمعه بالهول
زينه خزرت غزل بس غزل ماهتمت وصعدت وراه وهي كلبها يرجف عليه
الحجيه : زينه يمه مو تريدين تساعدين روحي اغسلي الماعين بدال غزل
الحجيه تعرف بزينه شنو تخطط بس هي اكيد ماتسمح بهالشي يصير لأن ماتريد هناء ثانيه بالبيت
