💕أنت قلبي٢💕

الحلقة ١٣٩

#أنت_قلبي٢
#بوسي_مصطفى
_____________
الحلقة ١٣٩ (الجزء الأول من الحلقة الأخيرة)

في فيلا كريم..
فريدة : خلاص بقى يا كريم سيبه براحته.
كريم : فريدة ممكن تسبينا لوحدنا؟
فريدة : حاضر.
نظر محمد لوالدته و هو قلقان
تطبطب على كتفه علشان يطمن و تخرج من المكتب.
كريم : اقعد يا ابني.
محمد : حاضر يا بابي.
كريم : قولي بقى ليه اخترت طب أسنان و مش عايز طب بشري؟
محمد : يعني أنا حابب التخصص ده.
كريم : ايوه يا حبيبي بس طب بشري فيها تخصصات كتير
هي صحيح الدراسة فيها أكتر و مش هتعرف تفتح عيادة قبل الماجستير بس الدراسة فيها ممتعه.
محمد : بس أنا عرفت إنها أصعب يا بابي طب أسنان دراستها خفيفه و أنا بصراحه حابب ده.
كريم : هو أنت دخلت دي أو دي علشان تعرف؟
محمد : لأ بس سمعت من طلبه هنا و هنا و قدرت اجمع معلومات عن الاتنين و لاقتني ميال لـ أسنان أكتر.
كريم : خلاص براحتك.
محمد : طب ليه حاسس حضرتك زعلان؟
كريم : لا يا حبيبي عادي سواء هنا أو هنا فهو كويس.
محمد : تمام بعد اذن حضرتك.
و خرج محمد من المكتب.. فريدة تدخل.
فريدة : محمد قالي إنك وافقت يقدم أسنان.
كريم : مش هو اللي حابب كده؟
فريدة : ايوه يا كريم هو لازم يحب الحاجه اللي هيدرسها.
كريم : حبيبتي هو ميعرفش دراسة دي أو دي على العموم
هو حُر أنا قدمت ليه نصيحه و خلاص.
فريدة : أصله قعد مع علي و مجدي و اتكلموا مع بعض واقنعوه إن أسنان كويسه.
كريم : اه علشان كده.
فريدة : أنت شايف ايه الصح؟
كريم : اللي هو عايزة يا فريدة علشان ميجيش يقولي دا
كان اختيارك يا بابي.
فريدة : خلاص بقى فُكها مش المهم هيبقى دكتور
ههههههههههههه أي حاجه بقى يا حبيبي.
كريم : ما هو لازم تقولي كده لإنك مش عارفه الفرق بينهم.
فريدة : و مش عايزة اعرف أنا واحدة متحبش تشغل دماغها.
كريم : هههههههههههه تصدقي ضحكتيني.
فريدة : المهم قولي ايه اللي رجعك بدري كده؟
كريم : ايه دا انتي كنتي عايزانى اتأخر؟!
فريدة : لأ مش عوايدك يعني.
كريم : رجعت بدري علشان ألحق اتكلم مع محمد قبل ما اجي الاقيه نام و الصبح بيكون في النادي مبلحقش اقعد معاهم.
فريدة : يعني مش جاي علشاني؟!
كريم : هههههههههههه امال أنا قاعد مع مين دلوقت؟
محمد يخبط : أنا هطلع أنام.
كريم : اوك يا حبيبي تصبح على خير.
___________

في فيلا آسر.
سهر : عرفت منين؟
آسر : حد من جوه السجن قالي.
سهر بحزن : يعني ادفنت؟
آسر : ايوه.
سهر : ازاي؟
آسر : بعد تنفيذ الحكم بلغوا اختها و جوز اختها اخدها
و دفنها.
سهر بتبكي..
آسر : سهر علشان خاطري مش عايز حد يحس بحاجه
بلاش تندميني إني قولتلك.
سهر : مش عارفه أنا ليه متأثره قوي كده؟
آسر : مش انتي لوحدك
رغم كل شيء بس لازم نتأثر بحاجه زي دي.
سهر : صعبانه عليه قوي.

ملك جايه و بتخبط على باب المكتب : بابي أنا كنت...
يقطع كلامها سهر اللي كانت لسه بتبكي.. تمسح دموعها بسرعه و هي بتتلفت الناحية التانية.
آسر : ايوه يا حبيبتي كنتي عايزة تقولي ايه؟
ملك : هو فيه حاجه يا مامي؟
سهر : لأ يا حبيبتي مفيش حاجه.
ملك : طب ليه حضرتك بتعيطي؟
سهر : بعيط؟
لأ بس افتكرت حاجه كده.
ملك : تمام .. بابي أنا كنت عايزة اخرج بكره مع مليكة.
آسر : رايحين فين؟
ملك : هي رايحه متابعة عند الدكتورة قالتلي اجي معاها.
آسر : مفيش مشكلة يا حبيبتي روحي مع اختك.
ملك : متشكره لحضرتك تصبحو على خير.
يرددوا : و انتي من أهل الخير.
__________