مامش شوگ جاسك
گلبي ما شفته ؟
آنه الأدري بي كُلش حنين أنت 🖤.
..........
بدلت لريحان وروحي مخنوكة حيل
تعبت من هالعيشة ومن هالعمر
شوكت اموت واخلص
معقولة اني مخلوقة بس للعذاب
مسحت دموعي وكلت كافي شريد اسوي بالبجي
لازم اسوي شي حتى يتربة
هواي انطيته مجال وخضعت اله
كافي مليت منه لو انطي مي عيوني ميغزر بي
غسلت وجهي وتغدينا اني وريحان
اخذت علاجي وقفلت الجهاز ونمنا اني وريحان
كعدنا تقريباََ وية أذان المغرب
هم سبحنا ومشطنا اني وياها
تذكرت الصار
حاولت اهدئ من نفسي شوية
بس هوَ ليش متعطل لهسة
مو من عوايدة
طبة طوب شعلية
صليت وكملنا واجبات ريحان
وتعشينا
صارت تقريباََ الساعة ب9 بليل وهوَ ماكو
والله مالي خلگ هبطة
شغلت التلفزيون لريحان
وشغلت موبايلي
لكيت منه 12 مكالمة
شوية وهم اجاني اتصال منه
الووو
_وين جنتي بت الك...
_لتغلط انتَ الوينك
_خو ماكو شي
_سلامتك
_شبيج
_شبية بخير!
_رشا شكو
_والله ماكو
_تمام لعد عندي شغل بالسليمانية
حضريلي جنطتي مال 5 ايام
اجي والصبح اطلع
_اوكي
______
حضرت جنطته ولملمت غراضة الاعرفة يحتاجهن
ريحان ضلت ترسم وتلعب
اكو طابعة بمكتبة وملونه ليزرية
اخذت موبايلي واخذت usb
طبعت الصور
اخذتهن ورحت للغرفة حطيتهن بظرف
بين ما خبيتهم بالكنتور اجة هوَ
باوعت من الشباك اي هوَ نزل من السيارة
أخذ أخر نفس من الجكارة وذبها بالارض داسها ورفع راسه ليفوك باوعلي
ابتسملي اني بادلته ابتسامة كاذبة
وسديت البردة كعدت ع الجرباية مخنوكة حييل منه
ماودي اشوفه
