💕أنت قلبي٢💕

الحلقة ١٤٠(الأخيرة)

#أنت_قلبي٢
#بوسي_مصطفى
_______________
الحلقة ١٤٠ (الأخيرة)

نكمل باقي الفرح 💝
فريدة : ايه يا ندى مالك قاعدة ليه كده لوحدك؟
ندى : قاعدة بعيد عن الدوشه يا فريدة و بعدين انتي مش قاعدة مع صحابك؟!
فريدة : ايه دا انتي زعلانه مني و لا ايه هههههههه
و بعدين أنا عماله ادور عليكي ملقتكيش حتى اسألي عمي
و طنط سألتهم عليكي و فين حزوم مش بيقعد معاكي يونسك ليه؟
ندى : لأ كده احسن.
فريدة : لا شكلك زعلانه بجد.
ندى : روحي يا فريدة شوفي كنتي رايحه فين.
فريدة : كنت بدور عليكي يا نونه هو أنا ليه مين غيرك يعني؟
ندى : روحي دوري على جوزك يا اختي ملكيش دعوة بيه.
فريدة : جوزي قاعد هناك اهو
و انتي عارفه لما بيقعد مع حد و خصوصًا دكتور هشام بينسى نفسه لإنهم بيقعدوا يتكلموا في الشغل خلينا
مع بعض يا أختي الحال من بعضه.
ندى : تصدقي انتي ست ظالمه!
فريدة : هههههههههههه ليه؟
ندى : الراجل اخدك و عملتوا شهر عسل بره و هدايا و الذي منه و جايه تنكري كل ده.
فريدة : اسكتي أصل الفترة اللي فاتت دي كنت مضغوطه قوي بسبب امتحانات محمد و كريم كمان كان محملني مسؤلية كبيرة و كنت خايفه قوي.
ندى : المهم عدت على خير و الدكتور محمد فرحنا.
فريدة : عقبال تالا هي فين صحيح؟
ندى : شبطت في زينة بنت أمل صاحبتك و قعدين يرغوا
مع بعض.
فريدة ببتسامة : اه شوفتها.. و فين أنس؟
ندى : قاعد مع علي اخويا هناك أهو.
فريدة : هو لسه شاغل دماغه بعلياء برضو؟
ندى : لأ صرف نظر عن الموضوع البنت اصلا مش طيقاه
ههههههههههههه
و بيني و بينك هي معاها حق.
فريدة : هههههههههههه
ندى : بالحق هو أبن سهر صاحبتك خطب أخت عروسة آدم صحيح؟
فريدة : ايوه.
ندى : لايقين على بعض أنا قولت كده برضو اصل
ابتسامتهم لبعض حلوة قوي حسيت إن في حاجه بينهم
بس قولت يعني مش معقول أهلهم سايبنهم كده
إلا إذا في حاجه
ههههههههههههه
فريدة : اه كتاكيت قوي
ههههههههههههه عقبال ولادك يا نونه.
__________

علي : على فكرة أنا كنت هاجي من بدري بس مجدي
اللي عطلني.
رقية : مفيش مشكلة المهم إنك جيت.
علي : تعرفي إني كنت بتلخبط بينكم لحد فترة قريبة بس
ههههههههههههه عرفت الفرق.
رقية : اه علشان أنا و قسمت توأم يعني؟
لا على فكرة احنا متخلفين كتير عن بعض.
علي : ممكن أسألك سؤال؟
رقية : اتفضل.
علي : هو أنا لما حبيتك كنتي انتي بتحبيني؟
رقية : هاه! ايه السؤال ده؟!
علي : هههههههههههه
اقصد يعني لما أعجبت بيكي انتي الوقت دا كان عندك نفس الشعور ؟ سؤال محيرني.
رقية : هو مش المهم إننا اتخطبنا؟
علي : هههههههههههه
عندك حق و الإجابة وصلتني خلاص.
رقية بخجل و ارتباك بتتلفت تدور على مامتها.
علي : بتدوري على ايه؟
رقية : مامي أصل مش شايفاها خالص.
علي : هناك اهي.
رقية : اه مأخدتش بالي.
علي ببتسامة : معلش هو المكان أصله يوتر شويه هههههههههههه

ياسين : استنى رايح فين؟
آدم : بقولك عمك جه هناك اهو
و أنا مش عايز الفرج يبوظ بسببه أنت عارف اسلوبه كويس.
ياسين : طيب متقلقش أنا هتصرف.
يترك ياسين آدم و يتجه ناحية عمه.
حازم : رايح فين؟
ياسين : عمي عصمت جه.
حازم : متشغلش بالك أنا هتصرف معاه.