الدكتورة أسيرة الزعيم 🔫👩‍⚕️

الحلقة 10

ناضت صباح دوشت لبست سروال كحل و تريكو سويت ابيض مع باسكات بيضة و طلقت شعرها و خرجت حبطت شربت قهوتها و بقات تقصر مع جميلة و الخدم .
جوري: طاطا..
جميلة: وي
جوري: كيما علابالك انا طبيبة اعصاب ناجحة كرست حياتي في القراية و الخدمة و يعني اهملت بزاف حاجات اساسية لازم نتعلموها قلت كي راني قاعدة مندير والو و الفيد قلت لوكان تعلميني شوية طياب و ما شبه ادا حبيتي.
جميلة و هي تتجه لجهة الباب و جابت طابلية تاع الشغل و قالت: مي مايلزمش بلا هادي و طلعتها في وجهها و ضحكت.
جوري: هههه وي صح و داتها من عندها و لبستها و بدات تخدم معاها و الضحك داير حالة يعني نحات على خاطرها كانت مغبونة في الدار .
ناض صباح6:00 راح يجري رجع للدار دوش و حبط لقاها في الكوزينة بالطابلية و تضحك مع جميلة و الخدم لي لتم خرج و خلاهم راح للشركة ..
لحق اليوم الموعود:
جازو 15 يوم كي البرق ماكس و سام غير يوجدو باش حاجة متكون ناقصة لحقت 00h00 خرجو للطريق و السلعة تاعهم معاهم و الحراسة دايرة حالة لحقو في الساعة و البلاصة المحددة كانت البلاصة عبارة عن شغول غابة خالية كانو محاوطينها بالحراس بعد وأحد 15 دقيقة جا الطرف الاخر تاع الصفقة و جابو معاهم السلعة تاعهم
ماكس: هل كل شيء على ما يرام!
دانيال: نعم و انت!
ماكس: بالتاكيد انه كذلك و فتحلو الكاميون و خرجو منو مجموعة تاع بنات مربوطين من يديهم و مغلوق فمهم و وقفو قدامو ماكس مقابل دانيال و رجالو تقدم احد رجال دانيال و فتح الكاميون تاعهم و جبد كرطونة فتحها و جبد بوايط صغار على شكل تمثال صغير فتحهم خرج منهم صاشيات صغار جبد موس صغير و قطع الصاشي و ورالو .......
دا كل طرف واش يسحق و رجعو لطريقهم بعدما تفاهمو على الحفلة لي راح تتقام غدوة منداك في القصر تاع ماكس
يعني بعدما عقدت الصفقة بين ماكس و دانيال لي كانت عبارة على انو ماكس جاب بنات و تاجر بيهم مقابل قيمة كبيرة من المخدرات لي راح يزيد يتاجر بيها ......
كانت تستنا في التاقة معلابالهاش علاش مي خافت يكون كاشما صرالو حتى الفكرة خوفتها الزوج ماكاش التلاتة ماكاش لحقت الخمسة تاع صباح شافت ضو تاع طونوييل عرفت بلي هو و كانت معاه طفلة شافت مليح لقاتها شايداتو من يدو و تمشي و تتمايل قدامو شافتهم جوري من فوق و عرفت واش راه ناوي يدير طلع راسو شافها في التاقة لعن روحو الف مرة لي خلاها تشوفوا مع هاد المرة
طلع لبيتو و طلعت معاه المرة لي جابها راح رما روحو فوق الفراش و يشوفها جاية من جيهتو تتكسل حبسها بيدو و جبد كمشة تاع دراهم و مدهوملها و قاللها: غادري في الحال..
***:لكن...
ماكس: قلت حالا. خرجت و هودخل دوش و خرج لاف منشفة على وسطو ووحدة يمسح بيها شعرو لبس شورت و رقد .
اما جوري لي كي شافتهم ندمت على الساعة لي قررت تستناه فيها بقات تشم في الهواء حتى تشوف المرة خارجة وباين الزعاف في وجهها استغربت و دخلت ترقد......
ناض كل من جوري و ماكس في وقت متأخر ماكس دوش و حبط pcمعاه وقعد يخدم في الحديقة تاع القصر و جوري لي ناضت موراه بقات في بلاصتها بعد ساعة باش ناضت حبطت للتحت بالبيجامة شربت قهوتها و بقات معاهم
دخل ماكس لموقع بيع الملابس النسائية للسهرات وخير روب و طالون وكمونداهم و طلب اخصائية تجميل و قال بعد 3ساعات يكونوا هنا...
جازو 3ساعات حتى طبطب الباب ة فتحت الباب للخدامة و بعتت المرأة عند جوري طبطبت
المراة: مرحبا
جوري: مرحبا كيف يمكنني مساعدتك!
مايا:انا مايا اخصائية تجميل لقد أرسلني السيد ماكس من اجلك!
جوري:من اجلي!!
مايا: نعم هناك حفل هيا لنبدأ اذا .
بدات مايا تخدم خدمتها و هب تقصرمع جوري لي ماراهي فاهمة والو حتى دخلت الخدامة و حطت البوايط: سيدة جوري هذه ملابسك
جوري:شكرا. و كملو يقصرو و مايا تخدم خدمتها عملتلها شعرها ماكياتلها و راهي تكمل فواش بدات .
اما ماكس فكان في قاعة الملاكمة كمل خرج دوش و راح للقصر باش يتفقد الديكور لقاهم يخدمو راح عند الخدامة سقساها على مايا قاتلو انها جات وطلع يوجد روحو .
بعد 2ساعات.
مايا : يا إلهي انك تبدين كاللوحة الفنية .
جوري: شكرا هل ابدو جميلة حقا؟
مايا: لا بل تبدين حورية بالفعل
جوري: شكرا لك هذا بفضلك
مايا: لا شكر على واجب حتىجمالك اضافة الكثير على هذه اللوحة لقد بهرت بك فعلا.
جوري: شكرا جزيلا لك لقد اتعبتك معي.
مايا: لا تقلقي حسنا لقد انتهي الوقت يجب علي الذهاب الى اللقاء دمت سالمة ايتها الحورية.
جوري: هه و انت ايضا.
ناضت و بقات تشوف في روحها و هي دور عاجبها كلش الماكياج الشعر الحوايج كلش
جوري:لي يشوف يقول انا نجمة الحفلة...مي صاح تاع واش هاد الحفلة!! طلت من التاقة شافت الحديقة مزينة بافخم الديكورات انبهرت بالمنظر و قعدت تستنى وقتاش تحبط.
وجد روحو و لبس بدلة رسمية لي زادت فيه النص و عدل شعرو و دار ريحتو لي تتشم من امتار لبس ساعتو و خرج جاز على الغرفة تاعها كان داخل مي تردد حتى هدر من ورا الباب: كي تبدى الحفلة تحبطي و حبط للتحت .
سمعاتو و قالت: تسما مازال ولا ...
بعد شي 40دقيقة يدا الغاشي يجي يعني اصحاب ماكس من الشركاء و اصحابو و الخدامين المهمين من جهة ماكس و من جهة دانيال
لحق دانيال للحفلة و دخل راح عندو ماكس.
ماكس: مرحبا سيد دانيال
دانبال: اهلا ماكس كيف حالك!
ماكس: على ما يرام
دانيال: انه حفل رائع اهنئك لحسن الحظ اننا اقمناه هنا
ماكس؛ نعم انه كذلك.
بقاو يقصرو و عين ماكس على الباب يستنى فيها وقتاش تحبط حتى استاذن و كان راح يطلع ليها هو لحق جهة الدروج يسمع في حاجة راح تتقب الأرض طلع راسو يشوف و هو عارف مليح انها هي كانت تمشي بخطوات كلها ثقة في النفس و شجاعة حتى بدات تبان الاغلبية طلعو راسهم يشوفو حتى شافو ملاك حابط شافها ماكس تسمر قي بلاصتو معرفش يتحرك ولا يدير حركة راهي تبانلو كحلم متوقعهاش تكون بهاد الجمال و الانوثة الطاغية لانو دايمن كان يشوفها سامبل اما اليوم راهي غير راهي نجمة الحفلة لخص هاد المشاعر لي اجتاحتو في كلمة وحدة برك: magic (سحر) ........

ارائكم!❤