فصلية ابن الشيخ

بارت اول

نبدي قصتنه وي البطل علي
علي:اني علي عمري 27سنه عايش باربيل اهلي من بغداد والدي شيخ عشيرة معرف بس اني كملت دراستي ورحت عشت ب اربيل. لان ماحب سوالف الفصل وكعدات العشاير حبيت اكون بعيد كلش طبعا عندي والدي  عايش الحمدلله والدتي متوفيه واخو اصغر مني هذا راعي مشاكل ويحب الفصول وعدنه ابن عمي ويانه رابي لأن اهله توفو وبس امه بقت وعافته ماطول عليكم بيوم من الايام اني جنت طالع وية جماعتي وخابرني الوالد كال لازم تجي
علي:ليش شكو غير افتهم
الوالد:داكولك تعال شغلة جبيرة ومتنحجي ماكدر احجيلك
علي. يابة لتخبلني وتقلقني احجي واني اجي
الوالد.. علي ابن عمك
علي. شبي احمد
الوالد. اي احمد انقتل
علي شنووو شنو نقتل يابه شدتحجي
الوالد علي ابن عمك تعارك وي جماعه وكتلو ولازم تجي لان سالفه جبيرة
علي. لااله الا الله جاي جاي
... يارب ليش احمد ليش فوك ماهوة يتيم ومريض شنو ذنب اطفاله  اليوم اشرب من دمةةة للكاتله
بعد مرور ساعات

علي.. يابةة احجيلي منوو كتله
الوالد اهدة يابة احمد جان طالع ضايج ورة ماطلع تقريرة ضاج وراح ودة مرته لاهلها وهناك بالمنطقه متقارش وي ولد وهذا الولد ضاربه على كلبه واحمد ماتحمل ومات
علي منوووو هذا العار كلي كلي خليني اشرب من دمة يابة كلي منو
الوالد يابه همة عائلة على كد حالهم وهوة وحيد اهله وعندة اخت وام بس وباجر الصبح المشيه ونشوف شنسوي منهدر حق احمد اكيد
علي شيصبرني على باجرررر شيصبرني حته ماشايفه يابه كلي مشتاقلك واريد اجيك حته مالحكككك
الوالد اهدة يابه اهدة الاعمار بيد الله
.
.
.
سمر. اخوي قاتل مانت قاتل شنو تشردي
ام سمر. اتريدين اضيع ابني مستحيل
سمر يمة احنه نضيع ويا يمة منكدر هذا قتل تدرين شنو قتل
ام سمر ابني لج ابني مستحيل ياخذونه
سمر. يمة ضيعنه يمة رحنه بسبب ساعه عصبيه
ام سمر عزة هذا منو ديدك الباب طلعي انتي سمر اي احد كوليله ماكو بس اني بلبيت
.
..
.
. اطلعوووو اطلعووو ياجبناء
سمر عزا العزاج ياسمر جايه جاية منو
علي منووو مو منو. افتحو الباب
سمر فتحت الباب وماحس اله ولد طويل شويه شايل سلاح ويصيح وينننن اخوججج
سمر. ماممم. ماااممادري والله
على شنو متدرين ضامته مو طلعو ياجبناء
سمر هييي هييي لحظة لحظة ياابن الشيوخ
علي شنو اللحظه داكلج طلعي
سمر اولا كتلك مادري ثانيا متستحي تفوت على بيت مابي بس حرمة الحالها يابن الشيوخ كتلك مو هنا وكافي عدكم عشيرة وتتصرف
علي اني على تحاجيني هيج اني اراويكم العشيرة شتسوي بسيطه
سمر اشش رجاءا اتفضل ارجع البيتكم وتصرفو مناك براحتكم. شهل أخلاق العندك وسديت الباب بوجهة بس احس رعب ماعرف شنو اتصرف ماعرف شون تجرئت وحجيت. لحظه نسيت اعرفكم عن نفسي اني سمر عمري ١٩سنه تاركة دراسه واحب ارسم واصمم واكتب كولشي يجي ببالي عندي امي عصبية وأخوي ابد ميحبني ومرته حبابه تحبني وعدهم بنيه بس عمرهة سنه بس اكول ميخالف يجي يوم وارتاح لحد ماصار الصار ولعب اخوي لعبته وخسرنه كلشي سودة عليه ابويه جان مدللني بس للاسف راح
امير شكتيلة
سمر رزلته وطردته
امير سمعي لج اذا جبتي طاري عني اكيرة لراسج
سمر الك عين تحجي بعد عملتك من دمرتنه
امير ترادديني ياجلبه
سمر اي ارادد حسبي الله ونعم الوكيل ياقاتل
امير هية كالت قاتل واني فرت لزمتها شبعتهة كتل
سمر عوفني الله ليوفقك عوفني شسويت بيه حسبي الله ونعم الوكيل بيك الحكيني يمة
منار ولك عوف البنيه موتتها عوفها
سمر منار خلصيني منه ابوس ايدج
منار عوفها ولك عوفهة تريد تموتها
سمر بلموت يلا عافني دمرني دمار زورك جسمي هسه لو ابوي ماميت جان ماخلاني تحت رحمتة حسبي الله ونعم الوكيل
منار سودة عليه يحبيبتي هوة هذا حظنه شنسوي
سمر تعبت راح مستقبله وعائلتنه منار دمرنه أمير
منار شنسوي بعد حكم ربج هذا
.
.
. علي اني وحدة زعطوطه تحاجيني هيج اني الج بسيطة ان مادمرتكم
.
اليوم الثاني
.
.
. كعدنه كعدة عشاير والولد ماهوة مختفي المفروض يجي
ابو علي. شنو هل حجي شون ماجاي وهوة القاتل اليوم دمة مهدور مهدور
الشيوخ يحجوون وناس تهدي وناس تعلك لحد متجابو الولد سحل للمظيف. و
علي دمي فاير بس لا يسكتون عن دم احمد وصرت عصبي وصيحت ابوي طلعني برة وكاعد انتظر سيصير مستحيل اسكت عنهم
.
.
ابو علي. علي يابه فضت بفصلية
علي شنو بفصليه ودم احمد
ابو علي يابه هية هاي العادات هيج تكول
علي وشنو نستفاد بالفصليه
ابو علي شنسوي بعد هاي الاتفقنه عليه شبيدنه
علي فرت لاالله شنو فصليه شنو راح اخوي شنو القصه وبس لااخته الزعطوطه فصليه رحت البيت احمد وصحت على ابنه محمد حضنتة كتله اسف عمو ماكدرت اخذ حق ابوك اسف عمو اسف
زوجة احمد. علي
علي نعم اختي
سهام. علي شصار معقوله فصليه وبس
علي اي للاسف ميحقلنه بعد غير شي
سهام علي اريد حقة منك انت
علي شسوي يعني
سهام الفصليه متريحونها تشربون دمها وتاخذون حقة متسكتون
علي شهل حجي احنه بيا زمن
سهام صدكني هذا هوة الي لازم يصير موغير شي
علي الله كريم نشوفها شون تصفه هيه
.
.
.
. سمر ماروح ماروح مادفع ثمن غلطته ماروح
ام سمر ولج اخوج يضيع ولج
سمر واني يمه ماضيع برئيج يمة شبيكم
امير. سمعي لج ترحين غصبا عليج
سمر ماروح موبكيفكم انتحر والله
. بعدني دااحجي ولزمني امير ملخني وماهدني الة اني عبارة عن دم سحلت نفسي للغرفه ونمت من الوجع وكعدت البيت سنطه هادئ وشفت اكو فواكه وسجينه عليهن بالغرفه رحت ولزمت السجينه واني ابجي وادري هل شي حرام بس احسن ماانذل وانهان
توني شكيت ايدي وطبتلي مرت امير تعيط اني هنا فقدت الوعي وماصحبت اله واني بالمستشفى مخيطة اديه والدنيه تفتر بيه مامتت ربي ماكتبلي اخلص واموت رجعوني للبيت حبسوني بالغرفه وامير بس يجي يضرب ويطلع لحد ما اجه يوم الاروح بي فصليه ودعت كل جزء بغرفتي وليتنه المتواضع ولميت اغراضي ودموعي مانشفت نهائيا رحت الامي وكعدت بحظنها وبجيت بجيت هواي وودعتها امي الي مايوم بجت كدامي حضنتني وبجت راح افتقد كلشي حلو وكل لحظة عشتها انتهت حياتي بعد ومامعقولة ارتاح من هل يوم اجه امير دايحضني كتله اوكف اني مستحيل احضنك وابجي بحضنك مثل الاخوان اني اضحيلك اكيد ومايمنعني شي من تضحية الك  بس انت تعبتني من يوم المات ابوي المفروض تصيرلي ابو بس انت خذلتني للأسف الشي الوحيد الزين الصار انو ابتعدت عنك لاغير ومن اليوم ورايح اني مواختك... طلعت وي عمي ودوني لبيت اهل الولد بيت حلو مرتب بس تحسونه فارغ بلا روح الله يعينهم خسرو ولد
ابو علي. السلام عليكم
سمر وعليكم السلام
ابو علي احنه عقدنه عقد سيد الج والعلي بس انتي اكيد تدرين بي هوة بس حبر موغير شي
سمر اي عمي
ابو علي روحي بابا الغرفت علي  اول غرفه فوك

سمر حاظر.... طبيت للغرفة غرفة حلوة كلش بس بية جنطه ملابس الكنتور فارغ وبيها صور هواي خليت جنطتي ع الكاع وغفيت من التعب فجئة فزييت على صوت

علي.. كعددددي اخت المجرم نايمة موو. علي جريتهة من ايدها جن تعيط عصرت ايدها حيل وهيه تصيح عوفني ابوس ايدك بس لحد الان ماصاده وجهة عليه

سمر جرني من ايدي المخيطه وعطت من الوجع حته ماكدر اصد بوجهة واحس ايدي انتهت خلاص وبدت تنزف

علي شو هاي ايدهة تنزف معقوله من العصرة شمرت ايدها وجريتها من وجهة وصفنت هيه هاي الطفله لزمتها من حنجها وعصرت وجهة بس ماشاء الله جميله والجمال لله مادري شسوي بهل لحظه
سمر ابوو ابووس ابووس ايدك ححح ححموت
على وموتتهم اخت المجرم.. عفتها وطلعت
سمر ورة معافني بقيت ابجي وفجئة نفتحت الباب
سهام الله ليوفقج اخذتيهم مني الله لينطيج
سمر طبت علية مرة تعيط وتصيح واجتي لزمتني دتخنكني....
لهنا وينتهي البارت حبايبي طبعا اكمللكم بس اشوف تفاعل  اني حسابي القديم راح الي بي كل قصصي اذا تحبون اخليلكم المعرف مال قصص هنا وان شاء الله يعجبكم البارت احبكم 🤍