قصه شاب عسكري💔
جنت سايق بتكسي قبل حوالي ٧ سنوات فصعدت وياي بنيه جامعيه صارت نظرات ومدري شنو وهيه كانت قريب بعد قطاع عن بيتنه فمرتين اوصلهه للجامعه وراهه صار تعرف ومخابره ومراسله وحبيتهه من كل گلبي وحبتني من كول گلبهه وصار بيناتني حب بجنون ومحد يترك الثاني ولو دقايق او ساعات ضلينه عله حبنه ٣ سنوات بحيث جنت اجمعلهه مصرف للعيد ملابس لو للجامعه اذا تحتاج شي واني اقصر عله نفسي لاجلهه المهم وره ٣ سنوات فاتحت ابوي عله الموضوع انو اتقدملهه والدي رفض لان جانت بنت عمي علساس تحبني وعمي هده بنت الي منطي كلمه لابوي فابوي مقبل بالبنيه الي احبهه يريد بنت عمي ويكول شكول لعمك ولازم تاخذ بنت عمك وانته شتعرف عله البنيه الي تحبهه فجاوبته كتله اني احبهه صار ٣ سنوات وعرفت كلشي عليهه واني رايدهه لان اني الس راح اختار شريكه حياتي والي تكمل حياتي وياهه ماريد ينت عمي فكلي بالحرف الواحد لو بنت عمك لو تطلع بره وبعد ماريد اشوفك بالبيت فاني فظلت اطلع ولا اترك البنيه الي انطتني روحهه وثقتهه وحبهه واعتبر خانت اهلهه من نطلع اني وياهه ومخابره وهيه ثاقه بيه شلون اكسرهه زحمه هاي مو صفات الرجال فطلعت سافرت ٣ اشهر لسوريا وراهه والبنيه عرفت انو انطردت وضلت تبجي وتكولي عوفني وارجع لاهلك اني السبب المهم قنعتهه انو بعد مالي عيشه ويه اهلي والي طردني بعد ما ارجعله من وجعت من سوريا اجرت نص قطعه وكعدت وحدي وهيه جانت تجي كلما تطلع للكليه تطلع قبل نص ساعه من الوقت وتجي تحظرلي اكل وتغسل ملابسي وومرات تطلع من وكت من الكليه تجي تنظف البيت فظليت وره سنه قرب علينه عيد الاضحى فبليله العيد خابرتني وكنما تدري هاذه اخر كلام وتبجي ومدري شنو فلان
دير بالك عله نفسك لان نسيت اكولج وره مطلعت تعينت بالفرقه الذهبيه وجانت ظروف صعبه والوضع مو زين واحنه دوامنه اخطر شي بالقوات الامنيه فخابرتني بليله العيد كالت راح اروح اشتري ملابس للعيد واول واحد انته تشوفهن مره فرحانه ومره تبجي ودير بالك عله روحك وكذا ثاني يوم نايم واجاني اتصال من رقم غريب اختهه اتصلت وتبجي وتكولي راحت حبيبتك راحت الجنت تتمناهه اني كعدت مرعوب ماعرف شنو تكول وشنو تحجي وشنو راحت خابرتهه وهيه بالمستشفى وجات صاير انفجار بالسوك الي هيه بي وتوفت قبل ٣ سنوات ونص واني ضليت وحدي فابوي منع امي ومنع اخواني محد يمرلي ولا احد يعرف اخباري ولا يخابرني وصارلي ٣ سنوات و٨ اشهر حوالي مشايف
