Pumasok siya sa opisina.
Di sya masyadong okay.
Pinilit lang niyang gumising.
Iniisip nya pa din yung utang nyang di nya kayang bayaran.
Limang libo lang laman ng pitaka nya pero ilang daang libo ung utang nya.
Magkaaway silang magasawa. Nawrongsent ung asawa nya tapos nagpaliwanag pero di nya matanggap ung paliwanag.
Nagmessage ung asawa nya kinabukasan sabi bati na sila. Nakipagbati na sya kasi alam naman nyang sobra sobra na nasa plato nya para idagdag pa yung sa asawa nya.
Pagpasok nya ang dami nyang tambak na trabaho.
Nanghihina na sya magpatuloy kaso wala naman syang magagawa kundi magpatuloy.
Nasa kalagitnaan palang ng araw pero pagod na pagod na sya.
Naisip nya ang taba nya bakit ba ang hirap magdyeta. Kapag may pagkain, kakain na sya para lang makisama sa mga kasamahan nya.
Ang hirap ipanganak na mahirap.
Ang hirap kapag pinili mong maging mataba.
Ang hirap mabuhay sa utang.
Ang hirap magmahal ng may pagdududa.
Ang hirap maging sya.
