نوفيلا بنات فيروز

الفصل الثالث

الفصل الثالث
في غرفه الموسيقى
كان تميم يجلس على البيانو يعزف لتجلس سديم بجواره وتضع رأسها على كتفه ليبتسم هو
ولكنه لم يفتح عينيه بل ظل يعزف حتى انتهى وبعدها فتح عينيها وهو يظن انها نائمه ولكن وجدها مستيقظه تنظر له وتبتسم.
تميم ببرود : بتعملي اي هنا؟
سديم ببراءه: هقولك بس متزعقش فيا ماشي.
تميم : ماشي.
سديم : احم وانا صغيره كنت متعلقه بجدو  اوي وهو كان بيحب العزف على البيانو فعشان كده انا لما سمعتك بتعزف مقدرتش مدخلش انا اسفه انا عارفه اني بدخل في خصوصياتك.
تميم بابتسامة : تعرفي اني دي اوضته ماما هي كانت بتحب العزف اوي وعلمتني عشان ابقا زيها قالها ومسك صورتها لتنظر هي للصوره وتبتسم
سديم : مامتك حلوه اوي جميله بشكل غير طبيعي.
تميم بغرور : هو انتي مفكره اني جايب الجمال ده كله منين اكيد من ماما.
سديم بغيظ  : بجد!  قالتها وابعدت رأسها عن كتفه ولكن قربت رأسها من راسه.
تميم :  اه بجد  قالها واقترب منها ليصبح جبينه على جبينها لينظر كل منهم في عين الآخر لتغمض هي عينيها بلا وعي ليبتسم هو ويقترب منها ولكن يبتعد عنها عندما يسمع صوت كلب لينظرا لبعضهم بصدمه.
سديم بصدمه  : كلب!
تميم بنفس الصدمه  : في بيتنا.
سديم : ربنا يستر قالتها وخرجت هي وهو إلى الحديقه.
                        ***************
في باريس
في إحدى  غرف الفندق
داليا بقلق :مكنش ينفع نسافر ونسيب الشباب هناك لوحدهم افرض حصل ليهم حاجه يعني مثلا دخل عليهم حرامي.
مصطفي بابتسامة : يا حبيبتي اللي انتي قلقانه عليهم دول رجاله لو اتجوزوا كان زمانهم معاهم عيال انتي لازم تخافي من حاجه تانيه.
داليا : حاجه اي؟
مصطفي : الحب.
داليا :حب اي انا مش فاهمه حاجه.
مصطفي : يعني احنا سافرنا وسبنا ولادنا مع بنتين زي القمر في البيت لوحدهم انتي فاهمه.
داليا : اه فهمت بس بحسب ما قعدت مع البنات احم يعني هم محترمين مش من النوع ده.
مصطفي بضحك : والله اومال مين اللي قالي انهم دمهم تقيل وجايين يضحكوا على عيالنا عشان الفلوس.
داليا : انا قولت كده عشان مكنتش اعرفهم وبعدين انت عارف اني ببقا مغروره اوي مع الناس اللي معرفهمش لغايه معرف اي نيتهم.
مصطفي : عارف بس تفتكري لو حصل بينهم حب عادل ممكن يوافق.
داليا : وميوافقش ليه؟
مصطفي: انتي عارفه انه عايز يجوز تميم لعليا بنت سلمي.
داليا بغيظ  : اه سبحان الله عليا دي بنت اختك بس انا بقا مش بطيقها خالص.
مصطفي : اه فعلا هي مغروره شويه.
داليا : و..
مصطفي : ومدلعه شويه.
داليا : ومقضياها وعايشه في أمريكا ومتحرره زياده دي غير علاقات الحب الكتير.
مصطفي بغضب  : خلاص بلاش نتكلم عنها عشان انا لما بسمع الكلام ده بتعصب وفي الاخر بتخانق مع سلمي.
داليا بحب  : بس تعرف انت وحشتني.
مصطفي : وانتي كمان قالها وقبل جبينها لتبتسم هي له بحب.
                        **************
في قصر الكيلاني
في الحديقه
سدره : خليه يسكت عشان لو الداده صحيت أو الخدامين اكيد هيقولوا لعمو عادل.
رائد : مش راضي يسكت مش عارف ليه بس يا زيزو اهدي  بقا.
ليأتي في هذه اللحظة تميم خلفه سديم التي ابتسمت بسعاده عندما رأت الكلب وركضت بتجاه وعانقته بحب.
سديم : الله جميل اوي بتاع مين ده؟
تميم : حد منكم يجاوب بتاع مين؟
رائد : احم بتاعي.
تميم بضحك : مانا عارف ههههه بس بحب اخليك متوتر.
رائد : طب والله انت بارد بس عرفت ازاي؟
تميم : شوفتك وانت بتسحب بليل عشان تجيب اكل من الثلاجه وتروحله.
سديم بضحك : الله ده لطيف اوي ممكن ينام معايا النهارده.
رائد : ينام معاكي لا مينفعش عشان محدش يشوفه يلا يا زيزو قالها وأخذ الكلب وذهب لتخبئته.
سديم  بعبوس :انا عايزه كلب.
تميم بابتسامه : طب وهتعيشيه فين؟
سديم : مع كلب رائد.
تميم : فكره هبله زيك.
سديم بغيظ : انا هبله يا ثلاجه.
تميم : انا ثلاجه يا بوتاجاز يا نار.
سدره بصداع : بس كفايه يلا يا سديم عشان ننام.
سديم: ماشي يلا قالتها وذهبت مع اختها ولكن فجأه التفت له وغمزت وقامت بإخراج لسانها له وذهبت لينفجر هو في الضحك بصوت عالي ولم يلاحظ رائد الذي ينظر له بسعاده فهو لم يضحك هكذا منذ فتره كبيره.
رائد : بتضحك على أي؟
تميم : مفيش افتكرت حاجه كده.
رائد : طيب يلا بينا.
تميم : يلا.
                     **********
في الصباح
على طاوله الطعام
تميم ببرود : حد فيكم حابب يجي الشركه.
سدره : لا انا عندي امتحان.
سديم : وانا مش هقدر عشان عندي مشروع للجامعه
رائد : طيب هنمشي احنا بقا يلا.
تميم : يلا.
وبعد ذهابهم
سدره باستغراب : مشروع اي ده اللي هتعمليه في الجامعه.
سديم بحماس  : مشروع سباحه.
سدره : سباحه اي ده؟
سديم : انا فكرت بم اننا لوحدنا في البيت نعوم النهارده في البيسين.
سدره : بس احنا مش بتعرف نعوم.
سديم : مانا اتصلت بمدرب سباحه هيجي الساعه ٧ كده.
سدره وهي تحاول أن تستوعب : انتي اتصلتي براجل ينزل معانا البيسين ومفيش حد في البيت وجاي علي موعد رجوع رائد و تميم من الشركه يادي المصيبه انتي عايزه تجنينيني..
سديم : بس انتي عارفه من زمان اني نفسي اتعلم السباحه.
سدره : اه معنديش مانع انك تتعلمي السباحه بس مش بالطريقه دي.
سديم :عندك  حق انا هرن على المدرب وألغى الموعد معاه.
سدره : هو ده الصح صدقيني.
                      ************
في الشركه
رائد : صباح الخير يا جماعه.
الجميع : صباح النور.
تميم : الصور جهزت يا أمير.
أمير : اه.
سيلا : طيب يا جماعه انا جهزت كل حاجه همشي انا بقا قالتها بحزن وهي تنظر لأمير الذي يتغزل بإحدى العارضات.
رائد : اي رايك اوصلك؟
سيلا : لا مفيش داعي يلا باي قالتها وذهبت.
أمير : اه الصور يلا نشوفها.
تميم : يلا.
أمير : اي ده فين سيلا؟
رائد : مشيت.
أمير : اول مره تمشي من غيري احنا دايما بنرجع مع بعض وبوصلها.
تميم بشرود : مش يمكن فاقت اخيرا من الحلم ورجعت للواقع.
أمير باستغراب : حلم اي و واقع اي انا مش فاهم.
رائد : ولا هتفهم.
تميم : احسن لينا اننا نشوف الصور .
                      *****************
في القصر
كانت تجلس كلا من سدره تذاكر دروسها وبجوارها سديم ترسم فهي تعشق الرسم وموهوبه به أيضا ليقطع عليهم عملهم دخول الداده .
الداده : احم استاذه سديم في واحده برا عايزه حضرتك اسمها سيلا.
سديم بابتسامه : اولا يا داده متقوليش استاذه سديم قوليلي سديم عادي ثانيا خليها تدخل.
الداده بابتسامة : ماشي يا بنتي.
وبعد قليل تدخل سيلا وتعانق الفتيات ولكنهم لاحظوا انها حزينه وعينيها مليئه بالدموع.
سديم : احم تحبي تشربي اي؟
سيلا : ولا حاجه عايزه مايه بس.
سدره : سيلا باين عليكي الزعل هو في حاجه حصلت يعني في البيت أو الشغل حد عملك حاجه، وعندما انتهت سدره من الكلام انفجرت سيلا في البكاء بشده لتذهب سدره وتعانقها وتحضر لها سديم المياه لكي تهدأ وبعد قليل اي بعد أن هدأت تماما.
سديم :ها مش هتقوليلي كنتي بتعيطي ليه؟
سدره : اعتبرينا زي اخواتك يا سيلا وقولي.
سيلا بحزن وشرود : من وأنا صغيره كنت علطول وحيده مش بقرب من حد لغايه ما دخلت الجامعه سعتها قرب مني أمير وبقينا أصحاب أفضل أصدقاء وعرغني على تميم ورائد وبقينا افضل أصدقاء واشتغلنا مع بعض والايام مرت وانا عرفت اني حبيت أمير حاولت أفهمه لكن لا حاولت اني أبين نفسي لكن لا حاولت البس وابقى زي العارضات لكن بردو لا مش بيفهم ولا عمره هيفهم كنت دايما بشوفه قدامي يعاكس دي ويحب ده ومامته تخطبله دي انا تعبت بجد من الحب ده تعبت.
سديم : طيب ليه محولتيش تبعدي عنه تحسسيه انه مش موجود ملوش لازمه في حياتك انه صديق وبس تعامليه على أساس كده وهتشوفي انه في أسبوعين هيمشي وراكي.
سيلا بفرحه  : بجد لو عملت كده هيحبني.
سدره : احنا هنختبره بس لو نفع معاه يبقى بيحبك لو منفعش يبقى تنسيه احسن ليكي.
سديم : اي رايكم ناكل آيس كريم؟
سدره : ماشي.
                  *********
في الشركه
تميم : اخيرا خلصنا يلا بينا نروح انا راسي واجعلني اوي من الشغل.
أمير بقلق: الحقوا سيلا مرجعتش البيت لغايه دلوقتي تفتكروا تكون اتخطفت.
رائد :  اتخطفت اي يا بني هي عيله صغيره.
تميم بتذكر : اه افتكرت دي عندنا في البيت هي قالتلي انها هتروح تشوف سديم.
أمير بغيظ : طيب مقلتليش انا ليه؟
رائد :واحنا هنعرف منين.
أمير : طيب يلا انا جاي معاكم عشان اخدها ووصلها البيت عمي سامي قلقان عليها.
رائد :طيب يلا.
                  *************
في القصر
كانوا يجلسون يشاهدون التلفاز ليقطع عليهم مشاهده التلفاز دخول الشباب.
رائد : مساء الخير.
الجميع : مساء الخير.
أمير بغيظ : بقا احنا قلقين عليكي يا هانم وانتي قاعده هنا وبعدين بم انك هتيجي هنا مقولتيش ليا ليه؟
سيلا ببرود : وانا اقولك ليه يعني.
أمير : نعم!.
سيلا : نعم الله عليك يا اخويا.
رائد بضحك : ههههه نعم الله عليك انتي مالك قلبتي على سديم ليه ههههه.
سديم بعبوس : بقا انا كده ماشي يا رائد.
أمير : طيب يلا عشان نمشي انا هوصلك.
سيلا ببرود : مش همشي انا هقعد هنا مع سديم وسدره وبعدين بكرا اجازه في الشركه.
أمير بغيظ : يعني هتقعدي هنا مع تميم و رائد عادي.
سيلا : انا قولت هقعد مع سدره وسديم مش تميم و رائد.
أمير بغضب : طيب خليكي انا ماشي.
تميم وهو يحاول منع ابتسامته :طيب ماتخليك معانا هنا.
أمير : لا مش عايز قالها وذهب.
لينفجر رائد في الضحك.
سيلا بتعب :هدخل  انام انا بقا سلام.
سديم : ماشي الداده جهزت اوضه الضيوف.
سيلا : ماشي قالتها وذهبت.
تميم ببرود : بم أن مفيش حد غيرنا يبقى اتكلم بقا مين فيكم اللي كلمت مدرب سباحه يجي البيت.
سديم  بتوتر : انا بس انا مكنتش اقصد يعني هو.. تميم بغضب : بس متتكلميش أظن أنه احنا مكناش عايشين في أمريكا يا هانم عشان تجيبي واحد غريب في البيت ومحدش يكون موجود فيه.
سدره : خلاص يا تميم حصل خير انا فهمتها وهي لغت الميعاد.
تميم بغضب : رائد خد سدره واطلعوا الجنينه وسبني اتفاهم مع سديم هانم.
سدره : بس...
تميم : متقلقيش يا سدره انا هفهمها غلطها بس.
رائد : يلا بينا يا سدره قالها واخذها وذهب.
ليقترب تميم ويسحبها من خصرها إليه.
تميم بغضب : يا ترى كنتي هتلبسي مايوه قدامه كمان.
سديم بحزن : لا طبعا.
تميم بصراخ  : والله تعرفي يا سديم لو كان الراجل ده جي هنا كنت هعمل فيكي اي هقتلك.
سديم ببكاء : طيب خلاص سبني.
تميم : يعني غلطانه وكمان بتعيطي وزعلانه كمان. سديم بدموع : انت متعرفش عننا حاجه عشان تتكلم كده انا كنت عايشه ونفسي اعمل حاجات كتير بس ماما كانت دايما بتمنعني لأنها خايفه عليا ده غير كلام الناس لأننا من غير راجل  بس انا دلوقتي كبرت ومن حقي اعمل اللي انا عايزاه وبعدين انا فهمت انه غلط ولغيت الموعد اي لازمته بقا انك تصرخ فيا.
تميم بتنهيده : طيب انا اسف وواضح اني زودتها شويه.
سديم بعبوس : اسفك مش مقبول.
تميم بابتسامة : طيب اعمل اي عشان تسامحيني.
سديم : تعلمني السباحه.
تميم : اممم طيب وانا موافق.
لتصرخ سديم بحماس وتعانقه بقوه ليبادلها هو أيضا العناق ويقبل شعرها.
                      *************
في الحديقه
سدره بقلق : انا قلقانه اوي تفتكر عملها اي؟
رائد : متقلقيش هو مش هيعمل حاجه هو هيفهمها غلطها بس.
سدره بقلق : ربنا يستر.
رائد : اه صح بكرا أهلنا راجعين.
سدره : راجعين امتا؟
رائد : بليل بكرا.
سدره بشرود :يرجعوا بالسلامه.
رائد : تيجي نشوف زيزو.
سدره بحماس : اه ياريت قالتها وامسكت يده لينظر هو لأيديهم ويبتسم وياخذها ويذهب.
                       *************
في الصباح
في باريس
عادل : ها جهزتوا شنطكم.
مصطفي : اه جهزنا كل حاجه.
فيروز : هو احنا هنوصل امتا؟
مصطفي : بليل كده على الساعه ٣ الفجر إن شاء.
عادل : أن شاء الله.
داليا: طيب يلا بينا عشان انا وحشوني الولاد اوي.
فيروز : عندك حق انا كمان وحشوني البنات اوي.
عادل : طيب يلا بينا.
فيروز : يلا اه ثانيه واحده نسيت شنطة الهدايا قالتها وركضت إلى الداخل.
داليا : اي ده وانا كمان نسيت شنطتي هروح اجيبها.
عادل : متعرفش اي اخبار عن الولاد؟
مصطفي : اه سمعت انهم خلصوا العرض وعقبال يوم السبت تكون جهزت تماما.
عادل : طيب كويس.
مصطفي : طيب يلا بينا نشوفهم اتاخروا ليه.
عادل : يلا.
                      ************
في مصر
في قصر الكيلاني
كان الجميع جالسون في غرفه الصالون.
سيلا : طيب همشي انا بقا.
سدره : بس انتي لسه مفطرتيش معانا.
سيلا : مره تانيه لأنه بابا رن عليا اكتر من مره.
رائد : طيب استنى اوصلك.
سيلا : مفيش داعي معايا عربيتي.
رائد : تمام.
وبعد ذهابها.
تميم : يعني الفطار مش جاهز لغايه دلوقتي.
سديم : عندي خبر وحش الداده بنتها تعبت فأنا اديتها اجازه.
رائد : طيب عادي نطلب اكل من برا.
تميم : انت عارف اني مش بحب اكل برا انا بحب اكل من بيتي.
سديم : طيب اي رايكم نطبخ احنا.
تميم ببرود : انتي اكيد بتهزري صح.
سدره بضحك : لامش بتهزر.
رائد : انا معنديش مانع ونعمل مسابقه كمان انا وسدره مع بعض وانت وسديم مع بعض
سديم : لا بلاش مسابقات احنا نعمل مع بعض عشان نخلص بسرعه .
تميم : اوك يلا.
في المطبخ
سدره : اهو الأدوات كلها جاهزه كل واحد يعمل اللي عاوزه.
سديم لتميم : اي رايك نعمل بيتزا.
تميم : ماشي.
وبعد قليل بدوا العمل كلا منهم يعمل شي معين سديم تقطع البصل وتبكي و تميم يقطع اللحم و سدره تقطع الفلفل و رائد يقوم بعمل عجينه البيتزا وبعد قليل مسك رائد الدقيق وكام بسكب على سدره وانفجر في الضحك لتمسك هي باقي الدقيق وتسكبه عليه.
تميم بضحك : شكلكم مسخره هههه.
سديم : ومعانا ومعاكم البيتزا رائد ههههه.
رائد : هغير واجي خلوا بالكم من البيتزا اللي في الفرن.
سدره : وانا كمان هغير قالتها وذهبت.
سديم : ها البيتزا عملت ولا لسه؟
تميم : لسه.
تميم : طيب انا هروح اغير لبسي قالتها وكانت ستذهب ولكن تعثرت فحاولت أن تمسك في تميم ولكن لا  فقد وقعت ووقع فوقها.
سديم : اه ضهري اتكسر يا تميم.
تميم بضحك : فرحتي كده أدى لبسنا اتبهدل احنا كمان.
سديم : مش مشكلة عادي قالتها بضحك لينظر هو يجد بعض البيض على وجهها ليرفع يده ويبدأ مسحه من وجنتها حتى وصل لشفاها ليلمسها برقه لتغمض هي عينيها متاثره بلمساته ليميل عليها في لحظه جنون يود تذوق طعم شفاها ولكن يبتعد عنها بسرعه عندما سمع صوت قادم ناحيتهم.
تميم : قومي يلا يا بنتي هتفضلي نايمه على الأرض.
سديم بتوتر: طيب انا رايحه اغير خلي بالك من البيتزا.
تميم : ماشي.
                    ************
وبعد قليل
كانوا يجلسون على الاريكه بعد أن وضعوا البيتزا أمامهم ومعها بعض الفشار.
تميم : ها نشغل فيلم رعب ولا فيلم رومانسي.
سدره : رومانسي.
سديم: رعب.
رائد : رومانسي.
تميم : يبقا رومانسي.
وبعد قليل.
سديم بغيظ : ما تعترف بقا يا حمار.
تميم بضحك : بتكلمي نفسك انتي اتجننتي يا سديم.
سديم : لا بكلم بطل الفيلم هو ليه بارد كده مايقولها بحبك ويخلص بقا باسها اربع مرات ومعترفش بيغير عليها وبردو مش عايز يعترف.
تميم : يمكن عنده عقده يا بنتي انتي مش شيفاه كاره الستات كلها ازاي.
وبعد قليل
سدره بدموع : ده طلع بيحبها اوي ضحي بنفسه عشانها.
رائد : خدي يا سدره المناديل امسحي دموعك.
سدره : ماشي.
سديم ببكاء : ليه يا أبن الهبله تضحي بنفسك وتسيبها تتعذب بعديك.
تميم : انا مش عارف اضحك  على كلامك ولا اعيط والله هههههه انتي فعلا مجنونه.
سديم بعبوس وقربت رأسها منه : انا مجنونه يا تيمو.
تميم وهو يضع جبينه على جبينها : أي تيمو دي يا هبله.
سديم : انا هبله يا تميم.
تميم : اه ومجنونه كمان.
سديم : ماشي قالتها وقامت بسحبه من ياقته ومالت عليه وعضت وجنته.
تميم : اه يا مجنونه ابعدي عني يخربيتك قطه بتعض وتخربشي كمان.
لينفجر كلا من سدره ورائد في الضحك عليهم.
رائد : انتو تتجوزوا لايقين على بعض والله.
تميم : انا مستحيل اتجوز القطه دي.
سديم : وانا مستحيل اتجوز التور ده.
وبعد قليل كان الجميع يتابع فيلم اخر لتنظر سديم تجد تميم يضع يده على وجنته لتبتسم هي وتنظر تجد كلا من رائد و سدره ينظرون للفيلم لتقترب من تميم وتبعد يده لينظر هو لها باستغراب لتقترب منه وتقبل وجنته.
سديم بهمس : اسفه.
تميم بابتسامه : ولا يهمك.
وبعد قليلا تحديدا الساعه ٤ فجرا
وصل كلا من عادل ومصطفى وزوجاتهم ليدخلوا القصر وياليتهم ما دخلوا فقد وجدوا وضع جعل كلا من عادل و مصطفي غاضبين
عادل بغضب : هو اي اللي بيحصل هنا بالظبط؟
نهايه الفصل
فوت كتير بقا يا بنات؟