ينهااار يوم انا ما عرفتكم علي صااح🤦♀️😂
طيب انا سما بت عبدالله وهند ترتبي في البيت الكبيرة العويرة😂بهظر بهظر انا عاقله وواعيه شديد😌👋والحمدلله دا برجع لي تربيه اهلي ربنا يديم العافيه💛🌻ومن حيث السنين عمري 21ربيع عجزت وما انجزت ولا اتخطبت ولا نضمو فيني هامله ساااي😂ومن الناحيه العلميه بقرا تمريض جامعه الخرطوم المستوى التالت وكان نفسي اقرا طب اسنان امتحنت تالته مرتين لكن ما قدرت اجيب النسبه وكلو لي خير💛🌻الحاجات البحبها كتيرة شديد ح اذكر ليكم شويه منها على سبيل المثال لا الحصر يلا بحب فصل الشتاء البرد والغطى بالبطانيه من بعد المغرب والوضو بالضحك والبكا من بروده المويه😂كبايه الشاي الحارة مع العيش وبعمل حاجه غربيه فيو ما بعرف اسخن مويه واستحمى ما عارفه لي بحب المويه البارده رغم العمايل والرقيص والنطيط لغايه ما اخلص حمام لكن بستمتع شديد😂وتاني بحب الخريف والمشي تحت المطرة والغواجه بتاعت الشفع😂والجو المغيم والرطوبه مع منظر الشجر وهي مليانه مويه الجبنه في الحوش وريحه الدعاش الليل ونجومو لما القمر يكتمل ويضو ويغطينا بي نورو💛🌻واحييي من الكوريين🤦♀️اقسم بالله بعشق مسلسلاتهم عديل ما خليت مسلسل طاير ما حضرتو😂لدرجه بقيت بلبس زيم لانو لبسم حق البيت عاجبني شديد هسي هدومي كلها ارديه وفنايل فوق الركبه واسترابلس وشي سير وحاجات كدا امي بتكرها شديد بتقول لي التقول انت مقطعه وما عندك هدوم غير العولاق ديل😒وردي بتاع كل مرة لمن نتناقش في الموضوع دا "امي انا في بيتنا ما ارتاح والبس العايزاو يعني؟" فباخد شكلتي والبس لبسي😂ديل حقات البيت طبعا اما لما اطلع بكون لابسه زي اسلامي محترم💛🌻ومن الناحيه الشكليه بقولو غالبا الكبير بطلع شبه ابو وانا نهائي ما بشبهو ابوي طويل ووجيه اما انا قصيرة وشينه😂برري بكذب حلاتي والله🙈طيب اقارن ليكم عشان تقتنعو ابوي طويل يمكن 100 كم و80 سم اما انا طولي 155سم عيونو دقاق وانا حقاتي واسعه وكحيله ضعيف وانا مليانه لونو فاتح وانا خمري بين الفاتح والاسمر🤤بنتفق في حاجه وحده شعرو قرقدي وقصير حتى شعري ومرات بشوف حقو احسن من حقي😂حتى امي ما بشبها لانو هي حلاته قوام وشعر ولون وكلو ادتو لي سناء شكلو بي شناتي دي لقوني واقعه في جمب جامع😭لكن امي بتقول انا بشبه حبوبه ربنا يرحمها ويغفر ليها
يلا اوريكم الحاجات البخاف منها عندي ايلوروفوبيا"فوبيا من القطط"بخاف منها شديد وما بقدر اقرب جمبها انا ما بكرها ولا بتمنى تموت لكن بس ما تجي جمبي ولا في حته انا قاعده فيها🤦♀️وسبب الفوبيا دي لمن كنت صغيرة جات كديسه ولدت عندنا ويوم خلت اولادها وقعدو ينونو يطلعو الصوت داك😂عرفتم جاعو قمت شلت اللبن حقي وكبيتو ليم وهي لمن شافتني قايلاني ح اذيم قامت خربشتني ومن يومها ونحن ما بنتفق ولا بنتلمى🙂
وبرضوابو الزنان زمان حبوبه غشتني لمن كنت صغيرة واحوم عريانه قالت لي بط...ك وانا من وقتها ما عارفه اتجاوز الموضوع وعامل لي رهاااب
اما بالنسبه للحب والعلاقات ما حصلت مريت بالتجربه دي وقلبي لسه ما دقه للآن احتمال كتير منكم يشوفها غربيه مع انها حاجه عاديه شديد لانو انا خاته حاجه وحده في راسي مستحيل ارتبط بزول عشان صحباتي مرتبطات ولا عشان فاقده حنان ومحتاجه زول يطبطب علي ولا عشان انزل واطلع مع زول وكل الناس تكون عارفه انو نحن بنحب بعض ولا بحب امشي مع القطيع السو الناس بسوي انا مقتنعه انو في انسان في الدنيا دي ربنا خلقني من ضلعو والا ما القاو في يوما ما عارفه ح نتلاقى كيف والح يحصل شنو لكن انا متأكد مليون في الميه اني ح اعرفو دا الانسان الصاح ما عارفه كيف بس ح اعرفو😂قريت روايات كتيرة شديد وبشوف اي يوم فرصه عشان نتلاقى فيو واي حدث ممكن يكون المقدر لينا فيو نكمل بعض❤ما عارفه شكلو كيف ولا طولو ملامحو ولا اصغر تفصيل بخصو بس برضو متأكدة انو ح انبهر بيو حتى في ملامحو العاديه❤غصت صااح😂اصلا لمن اجيب سيرتو ما بعرف اوقف تاني
يلا اعرفكم على صحباتي ورفيقات الدرب💛🌻اهم وحده مروة دي صحبتي من تانيه اساس لمن رحلنا بيتنا دا اول كنا مأجرنو منهم لغايه ما ربنا سهلا على ابوي واشتريناو قرينا مع بعض الاساس والثانوي وفي الجامعه مشينا سوا بس انا شالوني تمريض وهي طب اسنان يعني هي الاقرب لي ما بقدر استغنى عنها كل اسراري عندها وكل مرة بتحاول تربط لي برفض😂عندها اخو واحد وقاعد برا مع ناس عمو بنزل كل كم سنه مرة
مواصفاتها طويله ملامحها حلوه وشعرها برضو ما شاء الله قطيمه ورداحه في كل شكله هي البتاخد لي حقي وزوله صعبه شديد ما بتنقدر لكن قلبها ابيض زي اللبن💛🌻
يلا نجي لي ايه البت العسل يلا ايوته دي كيوته بشكل ما طبيعي ورقيقه شديد وحساسه تحسها انثى انثى ما زينا😂بالرغم من انو معرفتنا ما اتجاوزت تلاته سنوات لكن بقت قريبه لي شديد وعرفت تحتل محله فقلبي وانا بحبها عدييل💛🌻
ومواصفاته قصيره زي يمكن اطول مني بي تلاته ولا اربعه سم😂سمراء سمار كدا بخطف قلبك عيونه نعسانه وحواجبها غزيرة وعندها وجنتين تغطس فيهم وهي عسسسسل لمن بهناك قلت ليها غايتو انت حظو راجلك ما يعرف ينبرش في شنو ويخلي شنو💛🌻
المهم خليكم مني اانا وصحباتي نمشي نتعرف على ناس بيتنا
اولا ابوي عبدالله بكر البيت برضو وعندو اختين اصغر منو اسيا وسعيده والاتنين متزوجات وبي اولادهم يلا ابوي قرا لغايه تالته وما خشى الجامعه عشان جدي كان عيان وماف زول يصرف على البيت قام خلى القرايه وبقى شغال وشال مسؤوليه ابو وامو واخواتو لغايه هسي الحمدلله وربنا فتحها عليو ورزقو من اوسع ابوابه💛🌻
وامي هند اخر العنقود الدلوعه خريجه تربيه لغه انجليزيه اشتغلت فترة وتاني وقفت لي اسباب ح تعرفوها قدام عندها اخوها الكبير اسمو هيثم واختها الفي النص اسمها هاله خالو هيثم مستقر مع مرتو واولادو في اللمارات(ياها الامارات😂)وخالتو هاله ساكنه قريب مننا
يلا نجي لي اختي العسل سناء😍❤
دي اخر العنقود البت دي هاديه بشكل كدا غريب ما مجنونه زي وواعيه شديد حتى اكتر مني البشوفها بقول هي الكبيرة ما انا😂طباخه شاطرة وست بيت على مستوى ما شاء الله لهلوبه ماف حاجه بتغلبا💛🌻بتشبه ماما شديد ما خلت ليها حاجه محل ما نمش بعرفوا بتها حتى طريقه الكلام الزعل الفرح كل شيء في امي اتجسد فيها برلومه بتقرأ محاسبه جامعه النيلين ياداب ليها اسبوعين من نزلت وقالت الرووب وصحي هي جرسه خلاص وجنها بكا اكتر مني🤦♀️
يلا نرجع بعد عرفتو اي شي
اتلفيت بي توبي وجري على بيتنا لما تقشطت امي قالت لي سما انت اتعميتي خلاص قلت ليها كنت مستعجله وما شفتك معليش😂قالت لي الشايل قلبك يتهنى بيو قلت ليها اريتو يجي يااخ زهجت وانا منتظراو🥺قالت لي وربنا ح يكافيك على صبرك دا قلت ليها اللهم العوض الجميل على الصبر الطويل❤
ختيت التوب في الكرسي وشلت تلفوني لقيت ميمي مرسله لي مسج انو اجيها اتخلعت طبعا هسي كنت معاها الحصل شنو يكون ود عمها دا شاكلا بي سببي شلت توبي ومشيت مستعجله وقلقانه كانت في المطبخ قلت ليها في شنو خلعتيني قالت لي انت بتجري مالك هو سألك قلت ليها الموقف محرج🤦♀️قالت لي هو ما اشتغل بالموضوع كتير انت بتركزي مالك قلت ليها كدا دي تاني مرة يشوفني بلبسي الازفت من وشي دا قالت لي ما تختي في بالك انت ما نوعو المفضل ما بعاين للزيك قلت ليها مالي قال ما بت ولا ما بت قالت لي كدي عايني ورا وقدام بتعرفي😂قلت ليها راسك الاعوج دا ما بفكر في غير كدا🙂ضحكت وقالت لي كلمتك عشان ما تفكري في الموضوع زاتو عمرو دا ما بتاع حب اخر يونسك ويطلع ويدخل معاك لكن ما بخت حاجه لي قدام عشان ما تعشمي قلت ليها بسم الله شوف فكرت لي وين انا عرفتو متين لمن تخطرت لي حاجات زي دي واقفلي السيرة احسن ضيقتي اخلاقي😒قالت لي كلمتك عشان ما تقعي وماف زول يسمي عليك المهم اها بكرة عندنا عرس ناس قرايبنا امي قالت ما ماشه وعايزاك تمشي معاي جريت ليها نور لمن قالت بس وقلت هسي خلعتيني عشان كدا😒قالت لي امي بتكون كلمت خالتو هند وانا قلت اوريك عشان تظبطي امورك ح تلبسي شنو وما تقولي لي ما لقيت حاجه وعوارتك دي قلت ليها طيب هو متين وح نمشي بالمواصلات ولا كيف قالت لي عاملنو عشاء في بيتهم وعمرو ح يودينا قلت ليها طيب لما اشوف امي قالت شنو اوعك تقولي ما ماشه كفايه اني مغصوبه عليو ارح عشان تخففي عني🥺قلت ليها حااضر عشان خاطر عيونك اخدنا ونسه كدا ورجعت البيت كان تلفوني بضرب وايه المتصله
ايه:قلبي
-وهيهيهيهيهيهي انا بخجل ما تقولي لي كدا🙈
+تافهه بشكل😂
-من يومي
+المهم عايزة اقول ليك تعاليني يوم السبت عاملين الكرامه بتاعت اسامه
-ما عارفه والله كدا اسال ابوي اول
+ما بقول شي يااخ مالي غريبه ما كتير بجيك وتجيني في البيت
-طيب ان شاء الله بحاول ومروة مش معزومه
+مع انو ما بستلطفها لكن خليها تجي🙂
-حراام عليك والله مروة عسسل
+الكيمياء بيناتنا ما متجانسه بتكوني لاحظتي لي كدا ولمن نكون سوا هي بتحاول تثبت انو انت صحبتها براها وكأني انا ما موجوده عشان كدا ما بنتفق
-حظي وانتو بتتشاكلو فيني😂لكن الا ما يجي يوم احل الخلاف دا وتتفقو
+سمح نشوف وما تنسي يابت منتظراك
-ان شاء الله سمعت صوت اسامه قال ليا بتتكلمي مع منو ردت ليو سما هاك سلم عليها وشويه سمعت صوتو سلم علي وسأل عن حالي وناس البيت وهظر معاي بعد مسافه قفلت منهم لقيت سناء بتعاين لي بالنظره دي😏دا منو البتتكلمي معاو والضحكه للضرس الاخير؟
"يا سر ضحكاتي وأنيس وقتي❤"
💜ابقوا عافيه💜
