"لحظات بِتُ فيها لا أشعر بما حولي، وكأن الوقت تجمد لدي، الثواني ساكنة كما الدقائق، آه يا ولي عرفت السبب؛لقد أُصبت بخدر الحب"
كان ماسك يدي وانا ما قادرة اتحرك ولا عارفه انزل ولا ادخل بس قاعده وهو بعاين لي وانا ما نفسي ازح من جمبو فضلت بتأمل ملامحو وكأنو اول مرة اشوفو عيونو انفو شفايفو انا دُبت عديل🙈تاني رجعت للواقع واتذكرت انو ح يعرس ساره💔زحيت يدو وقلت ليو هه انت عايز تغش علي يعني بهناك بتجهز لي عرسك انت وسارة وهنا تقول لي بحبك لو فاكر انك كدا ح تلعب علي تبقى بتحلم ووديني بيتنا احسن ليك ضرب الدركسيون وقال لي سارة شنو العايز اعرسها قلت ليو اياك تنكر لاني شفتها بي عيوني بتجهز في الحاجات حقت الشيله قال لي سما انت نصيحه بقول ليك انا بحبك وانت ردك ما منطقي خالص لو ما عايزاني ما مشكله قولي لي بصريح العبارة انا ما بحبك ولا عايزاك في حياتي ما تتحججي لي بكلام فارغ وما تفتكري اني ضعيف وح امشي انتحر ما اكذب ح ازعل وانجرح لكن الا ما يجي يوم واتعافى منك لو ما كليا بصورة جزئيه متأكد اني ما ح انساك لكن على الاقل بقدر اتجاوز الحصل قلت ليو انت متخلف انا بعشقك يا انسان من اجي جمبك قلبي بقرب يطلع من مكانو جسمي برجف ويديني ببردو ما بعرف اتكلم قدامك وببقى زي الهبله بطمن وانا معاك مجرد شوفتك بتخليني مبسوطه بخاف عليك اكتر من نفسي وما بحب اشوفك مضايق ولا زعلان وبدعي ليك دايما تكون في أحسن حال انت متخيل لمن عملنا الحادث وافتكرت انك مت اقسم بالله الدنيا ضلمت في وشي ما كنت متخيله حياتي من غيرك ح تكون كيف ولمن شفتك زي الروحي اتردت لي تاني عارفه اني غلطت لمن حضنتك ودي حاجه حرام وربنا ح يحاسبني عليها لكن ما قدرت ابعد نفسي لما لقيتك قدامي وانت كويس حاولت كتير ابعد منك واقنع روحي انو لا يمكن نكون مع بعض وعشان الممنوع مرغوب كل ما اجي ابعد منك خطوة بقرب ليك الف خليك من دا كلو انت عارف انا حسيت بي شنو لمن شفتك مع سارة في العربيه وهي خاته يدها في صدرك كأنو في سكين انغرست في نص قلبي وكل ما اقرب انسى يتعاد لي الموقف في الدقيقه ميه مرة قال لي اقسم ليك بالله انو ما حصل شي انا قلت ليها مليون مرة انا ما بحبك يا سارة ولا تفكري العلاقه دي ح تمشي لي قدام وهي مصرة ما تفهم اعمل ليها شنو ويوم كنا في العربيه سقتها عشان اتفاهم معاها برواق وما اجرح مشاعرها قلت ليها انت اختي وعرضي وبتتحسبي علي انا عارف انو ماف زول بقدر يتحكم في مشاعرو لكن لمن تكون مؤذيه الزول لازم يتراجع ويكسب راحه نفسو حاولت كتير وبذلت مجهود عشان ما اكون ذكرى سيئه في حياتها لكن ما حصل يوم عشمتها اني ح اعرسها وهي عارفه كدا من البدايه قلت ليو طيب انت بتحبني لي عشان تعمل لي نفس العملتو ليها قال لي انا ما عملت ليها شي من البدايه قلت ليها انا ما بتاع حب وعرس عايزة ضحك ونسه وطلعات ونكون اصحاب انا معاك غير كدا يفتح الله وهي وافقت قلت ليو ماف بت بتقدر تتحكم في مشاعرها خصوصا لمن تكون مع واحد عاجبها خلي بتحبو وحاليا ساره بتحبك قال لي وانا ما بحبها كسر رقبه هو قلت ليو ما كسر رقبه لكن برضو لازم تراعي لي مشاعرها قال لي انا وضحت ليها فهمي من البدايه وهي اتهورت قلت ليو وبالنسبه لي حبك دا نبع من وين ولا ناوي تضحك وتتونس معاي وتمشي تشوف غيري قال لي انت بالذات ما بقدر اعمل ليك كدا حاولت كتير لكن ما قدرت اتجاهلك غلبتيني عديل كل ما اطلعك من راسي تاني تشوشي علي محل ما اقبل بوشي بشوفك حتى لو ما انت القدامي اغمض عيوني وبرضو بشوفك لو لقيت طرحه سااي بتذكرك قلت ليو تتذكر لمن قلت ليك انو في حب زي دا وانكرتو قال لي وهسي آمنت بيو معاك❤
