بعد طلعو طوالي امي قعدتني التقول ما صدقت جابو الشوال😂قدر ما حنستها تخلي بكرة حلفت كان تسمع الكلام كنت متجرسه وننا بتضحك فيني قلت ليها راجيك ياكلبه قالت لي وانت قايلاني مابياو كدي هو يجي🙈قلت ليها مششم قليلتدب دي وايه بتقول لي انت عويرة اقعدي ما اديك كف بكرة تبقي ستو😏قلت ليها الواحد بس ولا يتكلم معاكم🙂بعد امي شالت المفراكه حتى قعدت وما كتير زاتو قمت طوالي😂لقيت عمرو ضارب لي رجعت ليو قال لي انا برا تعالي قلت ليو وااي منك ح اجي عشان ما تتهور جازفتها مع ايه وسناء ودفعت ليهم قروش حتى خلوني طلعت🤦♀️قلت ليو اها مالك استعجل عشان امي ما تكشفني قال لي دي ريحه شنو قلت ليو انت عايز تقل ادبك صااح انا نازله😒قال لي اقيفي اقيفي قيسي الدبله اول قستها وكانت واسعه شويه قلت ليو ضيقها سِنه بس عشان ما تقع مني قال لي كويس قلت ليو يلا يلا انا ماشه قال لي احسن عشان ما...قاطعتو اسكت احسن ليك قليلدب دا🙈❤
تخيلو انا صايمه بقعدوني قلت لي امي حرام عليك والله كدا كتير شديد قالت لي والله يا سما تاني تفتحي خشمك دا الا اديك كف غايتو الزول زاتو ما يشتكي في البيت دا😔لكن ادلعت والله ما بغسل عده ولا بنضف💃👏يا حليل سنا اتبلت هي😂وايه كل يومين تلاته بتجيني تقعد معاي وتعمل لي خلطات لي وشي وجسمي وحتى شعري دا بقى زي شعر البنات بي سببها تعبت معاي تعب وهي صايمه بتمشي السوق تجيب الحاجات الناقصاني ما خلت حاجه في الدنيا دي ما سوتها لي ربنا ما يحرمني منها💛🌻
شهر رمضان انتهى بين الحبسه وتجهيزات العرس كانت احلى ايام ياااخ💛واخر رمضان في بيتنا😭كل ما تذكر دموعي بتنزل جوطه امي لمن الصينيه تتأخر وابوي وسبحتو قعدت الحوش ونحن منتظرين الآذان كلها ذكريات ح تفرق معاي😔نضافه بليل والتعب البحصل وامي بتهرج ما ننوم لو ما خلصنا شغلنا وابوي وهو بساهر معانا عشان يركب لينا الستاير ياارب ح اتحمل بعدهم كيف😭يوم العيد الصباح ما كنت نمت كويس وما قدرت اصلا فرحانه انو خلاص ما فضل كتير ونكون مع بعض🙈❤ومستنيه مكالمتو ما نزلت التلفون من يدي والسغيل ما ضرب لي بكون ما فاضي الليله حنتو والعرس تالت يوم العيد لكن معقوله ما قادر يضرب لي والله ما اخليو في حالو الليله الا يطير مني شن قدرو ما يعيد علي قايليني هينه ولا لينه والله كان خليتو تفو في وشي🙂اتمليت منو شديد وقفلت التلفون يصبر لي بأدبو لبست فستاني وسرحت شعري قاعده بعاين لي غرفتنا اخر عيد في بيتنا ووسط اهلي😭ننا جات حضنتني وباركت لي العيد وبكتني معاها قالت لي الحمدلله الغرفه ح تبقى حقتي برا قلت ليها لو عايزة قلبي شيلو مش الغرفه قالت لي يخسي قطعتي طعمجتي انا عايزاك انت وحريقه في الغرفه😭❤وضمتني عليها شديد قالت لي ح تفرقي معاي والله البيت من غيرك ح يكون مسيخ قلت ليها ننا ما تضغطي علي براي ما متحمله هسي اخلي العرس دا ضحكت لي صوت عالي وقالت والله تخلي الا عمرو يرتكب فينا جريمه😂قلت ليها كلامك صااح على فكرة لكن يصبر لي السغيل الكريه ولا ضرب يعايدني قالت لي انت ما تصبري احتمال منتظر لمن تبقي مرتو عشان المعايده يكون ليها طعم قلت ليها انت بس بطلي قلتدبك دي🐸🚶🏻♀️قعدت تضحك مسكتها من يدها وطلعنا برا عيدنا على ماما حضنتنا وباست كل واحد في خدودها الاتنين ودعتنا لي بالكلام السمح الصحه والعافيه والرضى بالحال قلنا ليها وربنا يخليك تاج فوق راسنا قالت لينا ولا يحرمني منكن😍😘ابوي جاء من الصلاه قال لينا السمحات تعالو لي جاي مشينا ليو قال لي امي السمحه دي ما سمعتيها خجلت خجل ونحن شغلناها ليهم شنو يا حاج ما كبرت على الكلام دا قال لي امكن مرتي وحبيبتي لو بقى عمري ميه سنه ح ادلعها قلت ليو ربنا يرزقني راجل زيك هدي ورضي حنين وقلبو طيب قال لي ربنا يرزقك البخاف الله فيك ويراعك ويكون راجل قدر الامانه الاديتو ليها قلت ليو ان شاء الله ياارب🥺ضمانا عليو وبارك لينا العيد وباس كل وحده فينا في جبينها سناء قالت ليو عيديتي وينها قال ليها انت بقيتي كبيرة صرت وشها طلع ليها القروش من جيبو وقال لي ما عايز اشوف وشك دا حزين باستو وقالت ليو طالما انت موجود ماف للحزن طريقه يصل لي بيها قلت ليو وانا حقي وين قالت لي امشي لي راجلك😏ابوي قال لي هووي بتي تاخد عديتها مني بس قالت ليو والله شكلك ح تغير غيرة الحاله لسه ما بقت مرتو بجد😂قلت ليها ابوي ح يكون حبيبي الاول والاخير وما ببدلو😍❤باسني في راسي وزاد لي العيديه سناء قالت لي انت بس اقعدي للحنك دا😒اديتها معاي وقلت ليها ما يغلن عليك😘باستني في خدي وقال لي بحبك قلت ليها وانا كمان بعشق اللحظات البتجمعنا💛🌻
