هروب من الحرمان

البارت الاول

قصة الهروب من الحرمان
للكاتبة حور
❗❗❗❗❗❗❗❗❗❗❗❗❗❗

الموقع البصره
سنه ٢٠١٢

ملاك: لج رونق تخبلتي شوون انهزم من اهلي والله اذا درو يذبحوني

رونق :لعد عاجبج الوضع الي انتي بي وتعامل اهلج وياج حيدمرون حياتج ماعندج غير حل صدكيني

ملاك: والله اخاف شيجيبني لبغداد ترى صعبه الكلام مو مثل الفعل

رونق: معليج اني استقبلج يم كراج ابغداد واجيبج ابيتنه بعد شكو

ملاك: وشتكولين لاهلج

رونق :معليج سهله خليها عليه
الوو
يمعوده
وين صفنتي ليش تتأخرين بل رد

ملاك : بتردد وخوف
وياج هاهيه عليها رح انفذ الي كلتي عليه والله يستر
هسه اني حسده النت لاتجي مرت أبويه مالي خلكها وبليل نحجي

رونق :ماشي حبيبتي انتظرج بليل ونخطط أكثر

ملاك: مع السلامة

رونق : باي

قبل ٣ أشهر !!!!!!!!!!!

اشواق : ملااااااك ملااااااك  وينج
ملاك:ها خاله جنت امسح
اشواق :تعاي ابوج يريدج
ابو ملاك :تعاي بنتي اريد احجي وياج كلمتين
ملاك :كول بابا اسمعك
ابو ملاك:تعرفين الوضع وشغل ماكو وكاعدين اجار واخوتج صغار وزاد المصرف عليه وانتي وراج سادس ويراد مصرف واني ماكدر
ملاك: اي؟؟؟
أبو ملاك : أجلي هل سنه ومنا لسنة التجي الله كريم بلكي الله رازقنه
ملاك: لااااا بابا حباااب كلشي ولا دراستي ابوسك ايدك لاتحرمني من شي الوحيد الي احبه الله يخليك
 
اشواق :كوم ابو سامر وراك شغل معليك بيها اني اقنعها

ملاك :ليش خاله اني بشنو مقصره وياكم حتى تبطلوني

اشواق: اويلي شكد تلحين روحى كملي شغلج لا أقنعه واخلي يزوجج
ملاك: سكتت خفت و رحت لغرفتي أو بل أحرى سجني
طلعت صوره ماما الله يرحمها وكعدت أبجي واشكيلها همومي
شفتي يوووم من رحتي واني مشفت يووم راحه
يارب اخذني وخلصني من هل عيشه يارررب
جنت اتحمل كلشي بس حتى اكمل دراستي وهاي دراستي راحت ع شنوو باقيه

شمس  :ملاك ليش تبجين
ملاك:   تعاي حبيبتي شموسه دابجي ع حظي الزفت شفتي بابا بطلني

شمس: اي اني سمعت ماما كعدت تقنع بابا حتى يبطلج

ملاك :اشش مو كتلج اني بعد لا تسمعين ع عالم بعدج صغيره انتي

شمس :لا مو صغيره عمري ١٠
ملاك : فدوه لاختي الجبيره بس بعد ممنوع تسمعين وتفتنين
شمس :احاول

شمس اختي من أبويه والوحيدة الي مساندتني وتحبني اما اخواني سامر وعمر مو هلكد علاقتي بيهم بالرغم عمرهم صغير بس ميتقربون مني واني هم مكتفيه ب شموسه وأما مرت أبويه تكرهني كره العمى بالرغم ممسويتلها شي بس هيه مسودة عيشتي ومن زمان اني اعرف تريد تبطلني بس عمتي إيمان هيه الي جانت تمنعها وتكول خلوها تكمل حرام عليكم وبابا يحترمها لذلك جان غصبا ماعلييهم ابقى بس من سافرت
استغلت اشواق الوضع وبطلوني