الدكتورة أسيرة الزعيم 🔫👩‍⚕️

الحلقة 12

بعدما لحقت لدارها لبست حوايجها البست جيب نواغ و تريكو مارون مع مونتو طويل طلقت شعرها لبست بيري رفدت صاكها مفاتحها و خرجت .
لحقت للبلاصة قعدت  كموندات كاس جو و بقات تستنى في ميار حتى جات ..
ميار : واش صرالك !!صراتلك حاجة ماكونتيش في الخدمة جوري نعرفك متخبيش عليا!!
جوري: يعني في ميزك انا علاه عيطتلك!باش نحكيلك حلوفة ارواحي سلمي عنقتها و حكاتلها كلش من البا للتا ....
ميار: يعني كونتي م..مخطوفة هكا!!
جوري: حققت حلم الطفولة 😂😂😂وي ماشي مخطوفة كاش نهار شفتي وحدة تتخطف في قصر و واش من قصر قصر ماكس***و زيد تروح الحفلة و يجيبلها اخصائية تجميل و فوق هذا قاع جالي كيك بنييين😭😂
ميار: زعما متجيش دالتي🙂
جوري:😂😂😂
و بقاو يقصرو ابري راحت جوري للسبيطار
احمد: اهووه انا حسبتلي هربتي!
جوري: اه موسيو احمد واشراك
احمد: لابأس
جوري: ايا مالا انا نخليك و راحت للاستعجالات تخدم في خدمتها لي توحشتها .

اما هو لي ماراحتش من بالو ملي خرجت و هي في راسو وين يدور يشوفها و يتفكرها حاول قد ما يقدر ينحيها من راسو و ينساها ولا يلهي روحو باي حاجة و خايف ...خايف يكون صرا واش كان خايف منو يصرا بعد الافكار من راسو و كمل خدمتو

جاز شهر على ابطالنا جوري من الخدمة للدار و من الدار للخدمة و ماكس لي الخدمة زادت عليه و راهو يحوس على البنادم لي خلاه يتعرض لحادث و يفقد الذاكرة تاعو و جوري كل يوم في بالو خاصة كي يزيد يدخل للقصر  يعني بالمختصر روتين.
9:00
خارجة من الصبيطار حتى حبست طونوبيل كحلة كبيرة قدامها مافهمت والو في رمشت عين لقات روحها طايحة في الأرض لانو بسرعة البرق هي كي كانت تحاول تعرف شكون  هادو  خرج راجل و داراها قطعة قماش فيها مخدر و رفدها بعدها مافاقت بوالو....
بعد 3ساعات:
بدات تفتح عينيها غير بشوية حاسة راسها ثقيييل بزاف  شافت في الاطراف لقات روحها في غرفة فيها مجموعة من البنات لي تبكي  و لي ساكتة شاردة معلابالهاش واش راه صاري و لي مغاشية يعني كانو في غرفة مظلامة فيها غير فتحة التاقة لي عالية بزاف لقات روحها في كوينة سيات تنوض حتى طاحت عاودت تقوات على روحها و فطنت حبت تسقسي كاش واحدة من البنات باش تفهم اما حتى واحدة ما راهي في حالة باش تسقسيها عاودت رجعت لبلاصتها ثواني و دخل راجل لابس كلش كحل و داير كاقول في راسو راح رفد طفلة هي تسوغ حتى حطلها مخدر و خرجها بقات على هاد الوضع و هي مافاهما والو ملي راه يصرا حتى تشوف الراجل لي يدي في البنات جاجيهتها حكمها من يدها و هي بدات تصوغ : خلينيييييييي اطلقنييييييي بعد عليااا بقات تسوغ و هي في بالها انو راح يخدرها اما غلقلها عينيها و خرجها داها لغرفة و فتحلها عينيها وشاف فيها ملفوق للتحت وعض شفتو و خرجو خلاها سيات تلقى حل باش تخرج مي مقدرتش فقدت الأمل و راحت قعدت في كوانة و ضمت رجليها لصدرها و حطت رأسها و بدات الدموع تاخد مجراها في وجهها للحظة جاها في راسها  ماكس: زعما لوكان راهو هنا يسلكني! ولا يخليني ليهم! يعني  مام هو مافيا اه نسيت زعيم مافيا مي ماشكيتش يلحق يتاجر بالبنات  .....لوكان... .نن....لالا لالا لالا لااا.....مايديرهاش ....لو كان بكون هو هنا ...لوكان يكون مسؤول على هاد الشي قاع؟!!!!!! مي علاه يديني و هو قالي انو يتمنى ميزيدش يشوفني و لا حتى يهدر معايا.....لوكان يدير فيا السكارة و يخليني نخلص واش درت !!!و هنا تفكرت نهار قاللها: "تخلصيها غالية"..

  تخلطت عليها الافكار ملقاتش فواش تخمم راهي من مصيبة لختها منهار دخل عليها ماكس لحياتها تقلبت 180° ..
يا درا القدر واش راه مخبيلهم !!!!!
   حبيت يكون هاد البارت قصير باش نديرلكم suspens 😈في ميزكم زعما ماكس هو المسؤول و راهو يوفي بوعدو ليها انها تخلصها غالية ولا لالا !!! تعليقاتكم و لي يجيبها نحكيلو الحلقة13 في البريفي🔥🔥🔥❤