منذ الوهله الاولي علمت إنكِ السيدة الاولي والاخيره لقلبي.
….
_فارس! مش هتيجي تشوف بنت عمك مريم شوف حلوة ازاي..
بس هي صغيره قوي يا ماما مش هتعرف تكلمني
_بكره تكبر وتلعبو مع بعض وتكلمك كمان
طب سبيها شويه عايز اشوفها
_طيب بس امسكها كويس عشان متقعش فاهم..
حاضر..
انتي صغيره قوي يا مريم بس متخافيش انا كبير وهبقى جمبك ومش هخلى حد يزعلك ابدا هنبقا صحاب كمان وهخليكي تلعبي بالعجله الجديد بتاعتي وهجبلك شيكولاته كل يوم كمان واي حد يزعلك هضربو.. متخافيش واكبري بقا عشان تعرفي تكلميني..
ها يا فارس شوفتها..
ااه يا ماما خلاص قلتلها كمان سر كبير بيني وبينها.
شكلكو هيبقا بينكو قصه كبيره هتخلو العيلتين يقعو في بعض ربنا يستر
مش هتقع يا ماما متخافيش انا كبير وهمسكها..
ضحكو وبصو علي مريم ..اللي كانت زي الملاك نايم وملوش دعوة بالعالم بتاع الكبار ده..
….
بعد خمس سنين..
مريم مش قلتلك متلعبيش مع الولد اللي اسمو احمد ده!
انا اسفه يا فارس خلاص بس هو اللي جه ولعب معايا ومعرفتش امشيه
مريم بعد كدا تيجي تقوليلي ان في ولد جه يكلمك فاهمه لاما هزعلك بجد ومش هجبلك اي حاجه تاني..
انا اسفه.
طب خدي دي شوكولاته النهارده .. منستهاش..
الله يا فارس ….انا بجد بحبك جدا
…..
بعد خمس سنين…
مريم رايحه فين
رايحه الدرس ..
الساعه كام معاكي؟
تلاته ونص..
والدرس الساعه اربعه صح؟
ايوة
ورايحه بدري نص ساعه ليه؟؟؟
اصل صحابي مستنيني وقالولي هنخرج شويه..
انا قفص جوافه يا مريم ؟
ليه بتقول كدا
مبتعرفنيش كل حاجه ليه
والله مكنش في فرصه اقولك ..انا اسفه.
مفيش خروج يامريم واتفضلي روحي البيت لما الساعه 4تيجي تبقي تروحي الدرس..
روحت البيت وهي بتعيط بسبب زعيق فارس ليها في الشارع ..
في اي يا فارس..؟
شوفت يا عمي ...مريم مقالتليش ليه انها خارجه مع صحابها لولا ان شوفتها صدفه مكنتش اعرف حاجه؟
اهدي يا فارس.. انتا عارف من اول م مريم اتولدت وانتا الاخ والسند لبها وصحاب ومش بتخبي عنك حاجه..بالعكس النهارده قالتلي انها عايزه تعرفك واتصلت بيك في البيت بس انتا مكنتش موجود.. وانا لسا عايش يا فارس ممتش عشان تزعقلها.
انا اسف يا عمي ربنا يخليط لينا.. بس زي مقلت متعودتش منها انها تخبي حاجه عني واعرفها صدفه.. انا اسف واوعدك هصلحها النهارده..
…
الو..
اتفضلي يا ابله البسي عشان خارجين
بجد
يله قبل مرجع في كلامي..
حاضر
…
مراجيح… الله انا بحبها قوي
طب يلا اختاري لعبه عشان نلحف نروح في مكان حلو تاني..
حاضر…
….
احببتكيِ وعاهدت نفسي إنكِ لي وانا لكي....
…..
ها هنروح فين..
في اكتر مكان كنا بنروحو مع بعض واحنا صغيرين
بيت جدتنا..
انا كنت بحبها قوي .. وكانت علطول بتحكلنا قصص ..
فاكره كانت بتقولنا اي..
لا ..
كانت بتقولي يا فارس مريم ملهاش غيرك انتو الاتنين ملكوش غير بعض محدش يسيب التاني عشان هتتعبو جدا .. قالتلي يا فارس خليك سند وظهر ليها مش عليها..
وانا اسف ان زعقتلك النهارده في الشارع..
انا اللي اسفه ان خبيت عليك ..
طب خدي دي شكولاته النهارده...منستهاش
لله يا فارس ..انا بجد بحبك جدا.
نفس جمله كل مره
ايوة
اوعي تغيريها..
……
بعد عشر سنين..
مريم ؟ مش يلا نخرج …
لا طبعا مش هقدر فارس في الشغل ومش هقدر اخرج من غير ميقولي..
يابنتي انتي بقيتي عندك 20سنه يعني خلاص مش محتاجه لفارس عشرن يخاو بالو منك..
لا فارس بالنسبالي حاجات كتير محدش يعرفها غيرنا.. هو اللي يعتبر مربيني وانا مبخبش حاجه عليه..اخرجو انتو ..هو شويه وهيجي ياخدني اصلا ونروح..
شكلك واقعه ..
واقعه ازاي..
بتحبيه يعني..
هو ابن عمي وصحبي واخويا..
وحبيبك..
يمكن.
ضحكت ..ولفت وشها لقتو قصادها..
اي اللي بتعمليه ده؟
فارس..
اه فارس.. شوفتيني عفريت؟
لا مش قصدي بس..
بس اي؟ بتضحكي في الشارع؟
وما شاء الله ضحكتك وصلتلي لاخر الشارع ..
انا؟ والله ضحكت براحه..
امال اللي انا سمعتو دا اي؟
ممكن صحابي..
وانتي بتمشي مع ناس ضحكتهم عاليه ليه..
متافورش يا فارس خلاص..
ماشي اتفضلي قدامي..
متفضلش مضايق كدا خلاص انا اسفه..
كنتو بتضحكو علي اي؟
كانو عيزني اخرج معاهم وقلتلهم مقلتش لفارس وكدا فقالولي اني مش صغيره عشان استازنك تاني..
هو دا اللي ضحكك؟
لا اصلهم بيقولولي اني واقعه وانا مش واقعه خالص فضحكت..
مش واقعه؟
في حبك يعني
يعني انتي موقعتيش؟
لا خالص
طب كويس ..اصل انا عندي خبر حلو عايز اقولهولك.
خير..
انا هروح اخطب واحده الاسبوع الجاي
اي؟
اي!
واحده مين.. وازاي مقولتليش انك تعرف واحده..وامتا اتعرفتو ..وازاي اتفقتو علي كل حاجه وخطوبه كمان.. ازاي متقوليش..
ااهدي..
كل حاجه جت بسرعه ملحقتش اقول لحد..
انا حد؟
لا اتنين..
مبهزرش..
منا قلتلك اهو ..
مش عايزه اعرف حاجه.. ربنا يسعدكو..
رايحه فين..
ملكش دعوة..
…..
مكنش لازم تقولها كدا يا فارس ..
مهي اللي بتقولي مش واقعه ..
ممكن بتهزر
منا بهزر
مهي متعرفش انك بتهزر
خلاص يا ماما بقا هبقا اصالحها بكره..
…..
مريم..
ايوة يا بابا
بصي يابنتي انتي دلوقتي كبرتي ما شاء الله وبقيتي عروسه وفي واحد متقدملك وانا وافقت عليه ..
واحد؟ مين ده.. وازاي توافق يابابا من غير مشوفو حتي او تاخد رائي.
هو كويس ولما تشوفيه هتوفقي عليه كمان..
بس..
مريم خلاص انا خدت معاد معاه وهيجي بكره..
….
اليوم الموعود جه..
الحلوة زعلانه ليه..
ياماما مضايقه ازاي توفقو علي واحد معرفهوش..
طب اقعدي معاه وشوفيه طيب.
وفارس..هيزعل
لا مش هيزعل هو اكيد هيتمنالك الخير
بس ..
يلا العريس بره مش عايزين نتأخر عليه..
خرجت مريم وهي مش شايله عنيها من علي الارض لدرجه مشفتش حتي العريس..
يلا هنسيبكوا تتكلمو..
شكولاته النهارده.. منستهاش.
اي دا..
فارس! بتعمل ايه هنا.
جاي اشوف العريس..
بتهزر؟
لا
طيب.
ها يا ولاد نقرا فاتحه؟
هو فين العريس عشان نقرا فاتحه؟
يا عيني العريس طفش ..ممكن ياعمي ابقا انا العريس ؟
بطلو هزار يلا عشان نقرا فاتحه..
استنو بس..انتا العريس !
ايوة مش قلتلك رايح اخطب واحده..؟
بس مقلتش انها انا
ما انتي قلتي انك مش واقعه..
ايوة مش واقعه
عيني في عينك؟
لا
يعني رفضيني؟
اروح اخطب واحده تانيه؟
انا.. مقلتش كدا.
امال؟
خلاص هكسب فيك ثواب واوافق
يعني وقعتي ولا لسا؟
لسا
خلاص هروح اشوف اللي وقعو انا لسا هستناكي تقعي؟
..انت رخم ليه.. خلاص وقعت.
وانا عمري ما خليكي تقعي انا الكبير وهسندك.
احم..
انتا لسا هنا يا عمي..
امال هناك؟
هنقرا الفاتحة ولا اروح انام..
هنقرا يابابا خلاص احسن يروح يخطب واحده واقعه تانيه..
ما خلاص وقعت في مريم
طب علي بركة الله.
خدي شكولاته النهارده.. منستهاش.
الله يا فارس.. انا بجد بحبك جدا.
وانا حبيتك اكتر..
…..
منذ الوهله الاولى علمتُ إنكِ السيدة الاولى والاخيره لقلبي.
…..
تمت
#فاطمه_مجدي
