3
اخر ربيع
للكاتبه(عشتار) بنت الرافدين
كلتلي امي تزوجين وتسافرين وياه للاردن
شنووووو ؟؟؟؟؟ ا زوج
اني ازوج
باعلى صوتي
امي وجع شبيج جنج ميتلج واحد.
ناس جاي يخطبوج اي اكيد تزوجين .
شبيج مخترعه
يمه انتي شدتحجين شنو ازوج واني استوني كملت مرحله اولى
امي اي كملي هناك منو لأزمج
صدك والله شبيج يمه انتي تصدكين بلرجال وعودهم يكلي اخليج تكملين وتاليتها ينسى كل وعوده
لعد انتي مو تردين تسافرين
اي اريد اسافر
بس مو اصخم وجهي ان شاء الله و
ازوج ومنو كلج اني اصلا بيوم من الايام افكر برجال او ازوج
اني ماحب كل الرجال تلعب نفسي ماكفي هذا ابنج الي عقدني منهم كلهم لو أبويه الله يرحمه إلى عافنه
ومات
صاحت بيه اسيل اشو انتي ماتحترمين شنو تحجين على ابوج هيج
قابل هو بكيفه راح للجبهه واستشهد غير حرب
وظيم
صح مو بكيفه بس جان بكيفه مايجيب اطفال لهاي الدنيا ويعوفوهم ويه مستقبل مجهول تلطم بيهم الدنيا
لاالنه سند.بلدنيا و لاعيشه بيها حظ
وترديني اني اعيد غلطج وازوج واجبيلي دزرن جهال واحتار بيهم
شنو فرقي عن هاي جارتنا الي كل يوم جايبه الهاا طفل
يمه اني عندي طموح واحلام لاتفلشيها واله انتي تردين تزوجين ودكولين خوش قسمه
هاي ساره
وزوجيها اني انسيني ابد مو هذا طريقي
امي ولج يمه ترتاحين وتعشين عيشه زينه تلبسين وطلعين والله خوش قسمه
يمه اطلم على راسي اهج اكولها تلعب من الرجال كولهم
اله واحد.كعد.يمي بلباص اتمنئ اكطع حذائي عليه
دكولي ازوجي
ولج صوتج منا العالم
وصوتج شعلوه
ابتليت حجيت وياج
غير اريد مصلحتج
وكلت خوش، قسمه متتعوض
والمره واكعه علئ رأسها. هي دكولي
فدوه ام احمد لاترديني اريد هاي بنتج.
البيضه
هههههه بيضه لو دجاجه
دكومي ولي كومي
تنكت حضرتها
موليه بس عفيه
.عوفيني ولا تجيبين سيره الزواج لا اليوم ولا بعد ميه سنه بعد هذا الناقصني اني
عمري ١٩ تريد تزوجني
عبالي توسيطلي عد.هاي النسوان الي تجيج بلكي اتوظف اشتغل مكان محترم
لاجابتلي رجال
اوووع
والله طاح حظي حتى حظي
يعني شنو اكول للعالم
كوليهم ماتفيدكم
مو مال زواج.
ماشاء الله عليج هيج ترديني ارد علئ المره
أكولها المره بس ناقصها تتوسل بيها
حتئ اوفق وانتي هيج.
كوليلهم
لعد
لادكوليهم شي اني اروح باجر الصبح واطيح حظهم
ولج تخبلتي ناس طالبينج بحلام وبكل احترام ترحين تتعاركين ويه الناس شنو
اشو انتي ماتحترمين ولسانج ابد مايسكت
لعد سديها من يمج.
والله هذا العندي عفتها وصعدت بلسطح الدنيا
حاره
والمبروده تسوي بوخه وفوكها احترك دمي
واسمعها دكول مخبله ماتعرفين مصلحتج
تاليتج تتندمين خوش قسمه وخوش ولد.كل وحده تتمنا
