(unicode)
သွေး အခန်းထဲတွင် ပိတ်မိနေသည်။ တစ်ယောက်တည်းတော့ မဟုတ်။ သူ့ဘေးတွင် ပိကျိပိကျိလုပ်နေသည့် ငှက်နှစ်ကောင်နှင့်။
အလုပ်က သူ့ကိစ္စတွေကို ရှင်းပေးပါမည်ဟု ရုပ်တည်ကြီးနှင့် မိန့်သွားသော Min ကြောင့် အိပ်ချင်နေသည့်စိတ်တွေသည် ကြက်ပျောက်ငှက်ပျောက်။ Min ကို မယုံတာတော့ မဟုတ်ပေမယ့် အကောင်တွေကလွဲလို့ ဘာမှစိတ်မဝင်စားသည့် တိရစ္ဆာန်ဆေးကုဆရာဝန်လေးက Drug Lord တစ်ဦး၏ ပြဿနာကို ကိုင်တွယ်မည်ဆိုတော့ အနည်းနှင့်အများတော့ မျက်ခုံးလှုပ်ရသည်။
ပြီးနောက် ဒီတစ်ခါ ငြိသည့်လူက Mr.James ။ အမေရိကန်၏ ထိပ်တန်း စားသောက်လုပ်ငန်းပိုင်ရှင်။ နောက်ကွယ်တွင် သွေးဆီမှ ပစ္စည်းယူကာ သူ့ပတ်ဝန်းကျင်က တခြားလုပ်ငန်းရှင်များကို တစ်ဆင့်ရောင်းသော Drug Dealer ဆိုလည်း မမှား။ သွေးဆီမှ တစ်ဆင့်ပြန်ဝယ်ရပေမယ့် သူ့ဝင်ငွေကလည်း မသေးပေ။ တစ်ခါတစ်ခါ အစပ်ကောင်းလျှင် အရင်းထက် အမြတ်က အဆများစွာ ပိုလျှံနေသေး၏။
သို့ပေမယ့် ပိုက်ဆံရသလောက် အလုပ်ဟာ အင်မတန်မှ ခေါင်းခြောက်ဖို့ကောင်းသည်။ လှည့်ကွက်တွေဟာလည်း အများကြီး။
လူတိုင်းနားလည်အောင် ဥပမာပေးရလျှင် စတော်ဘယ်ရီဖျော်ရည်တစ်ခွက်ရှိသည် ဆိုပါစို့။ အဲဒီစတော်ဘယ်ရီဖျော်ရည်၏ 100% လုံးဟာ စတော်ဘယ်ရီသီးစစ်စစ်ကို စက်ထဲထည့်ကြိတ်လို့ တခြားဘာဆိုဘာမှမရောဘဲ ထုတ်လုပ်ထားတာ ဖြစ်နိုင်သည်။ သို့မဟုတ် စတော်ဘယ်ရီသီး 30% နှင့် စတော်ဘယ်ရီပေါင်ဒါ 70% စပ်ထားတာလည်းဖြစ်နိုင်သည်။ သို့တည်းမဟုတ် စတော်ဘယ်ရီသီး 30% ၊ စတော်ဘယ်ရီပေါင်ဒါ 30% နှင့် သကြား 40% ရောထားတာလည်း ဖြစ်နိုင်၏။
ဆိုတော့ ဘာကွာပါသနည်း။ ပထမသည် အရသာပဲပေါ့။ စတော်ဘယ်ရီသီးဟာ ချဉ်ပြုံးပြုံး စတော်ဘယ်ရီအရသာကိုပဲ ပေးစွမ်းနိုင်ပါရဲ့။ စတော်ဘယ်ရီပေါင်ဒါဟာတော့ artificial ဖြစ်၍ အရောင်ပိုလှသလို အရသာလည်း ပိုလေးမည်ထင်သည်။ သကြားပါထည့်တော့ ချိုချိုလေးနှင့် သောက်လို့ကောင်းမှကောင်း။ ထပ်ထည့်သည့်ပစ္စည်းအလိုက် အရသာနှင့် စျေးနှုန်းက အတက်အကျရှိသွားမည်။
YOU ARE READING
Blood of MIN
Action"A Submissive is so often a strong person looking for someone stronger. He is not weak. He just enjoys it." -Anonymous ❗️This story is written in Myanmar❗️
