I'm a Chef in the Modern Era [Myanmar Translation]
Daftar isi

    KAMU SEDANG MEMBACA

    I'm a Chef in the Modern Era [Myanmar Translation]

    Fantasi

    Name 我在现代做厨子[美食] Wǒ zài xiàndài zuò cr húzi [měishí] Author(s) 桃子苏 (Táozi sū) Translator(s) Exiled Rebels Scanlations Chapter 125chapters(118chapters+7extras) Status in COO Completed Myanmar Translation start date 6.4.2020

    #chef #comedy #food #modern #shounenai #transmigration

    Chapter - 63

    4.1K 851 19 
                                        
    
                                              
    Unicode
    
                          
    တရုတ်ကန်စွန်းဥနဲ့ဘဲသားစွပ်ပြုတ်
    _________________
    
                          
    တကယ်တော့ အဖိုးအိုယန်က လိင်တူကြိုက်တာကို လက်မခံနိုင်တာမဟုတ်ပါချေ။ လင်ရှုယီနဲ့ရှန်ဖူက သူနဲ့နေ့ရောညပါအတူရှိနေတဲ့လူ‌တွေဖြစ်နေခြင်းကြောင့်သာဖြစ်၏။ သူတို့နှစ်ယောက်လုံးက လူကောင်းလေးတွေဖြစ်ပြီး သူကလည်း ခုနစ်ဆယ့်ရှစ်နှစ်ရှိနေပြီမို့ အနည်းဆုံးတော့ လူတစ်ယောက်က ဘယ်လိုလူမျိုးဆိုတာတော့ သူပြောနိုင်ပေသည်။ ရှန်ဖူက နည်းနည်းလေးသီးသန့်ဆန်ပြီး ချမ်းသာတဲ့မိသားစုရဲ့အချစ်ခံသခင်လေးဆိုပေမယ့် သူ့က လူချမ်းသာသခင်လေးတွေ မကြာခဏလုပ်တတ်တဲ့အကျင့်ဆိုးမျိုးတွေလည်း မလုပ်တတ်ပေ။ သူက အဖိုးအိုယန်ကိုတောင် ဒီလိုဆက်ဆံတတ်တာမို့ လင်ရှုယီကိုတော့ သေချာပေါက် ဒီ့ထက်ပိုဆိုးပြီးဆက်ဆံမှာမဟုတ်ချေ။
    
                          
    လင်ရှုယီအကြောင်းပြောဖို့က လိုပင်မလိုပါပေ။ သူ့မျက်ခုံးတွေက လုံးဝဖြောင့်တန်းနေပြီး တွန့်ကုပ်ရှုပ်‌ထွေးနေခြင်းမျိုးလုံးဝမရှိပေ။ တစ်ယောက်တည်းကြီးပြင်းလာရတဲ့သူတွေက ဇွတ်တရွတ်နိုင်ပြီးခေါင်းမာတတ်ကြကာ သူတို့ယုံကြည်ရာကို သေတောင်ပြောင်းလဲဖို့ဆန္ဒမရှိကြချေ။ လင်ရှုယီက စိတ်ထားကောင်း‌ပုံရသော်လည်း သူက ခေါင်းအမာဆုံးသောသူလည်းဖြစ်သေး၏။
    
                          
    ဒါကြောင့် သူ ဒါကိုလက်ခံနိုင်တယ်၊ လက်မခံနိုင်ဘူးဆိုတာက ကိစ္စမရှိပေ။ အဆုံးမှာ ဒီနှစ်ယောက်က အတူတူရှိနေကြဦးမည်သာဖြစ်သည်။
    
                          
    သူက သူတို့ရဲ့အဖိုးအရင်းလိုဆက်ဆံတတ်ကြတဲ့ကလေးနှစ်ယောက်ကို သူ့ရဲ့အခြေအမြစ်မရှိတဲ့အစွဲအလန်းလေးအတွက်ကြောင့်နဲ့တော့ သူ မဆုံးရှုံးချင်ပေ။ ဒါ့အပြင် ရှန်ဖူက အဖိုးအိုယန်ရှေ့မှာပင် အမြဲလိုလို လင်ရှုယီကို အင်မတန်ရင်းနှီးစွာဆက်ဆံ၏။ အဲ့တုန်းကတော့ သူတို့က ညီအစ်ကိုတွေမို့လို့ သူတွေးခဲ့မိပေမယ့် အခု ပြန်တွေးမိပြန်တော့ ရှန်ဖူက လင်ရှုယီအပေါ် ဟိုးအကြာကြီးတည်းက ခံစားချက်တွေရှိနေတာဖြစ်လောက်သည်။ အဲ့လိုတွေးလိုက်မိပြီးတော့ တကယ်တမ်းမှာ သူတို့ကိစ္စကို လက်မခံနိုင်စရာရယ်လို့ ဘာမှမရှိတော့ချေ။ တခြားသူတွေဆို မရနိုင်လောက်ပေမယ့် သူတို့နှစ်ယောက်ဆိုရင်တော့ – သူ လက်ခံနိုင်တယ်လို့ အဖိုးအိုယန် ခံစားလိုက်ရသည်။
    I'm a Chef in the Modern Era [Myanmar Translation]Tempat cerita menjadi hidup. Temukan sekarang