PASILIP || My Possesive Alkalde
Si Hyesari Italla, isang mayuming, nakakaakit at may angking kabutihan na diwata mula sa dinastiyang Italla na kinabibilangan niya. Hari ang kaniyang ama at ang kinakasama nitong Si Isabela bilang pangalawang ina. Isang diwata na natuto ng wika, kaalaman, edukasyon, kabuhayan at kulturang meron ang mga mortal. Kasabay ng kaniyang pagkatuto bilang isang diwata ay natutunan niya rin at nakabisa ang pagiging mortal. Palagi nitong pinapanood ang mga kaganapan sa ibang mundo gamit ang kumikinang na lawa. Nagkukuwento rin ang ama sa kaniya tungkol sa mga bagay na ito at hindi ipinagdamot sa anak ang kasiyahang matuklasan ang mga ito. Naiiba siya sa mga diwata sapagkat ang kaniyang pananalita't pag-iisip pati pagkilos ay katulad ng isang mortal. Isang diwatang nangangarap na makayapak sa mundo ng mga tao at makapamasyal o makapaglibot. Iyon lamang ang pinapangarap ng dalagitang diwata.
Ngunit sa di-inaasahang pagkakataon ay matutupad ang kaniyang pinapangarap sa maling panahon at hindi wastong sitwasyon at pagkakataon.
Sa pagkarating niya sa mundo ng mga tao'y doon siya'y makikisalamuha bilang isang tao at ililihim ang kaniyang tunay na pagkakakilanlan. Matututo siyang mamuhay sa mga nakasanayan at nakagawian ng mga mortal at maghihintay na muling magbukas ang lagusan kung saan siya nababagay at dapat na nananahan.
Ang mundo ng mga tao ay hindi para sa kaniya ngunit wala siyang magagawa kung iyon ang nakatadhana. Kailangan niya pa ring magpatuloy sa buhay at makiangkop sa mga mortal habang hindi pa nagbubukas ang lagusan upang makabalik siya sa kaniyang pinanggalingan.
Payapa na sana ang magiging buhay niya nang makilala niya si Machiavelli Eclesiastes. Pinakabatang alkalde na namumuno sa kinatitirikan niya. Isang alkaldeng ganap na tuso, mapaglinlang, may natatagong poot at mabangis na tao. Makakaengkwentro niya ang alkaldeng makapagpapabago sa payapang buhay na meron siya.
Magagawa niya pa kayang makabalik sa kaniyang tunay na mundo? Ano ang magiging papel ng isang Machiavelli Eclesiates sa isang naligaw na diwatang si Hyesari Italla?
Tunghayan natin ang istorya ni Hyesari Italla, isang diwatang napadpad sa mundo ng mga tao at ang malaking gampanin ni Machiavelli Eclesiastes sa buhay niya.
Facebook: Sydney Jemina Estrella
Instagram: @sydnystater
Wattpad: Royaljna
Facebook Page: •RoYaLJna Stories•
Facebook Group: RoYaLista
BINABASA MO ANG
My Possessive Alkalde [COMPLETED]
Fantasía"Binigay ko sa'yo ang tiwala ko, yong buong pagmamahal ko kasi akala ko gano'n ka rin sa'kin! pati virginity ko, buong pagkatao kong sinuko sa'yo ang sarili ko! Kaya wala kang karapatang sumbatan ako na binigay mo lahat sa'kin dahil hindi ikaw ang n...
![My Possessive Alkalde [COMPLETED]](https://img.wattpad.com/cover/241241975-64-k505519.jpg)