အနက်ရောင် ကောင်းကင် (Unicode)

Part (26)

အနက်ရောင် ကောင်းကင်

🌸pann

Part (26)

ဟန်နေ အတန်းထဲမှာထိုင်နေလည်း စိတ်လုံးဝမပါ.. ဆရာစာသင်ပြနေတာကို ဘယ်လိုမှအာရုံစိုက်လို့မရ ။

" ဟန်နေ.. မင်းကလည်း ငေါင်လိုက်တာကွာ တက်တက်ကြွကြွနေစမ်းပါ "

ဆရာစာသင်နေလို့ မင်းစိုးက ဟန်နေနားကပ်ပြီး တီးတိုးလေး သတိပေးရသည်..

ဒီကောင် ဆရာစာသင်နေတာတောင် အသက်မဲ့နေတဲ့သူလို ငိုင်ပြီး ရေခဲကျောက်တောင်ကြီးလို အေးတိအေးစက်နဲ့.. အကြည့်တွေက ကြမ်းပြင်ကိုပဲ ငေးစိုက်ကြည့်နေတာက ဝိဉာဉ်လွင့်နေသူလို ဖြစ်နေတာ.. ။

သူကဒီလိုကြီး အာရုံမရတဲ့သူလို စာသင်ခန်းမှာလာထိုင်နေတော့ ဆရာကစာသင်ရင်းဒီကောင့်ကို လှမ်းလှမ်းကြည့်နေတာ.. သတိထားမိတဲ့ကိုယ်က ဒီကောင့်နားကပ်ပြီး တီးတိုးကပ်သတိပေးရသည်..

" ဟန်နေ.. မင်းကို ဆရာကြည့်နေပြီ နည်းနည်းပါးပါး အာရုံလေးကပ်အုံး "

ဆရာက လှမ်းကြည့်နေတယ်ကြားတော့ ဟန်နေဆရာ့ကိုလှမ်းကြည့်လိုက်ပါသည်.. ကိုယ်လှမ်းကြည့်တဲ့ချိန် ဆရာကလည်းကြည့်နေတော့ အကြည့်ချင်းဆုံသွားရပြီ.. ဟန်နေ အမြန်လေး အကြည့်ရုတ်သိမ်းလိုက်ရသည်.. ။

ဟူး... မင်းကြောင့် ကိုယ်အာရုံစုစည်းမရတော့ဘူး မယ် ။

ဟန်နေ စိတ်ကိုဘယ်လိုပဲ စာသင်ခန်းမှာပဲနှစ်နှစ် မရ.. အာရုံတွေ အားလုံး မယ့်ဆီကိုပဲရောက်ရောက်သွားတတ်သည်..

ကိုယ့်ကိုယ်ကိုယ်တောင် မသိလိုက်ခင် ရိုးမယ်ကို ဒီလောက်ချစ်သွားခဲ့နေပြီလား.. ။

.

" လာစမ်းပါကွာ မင်းကလည်း.. "

မင်းစိုး ဟန်နေကိုဆွဲခေါ်နေရသည်.. အတန်းထဲထိုင်နေတော့လည်း အာရုံကပ်နေတာမှ မဟုတ်တာ ။

စိတ်အပြောင်းလဲဖြစ်အောင် စာသင်ခန်းထဲကနေ ကန်တင်းဘက် ဆွဲထုတ်ခေါ်လာခဲ့လိုက်သည်..

" ကဲ.. ထိုင်စမ်းပါ မျောက်အိုနာကြီးအတိုင်း မနေစမ်းပါနဲ့ မင်းနဲ့မလိုက်လိုက်တာ "