အနက်ရောင် ကောင်းကင်
🌸pann
Part (34)
ဒီနေ့ ကိုယ်တွေသားအမိက အိမ်ပြန်ရောက်နေကြပေမယ့် အဖေ အိမ်မလာသေးသလို ရိုးမယ်ဘွဲ့ကလည်း ပြန်မလာသေးပါ..။
ဘယ်မှာ ဘာတွေများလုပ်နေကြတာလဲ ။
ကောင်းရန်နိုင်ရှင်း အမေ့ကိုသေချာဂရုစိုက်ပေးနေလိုက် အဖေနဲ့ရိုးမယ် ပြန်အလာကိုလည်းမျှော်နေရနဲ့ တစ်ယောက်ထဲ အားတယ်ကိုမရှိဘူး.. ။
ရိုးမယ်ဘွဲ့က ကျောင်းကိုလည်း မရောက်လာဘဲပျောက်ချက်သား ကောင်းနေတယ်လို့ဟန်နေလာပြောထားတယ်.. ရိုးမယ်ဘွဲ့က ဘာလို့ကျောင်းမတက်ရတာလဲ ။
စဉ်းစားလေ အဖြေနဲ့ဝေးလေ.. အဖြေကောင်းတစ်ခုမှမထွက် ။
" ကျွီ.. "
ကားရပ်သံကြားလိုက်ရတော့ ဧည့်ခန်းမှာထိုင်နေရင်း ခါးလေးမတ်သွားမိသည်.. ။
အဖေများလား.. ။
အိမ်တံခါးဝဆီကို ခါးလေးနည်းနည်းကိုင်းပြီး လှမ်းချောင်းကြည့်လိုက်ပါသည်.. တကယ်ပဲ အဖေရောက်လာတာပါလား ။
ကောင်းရန်နိုင်ရှင်း ကိုယ်ကိုပြန်မတ်ကာဟန်မပျက်နေရင်း ရှေ့စားပွဲပေါ်တင်ထားတဲ့ ဖုန်းကို အမြန်ယူကြည့်ပြီး ခပ်တည်တည် နေနေလိုက်သည်.. ။
" ဟူး... "
အိမ်တံခါးဝမှာ အဖေ့ရဲ့သက်ပြင်းချသံနဲ့အတူ လေမှုတ်ထုတ်လိုက်တဲ့အသံက ကျွန်တော် ကောင်းကောင်းကြားရလောက်အောင် ကျယ်ပါသည်..။
အိမ်ပြန်လာရတာ အဲ့လောက်တောင် စိတ်ပျက်နေပြီလား အဖေ.. ကျွန်တော်နဲ့အမေ ရှိတဲ့အိမ်က အဖေ့အတွက် အပန်းမဖြေနိုင်တဲ့ အ်ိမ်ဖြစ်ခဲ့ပြီလား ။
ညရှစ်နာရီခွဲမှ အိမ်ကို ရောက်လာတဲ့အဖေကို ကျွန်တော်ဝမ်းပန်းတသာနဲ့ ကြိုဆိုပေးသင့်လားမသိတော့ပါ.. အိမ်ကိုပြန်လာတာတောင် ပျော်ရွှင်မှုပျောက်နေတဲ့ အဖေ့ကို ကျွန်တော်ဘယ်လိုစိတ်ထည့်ပြီး နှုတ်ဆက်ကြိုဆိုရတော့မှာလဲ ။
အဖေပြန်လာလည်း ထဆီးကြိုမနှုတ်ဆက်ဘဲ ရှိနေတဲ့နေရာမှာပဲ မသိကျိုးယောင်ဆောင်ကာ ဆက်ထိုင်နေလိုက်သည်.. ။
VOCÊ ESTÁ LENDO
အနက်ရောင် ကောင်းကင် (Unicode)
Romance" ငါ့အိမ်ထဲကို နင်ကဘာလို့ဝင်လာတာလဲ..ထွက်သွားစမ်း " " ငါ နင်နဲ့နင့်အမေကို အရမ်းမုန်းတယ်.. နင်တို့ကြောင့် ငါ့အမေ နေမကောင်း ဖြစ်ရတာ " ငါ့အိမ်မှာ နေဖို့လာတဲ့နင့်ကို ငါက ကောင်းကောင်း နေခွင့်ပေးမယ် ထင်နေလား.. ထိုင်ဆုတောင်းနေလိုက် ။ . " မင်းက နာတတ်တယ်လား...
