ورغم كل هذا.. أحبك ❤️

البارت الاول ❤️

ورغم كل هذا.. أحبك ❤️
البارت الاول❤️
انا آدا عندي ١٨ سنه اولى جامعه يوم ما قررت احب احب واحد أكبر مني ب٨ سنين معضله كبيره انا مش قدها انا اتفه من كده بكتير
_اخواني انا قررت افشكل معاه خلاص
@ آدا حبيبتي هو ميعرفش انك عايشه اصلا فوقي يا ماما
# والنبي ما حد هيجبلي جلطه غيركم
_مهو انتم لازم تلاقو معايا حل ألفت انتباهه بيه
@ روحي قوليله بحبك وافضحينا يلا
# يا آدا انتي عارفه ده عنده كام سنه
_ ايوه هيتم ٢٦ قريب
@ يختاااااي بتحبي واحد الفرق بينك وبينه ٨ سنين يا قادره
_ لو سمحت مسمحلكيش الفرق بينا ٧ سنين ٨ شهور
# ده انتي امك هتتبري منك في العمله دي
_سيد عيب متقولش كده احنا اهل
@ تمام عاوزين نتنيل نلفت انتباهه
_مهو ازاي
# انتي بتشوفيه فين بالظبط
_وسط البلد
@ هتنزلي هناك تاني امتي
_انا بنزل كل يوم عشان اشوفه وهو مروح من الشغل
# الصبر يارب طب عاوزين نلفت انتباهه
_بسسسسس انا عرفت الحل
@  ها ابهريني
_نخطفه
@ اقسم بالله انا تربية زرايب اني بساعدك اصلا يلا يا هبله من هنا
_الله وانا مالي يا لمبي
# انتي بتقولي انه بيركب المترو لغاية البيت ممكن نركب معاه في نفس المترو وياحبذا لو نفس العربيه كمان مهو مفيش عربيه رجاله بس
@ انتي كده ناويالنا ع تحرش وش!
_ تحرش.. تحرش المهم نلفت انتباهه
@ تصدقي دماغك دي فله
_ليه
@ انا هكلم محمد اخويا هو أصغر مننا بس نينجا
# وتخليه يمثل انه بيتحمرش بينا
_أو بيعاكسنا
@ وات ايڨر بقا
_فنلفت انتباهه
@ ويساعدنا ويقع في شباك حبك
_فيلم عربي قديم وبايخ
# الله نعملك ايه يا بنتي
_ انا قايمه اروح انا اتأخرت
@ طيب يا اختي خلي بالك من نفسك
_حاضر وانتم كمان
قمت جريت ع المترو نزلت في محطة جمال عبد الناصر أقرب محطه لشغله
لقيته نازل من الشغل في معاده مظبوط بس ايه ده مش رايح على المترو ده بيتمشي ده رايح على بياعين الكتب الله ده جه في ملعبي
روحت وراه حاولت اسبقه شويه لغاية اما وصلنا لبياع كتب
بدأ يقلب في الكتب
=بكام الكتاب ده
*ب٥٠ يا ابني
=طب وده
*٧٠
_لو سمحت يا عمو ممكن تقولي سلسلة نادر فوده دي بكام
*ب٢٥٠
_افندم
*هو ده السعر الكتاب ب٥٠ وهم خمس كتب يبقا ٢٥٠
_طيب يا عمو متشكره
=يا انسه
احيه ده صوته قمر واكاد من فرط الجمال اذوب كده ❤️
_ايوه افندم
=لو حضرتك مش عاوزه تشتري الكتب عشان مش معاكي فلوس تقضي ممكن اسلفك
_حضرتك تعرفني؟
=لا
_ضامن نتقابل تاني
=برده لا
_يبقا مش ممكن اخد من حضرتك فلوس وانا معايا فلوس الحمد لله اكتر من اللي هو عاوزه بس انا هروح سور الازبكيه اجيب منه وهجيب أرخص واكتر وحلوه وبسمسم
=طب تسمحيلي اتمشى معاكي لغاية هناك وتشتري الكتب سواه
_بس انا معرفكش عشان انا اتمشى معاك
=سهله اهي اعرفك بنفسي
_اتفضل
=انا عمر عندي ٢٦ شغال مهندس زراعي في شركه
كنت عاوزه اقوله انت لسه هتم ال٢٦ بس اتكسفت هيقولي عرفتي منين هقوله سألت الساعي عليك!
=سكتي ليه مش هتعرفيني بنفسك
_احم اسفه انا آدا عندي ١٨ سنه في أولى هندسة
=يا صغننه يعني صغننه وقصيره
_حضرتك اللي كبير  وطويل
=الطول هيبه والقصر بلاش اكمل
ابتسمت بكسوف هو قمر اوي ليه كده ايه الطول ده كله حاسب يا عم حاسه نفسي محتاجه أقف ع كرسي عشان اوصل لكتفك
والعروق اللي في ايده والله احتضنها في وسط الشارع ولا يهمني طب البسمه الجميله دي في منها طب الملامح الحلوه دي في منها جماعه انا لو اتجوزته أدى دقني أن سيبته ينزل من البيت الواد حليوه أوي يا جدعان
=اممممم سرحتي في ايه
_فيك
=ايه!
_ايه!!
#يتبع