RASHIN SIRRU (sharrin abokai)

EPISODE 11

🌐 _*🇭ιĸιмaн 🇼rιтer'ѕ 🇦ѕѕocιaтιon*_
🌐( _*Kυngιya Daya Taмĸar Dυвυ*_)
Hikmahwritersassociation2019@gmail.com

loadιng...........✍🏻

🌐 *RASHIN SIRRU*
(Sharrin Abokai)

Alk'alamin
JANNA JAY
Wattpad @jannahjay8

Marubuciyar
A dalilin su
Faccala tace
Kuduri ko Manufa
Namijin Kishi

Shafi na Goma sha d'aya

Tunda Zainab ta tashi walwalarta ba sosai ba har sai da Sulaiman ya tambayeta ta nuna masa bakomai, don kar ya gane ta k'irkiri walwalar dole hakan yasa ya share tambayar, sai dai a k'asan zuciyar ta tunani ne fal a ranta, amma da wa zata tattauna irin wannan abun? Babu don abune mai cike da sark'ak'iya a salima bai fiya faruwa ba, haka ta daure ta ajiyeshi a ranta, a ranar ne taje ta yini gidan Gwaggon Sulaiman sannan ta shiga wajan mak'otanta dubiya.

Yau Fadila ta tashi da matsanancin ciwo tun tana daurewa har ta shiga yarfa hannu tana hawaye, kanwarta Mardiyya dake daki tana kwalliya ta fito da niyyar tambayar fadila wani jambaki kawai taganta ba a yanda take ba, take jikinta ya shiga rawa ta kasa me zatayi cikin ikon Allah sai ciwon ya lafa ta kirata cikin murya k'asa-k'asa tace " D'auki wayata ki kira Ishaq zai sa azo a kaimu asibiti" hakan Mardiyya tayi a gigice Ishaq yace dama yakusa shigowa amma zaisa Lawal yazo, kafin kace me yazo don dama basu da nisa sosai kafin zuwansa Mardiyya ta fito da k'aramin luggage da suka tsara komi na shirin haihuwa, dak'yar Fadila takai kanta mota sai asibiti. An dad'e kafin ta sauka kalmar shahada ta fad'eta ba adadi banda ruwan hawaye da ya zuba a idonta, Baba Sabuwa sai zarya take haka Ishaq duk ya fad'a don fargaba, sai da ta share awanni biyar sannan aka kawo musu Baby k'ato namiji, hamdala sukayi tayi sannan an sanar musu mai jegon ma lafiyarta lou ba matsala, hakan yasa suka kasance cikin farin ciki.

Bayan sun koma gida an kintsa Fadila ta tura a group ta sauka, tana posting Mardiyya na mata dariya kasa-kasa sanin ta fada musu tana nak'uda dake tun fara jin ciwon ta fada wa Maman Hanan a waya, don itace tace mata alamun nakuda bayan taji yanda take ji a lokacin sukarta a kai, da bala'in yayi yawa wayarma fadawa tayi kasan gado. Duk wani abu da ake buk'ata Ishaq ya wadatasu duk wani kaya da akeso maijego take ci ko sha ya diresu, hatta Baba Sabuwa sai da ta jinjina masa, ita kuwa Fadila yanda kasan kanta ya fad'o dan girma, kawarta Zubaida tuni tazo a ranar, amma tana zuwa ta tarar da Maman Hanan sai aiki take a kitchen tana gyara kayan da ya kawo a freezer, kama bakinta tayi saboda Fadila bata sanar mata ba daga gidansu ne aka mata aike. Haka kurum taji ba dad'i a ranta amma ta kanne ta dauki Babyn tana yaba girmansa da kyansa murmushi Fadila take tana cewa " Hmnn amma kuwa nasha bak'ar wuya, na d'auka mutuwa zanyi" murmushi Zubaida tayi tace " Mutum akace kinga kuwa ai ba'a sameshi a b'agas ba. Alhamdulillah kin sauka lafiya" tace " Hakane" Zubaida tace " Amma Ishaq ya kada ke don ba inda ga baroshi" Maman Hanan tace " Uhunmm lallai Zubaida kinsan Ishaq haka, harda cewa ba inda ya baroshi" Fadila tace " K'warai tasanshi kinsan yanda muka tashi tare kusan duk zancena tare muke zuwa, balle ai tana yin Ishaq sosai " Maman Hanan tawa Fadila wani kallo " Uhunm gaskiyane, haka Allah yake al'amarinsa, koda yake dai komai yana iya juyewa don mutum ai ba abunda ya kaishi sauyawa" Fadila bata dago me Maman Hanan keson cewa ba amma ita Zubaida ta harbo abunda take so tayi don haka taji ranta ya b'aci , gudun kar Fadila ta zargi wani abune yasa ta kanne ta cigaba da zama amma ana jimawa kad'an ta tafi zuciyarta b'ace da wasu tunani kan.

Bayan tafiyar Maman Hanan da kwana biyu sai gata tazo anan taja Fadila ta mata hud'uba. A lokacin sun tasa kwano suna shan farfesun zabuwa gefe ga damun nono da yasha zuma, kwakwa da ayaba Maman Hanan ta kurb'i nonon ta had'iye tare da lumshe ido tace " Fadila rannan ina miki alama amma na lura sam baki gane ba, akan kawarki wai shin ke bakisan duniya abubuwa sun sauyaba karkiga kawarkice ta k'uruciya, ki dubi yalwa da dukiyar da Allah ya wa mijinki, mace nawa ce bata kaiki ba, shine zaki bari wata take wani shiri da mijinki kuma zabgegiyar budurwa wadda ta fiki wayo da sanin kan duniya, to wallahi kina zaune tsaf zata aure miki miji" kama hab'a Fadila tayi tace " Haba ina Zubaida bazata min haka ba, itafa sam k'yalek'yalen duniya bai dameta ba, tana da wanda zata aura naga ranar munyi maganar dake" Maman Hanan tace "Tab' amma baki da wayo ke bakiji labaran k'awayen da suka aure mijin k'awarsu ba Zauna nan kigani, badai taga shiru-shiru batayi aureba, to da zai taya yarda zatayi" Fadila dai tayi sukuti ta shiga karamin rud'ani zuciyar ta ta kasa yarda kuma ta kasa musawa, ganin hakan Maman Hanan ta shiga buga mata misalai da son nuna mata lallai sai tayi baya-baya da Zubaida.

****** *********
Tsaye take tana faman fito da kaya daga closet saboda Sulaiman zaiyi tafiya zuwa Lagos na tsawon sati, bayan ta gama gyara komai ta tabbatar duk abunda zai buk'ata ta zuba ta kalli kan gado inda Sulaiman ke zaune yana danne-danne a system tace " Baby za'a saka wani takalmin ne baya na ciki?" kallonta yayi yaga duk ta nuna bata jin dad'i shi kansa yana jin ba dad'i especially saboda shigowar gardi gidan yasa kwata-kwata baison nesa da ita, yasan yanzun ma da abun aranta dik da akwai mai gadi amma komi na iya faruwa. Idonsa na kanta yana nazarinta don haka ya tashi ya isa gareta ya rungumeta yana mata kalaman rarrashi take zuciyarta ta karye tasa hannunta ta kankameshi tana sheshshekar kuka " Ya isa Baby karkisa na karaya na zaci in na tafi bazan dawo ba, ki kwantar da hankalinki ba abunda zai faru, sannan zansa a dinga zuwa ana tayaki zama Fa'iza zata zo gobe don take tayaki zama, please ki kwantar da Hankalinki" gyada kai tayi tana k'ok'arin maida hawayenta, ranar haka suka kwanta sukuku baya ita don abunda ya farune ya dawo mata dal a zuciyarta, ita yawon bincike da karatun nan nasa yana damunta.

Ranar kuwa da zai tafi sai da ta daure ta b'oye masa damuwarta, bai dad'e da tafiya ba Faiza tazo mata 'yar uwarsu ce daga funtuwa amma tayi kwana biyu gidan gwaggo Laraba, zama da Faiza ya d'auke mata kewa matuk'a don yarinyar akwai hira da labarai, kafin dare tuni sunyi waya takai biyar, k'arfe takwas kuwa sai ga Hamza ya jima a falon gidan yana uzurinsa har saida suka kwanta kafin sha biyu ya bar gidan. Ya na tafiya kuwa mai gadi yayiwa gidan kyakkyawan rufewa ya k'ame.

Cikin dare suna bacci kaman ance bud'e ido Zainab ta farka tana bud'e idonta taga inuwar mutum a kanta, bataso ta gasgata idonta don haka ta runtsesu kafin ta k'ara bud'ewa Faiza tayi magana sai dai bata gane me taceba, da hanzari ta bud'e idonta sai taga bakomai sai ta shashimu kusa da Fa'iza taga tana zaune tana k'okarin shan ruwan gora dake kan bedside drawer, wata mahaukaciyar ajiyar zuciya ta ajiye sannan ta juya ta sake adduar bacci.

Washegari komai ya tafi yanda ya dace, hakanan wajan Isha'i da Ja'afar da Hamza suka zauna a falo ta kawo musu abinci sukuma suka shige daki, sai can 11 suka tafi duk dan kiyaye lafiyarsu. Sai dai cikin dare sau biyu tana firgita sai taji ana shashimarta, tsoro yasa ta runtse idonta tayi ta jan Addu'a sai ta dau mintuna sai ta bud'e sai taga bakowa, ranar haka ta dinga hawaye kafin bacci ya kwasheta. Fa'iza kuwa batasan wainar da ake toyawa ba.

Haka sati d'ayan nan ta k'are a b'angaren Sulaiman kam kullum cikin waya suke suna shauk'in junan su, su kuma abokansa basu fasa zuwa suna zama don kula da gidan nasa ba, d'aya bayan d'aya hatta Mukhtar sai da ya tab'a zuwa iyakarta su d'an gaisa ayi hira kad'an ta shige d'aki ta barsu da Tv sukuma suyi hirarsu. Ana gobe Sulaiman zai dawo tana bacci taji motsi a falonta, take ta runtse ido kaman yanda ta saba sai da ta d'au mintina taji kaman anzo an tsaya a kanta tana bud'e ido taga kaman inuwa a kanta take ta sake rufe idonta ta shiga karkarwa hawaye ya shiga zubowa a idonta, tana jin yanda d'an cikinta ke wutsil-wutsil, sai da ta d'au minti wajan biyar sannan ta bud'e idonta wayam bakomai, wannan karon sai da Fa'iza ta tashi tace " Aunty lafiya kuwa? " jiki na rawa ta jingina jikin allon gadon tace " Wallahi tsorata nayi, banson meyasa ba kwata-kwata baccin bai min dad'i" Fa'iza tayi d'an murmushi tace " Aunty kice dai duk sanda ba Ya Sulaiman bakya iya bacci" d'an yak'e Zee tayi tace " Zaki maimaita a gabanshi"sukai dariya

Ranar Suna yaron Fadila yaci sunan kakansa wato Usman sunan mahaifin Ishaq, suna akayi na masu hannu da shuni a ranar kam wasu yan group d'insu na kano sunzo, kuma sun samu karb'a maikyau, banda tulin surveniers da aka basu, in kaga yanda Maman Hanan take shiga take fita ko Mardiyya albarka, tayi uwa tayi makarbiya ita kanta yan uwanta sunzo su Samira da sauransu. Bangaren Zubaida sunan bai mata dad'iba don kiri-kiri ta zama yar kallo ga magana da Maman Hanan ke gasa mata, ita kanta uwar jegon kamar bata ta ita abun ya sosa ranta, har suna mata ganin su marasa aure basu san me duniya ke ciki ba, hakan yasa ta kama kanta suka shiga hira da kanwarta da k'annan Fadilan, shi kuwa Ishaq da yazo suna bukatar abinci ga wasu bak'i Zubaida yayiwa alama akan tazo, aikuwa a idon Maman Hanan take ta shiga zund'en Zubaidan ga Fadila, kan Zubaida k'asa ta isa gareshi ya mata bayani taje ta shirya komi ta kaimasa. Ba'a dad'e ba tayi wa Fadila sallama ta ajiye rigunanta guda biyu na yara da atamfa ta fita, ta dad'e a bakin titi tana jira d'an sahu amma kowa sai yace bazaiyi unguwarsu ba tana haka sai ga Ishaq a mota aikuwa tuni yayi parking yace tazo ta shiga, a lokacin Maman Hanan ta fito k'ofar gidan zata karb'i Sabeer wajan k'aninta don ya damesu da kuka a can, take ta kafa idonta taga Zubaida ta shige gaban motar sai da taga tafiyarsu ta ja k'wafa ta shige gidan, so take kawai mutane su ja baya taje ta kunna Fadila, gaba d'aya ranta ya b'aci daman Maman Hanan ba daga baya ba wajan kishi, shiyasa take ganin mace ta sakewa wata k'awa take mu'amala da mijinta kamar sakarcine da rashin sanin ciwon kai, ita bata raina alak'a.

lιĸe
coммenт
ѕнare
🌐ѕannυ ѕannυ вaтa нana zυwa ѕaι daι adad'e вa'aje вa.✍🏻