Abhi subah ke 7:30 baj rahe the. Main akela class mein corner wali bench pe baitha hua tha. Khidki se halki si baarish ki boondo ka nazara dekh raha tha.
Tabhi class mein ek nayi ladki aayi. Maine use pehle kabhi nahi dekha tha. Use dekh kar maine usse baat karni chahi. Jakar maine usse kaha
"Hey, tumhara naam kya hai??"
"Karishma, Karishma Malik" Usne ek nervous hokar jawab diya.
"Sonu Sitara, nice to meet ya, how are you?".
maine baat aage badhane ke liye kaha.
"Fine, you? "
"Bas thik hoon, tum pehle kaunse school mein thi? "
"Ruby Gem School mein"
Maine notice kiya wo dheere dheere nervous se comfortable hoti ja rahi thi.
"Kya hum friends ban sakte hai" maine pucha.
"Ummm.... " Usne thoda socha "haan, kyun nahi!!"
Itni baat hui thi aur class mein baaki sare students bhi aane lage.
Wo mujhse kahin door baithi thi.
Main hamesha khidki ke paas baithkar apne khyalo mein khoya rehta.
Sabse pehla period English ka hota, jiske teacher Mr. Deepak hamesha mujhse naraz rehte.
Main hamesha ki tarah khyalo mein khoya hua tha ki mujhe ek awaaz aayi
"SONU SITARA!!!!!" Wo awaaz Deepak sir ki thi. "Kya tum bata sakte ho ki hum kaunse page par hain? "
Mera class mein bilkul dhyan nahi tha isliye main unhe jawab na de paya. Main chupchap khada raha, aur sab log mujhpe hasne lage.
Lekin Karishma ke chehre par kuch aur hi tha. Wo mujhe bahut alag hi tarah se dekh rahi thi.
"Class mein dhyan nahi dena to kal se school aana band kardo" Sir ne mujhse gusse mein kaha.
YOU ARE READING
Stupid Girl Karishma
Teen FictionYe kahani hai 15 saal ki Karishma ki, jisne mujhe duniya ki har khushi de di. 💕💕💕 A teen-love story describing friendship, affection, pureness with a lot of good messages.. [IN HINDI] By Dhruv Barot
